有無人有親身經歷的靈異事件? [復制鏈接]

你地有冇d朋友有陰陽眼呢？

引用第64樓麥精於2011-09-03 00:25發表的“”:
早幾個禮拜仲係舊曆7月果時..
我老豆係屋企附近一條天橋等緊lift..
咁而家好多天橋d lift都有cctv..出面可以望到入面架嘛..
話說我老豆就係天橋上面等緊部lift係下面上黎..
.......

會唔會撘錯線呀

引用第75樓05cw2於2011-09-04 02:29發表的“”:
你地有冇d朋友有陰陽眼呢？

有！！！

引用第33樓liuming於2011-09-02 10:36發表的“”:
我細個成日o係屋企聽到有其他"人"講野...
有男有女的，好似電話勾到人線，聽到"佢地"的對話...

同埋我阿娘話我細個時，試過對住大門口嗌"姐姐"...
但事實上門口出面一個人都冇...

引用第0樓sun於2011-09-01 15:46發表的“有無人有親身經歷的靈異事件?”:
如題...
又係我先講... [表情]
話說在我讀書時期...一個深夜的晚上...我在床上睡至零晨約兩點幾左右...
.......

呢樣科學解釋到

引用第77樓reve於2011-09-04 03:35發表的“”:
[表情] [表情] [表情]

WHAT CAN THEY SEE?OR HOW''THEY''LOOK LIKE

引用第47樓bmx於2011-09-02 17:18發表的“”:
壓力有時係來自潛意識，自己都可能未必會察覺得到 [表情]

我平時做人多數係開心的...我自少家人亦無咩壓力比我...包括讀書...
我果時都唔知點解無啦啦會聽倒男人聲...但只此一次!

如果呢d真係自己既潛識意幻覺...咁我去澳洲時...
明明臨房前關上廁所門....但半夜時份無啦啦打開左廁所門在沖涼又點解釋?

你都可以話係唔係我自己夢遊去打開左廁門而不知呢?  

我無夢遊的...

引用第51樓麻凡於2011-09-02 17:28發表的“”:
你唔駛介意的, sun姐係個神婆, 成日疑神疑鬼的, 你唔好見佢有時惡d串d長氣d,
但佢個人其實冇野的, 佢對個個好友都好好架~~~ [表情]

超...講到懶係好清楚我咁...
我幾時係神婆呀? 睇星座唔駛拜神架喎...

惡d串d長氣d就真係睇下對邊個了...

不過都多謝係讚你...扮串我之餘都留幾分厚愛...

引用第52樓bmx於2011-09-02 17:29發表的“”:
講黎聽下 [表情]
我靈異經驗就唔算多，係有一次係大學宿舍果陣開左度門，見到有一大張白色類似床單既物體飄過，不過行出門口就唔見左。呢單就肯定唔係眼花或者幻覺，因為我同房都見到，大家仲問對方見唔見到。[表情]

會唔會真係張床單比大風吹左去咋...

引用第56樓reve於2011-09-02 17:54發表的“”:
你試下兩日唔訓覺走落街，你隻耳仔就會聽到好多人係度同人講緊野。
這個是真的！ [表情] [表情] [表情]

我無試過呀...因為我好少會兩日唔訓覺...

引用第60樓廢托於2011-09-02 22:13發表的“”:
我試過有兩次訓訓下覺醒左, 之後半睡眠既狀態, 知道自己係醒醒地既
但兩隻手都係攤左係度郁唔到, 上排同下排既牙齒咬得好緊...... 自己控制唔到....
但訓醒左又無事.... 我都唔知點解.....

會唔會係你急屎呀?

引用第64樓麥精於2011-09-03 00:25發表的“”:
早幾個禮拜仲係舊曆7月果時..
我老豆係屋企附近一條天橋等緊lift..
咁而家好多天橋d lift都有cctv..出面可以望到入面架嘛..
話說我老豆就係天橋上面等緊部lift係下面上黎..
.......

咁你老豆見倒咁既情況有無入lift呀?  

