[東南亞]老狐遊記。動感沙巴 [復制