引用第75樓05cw2於2011-09-04 02:29發表的“”:
你地有冇d朋友有陰陽眼呢？

引用第77樓reve於2011-09-04 03:35發表的“”:

[表情] [表情] [表情]

都唔算有...
至少我依家見唔到...

唔講自己...講下我家人...
我細細佬好耐之前曾經做過一段時間既領隊...
佢帶團去過好多地方...當中既曼谷係比較多果d野的...

間中會分享下佢同d同事既親身經歷...

話說某間酒店的某層係唔會派房比人客住的...
加上果層樓既樓底係超矮...一般人行都好有壓迫感...

如果遇上酒店爆客情況...d導遊同領隊一定係住呢d房間...
因為以前出團可以好多團同日出發...即係2個領隊就可以夾房住一間...

我細細佬本身係基督教...唔會係疑神疑鬼既人...
有晚...佢同事仲未返...佢就訓先...
半夜時份佢同事返黎訓教...
到左半夜3點零左右...細細佬醒左開眼望下同事返左未...
見倒佢同事張帔係0空飄在半空的...
但佢見佢同事無反應...平伏在床上...
我細細佬見咁既情況...當然好驚啦...(雖然係教徒啫...但唔係神麻...)

我細佬馬上祈禱...
佢心諗好唔好扮起身去廁所呢?
好唔好叫醒佢同事呢?

點知佢在想下想下之間...
見佢同事個身上下彈左兩下...(呢d唔係睇戲既情節...係千真萬確既事... )
我細佬祈禱後唔再想...佢好驚都即時彈起身扮去廁所...
因為佢怕同事有事...

之後佢唔諗咁多...即扮去廁所...之後間房就無再有野發生...
佢同事仍然係訓左在床上...將帔亦在同事身上...

next morning...我細細佬都未問佢同事昨晚既事...
佢同事已經問我細佬有無比野搞...
佢同事話昨晚比鬼責...全身無法動彈喎...

是咁的......

話說十多年前，我好鍾意同朋友去聯誼會打雀局，
本來次數太多，已經好難記得邊一場、邊一舖架喇，
但其中呢一次印象係好深刻，原因有二，
第一，因為果次打得比較大，我一晚已經贏左當年半個月既人工，
第二，就係發生散場之後.........

當日，我地約左去北角某雀會開檯，
由夜晚七點幾開始打，一直玩到半夜四點，
因為其中一家好黑仔，成晚一個輸晒俾其他三人，
原本約定打到天光，但到半夜四點佢就面黑黑話無錢要走，
我地惟有找數散場。

另一個朋友住太古城，而我就要過返九龍，
見半夜條街咁靜，所以決定陪佢先行去太古城，
然後我至搭紅 van 過海。

我地沿住英皇道邊行邊吹水，傾番頭先場牌既野，
就喺呢個時候，見對面馬路有架電車，
向住銅鑼灣方向行駛，我不經意望下架車，
成車係燈光火著的，而且坐滿左一車都係老人家，
我就同朋友講：「乜而家 d 阿公阿婆咁早去晨運，你估佢地係咪去維園 ?」
然後我地笑左陣又繼續行.......

行多幾步，我望下隻錶，原來半夜四點半都未到，
望下條街，除左一兩架的士之外，已經無乜車行，
我就問朋友：「電車係幾點頭班車架 ?」
當時佢已經有 d 面青青無答我，
跟住我再問佢有無發覺頭先班公公婆婆好靜，又無乜表情.....

之後我地無再出聲，繼續行到太古我就跳左上架過海小巴返屋企。

引用第88樓國球旗於2011-09-05 11:46發表的“”:
是咁的......
話說十多年前，我好鍾意同朋友去聯誼會打雀局，
本來次數太多，已經好難記得邊一場、邊一舖架喇，
但其中呢一次印象係好深刻，原因有二，
.......

我都試過在朋友家打牌...我一家嬴3家...
最奇怪的是...我嬴到唔好意思...
因為一起手係靚到摸唔夠10隻就食大牌果隻...
最後我怕嬴太多...打出9番都唔食...最後自摸食10番...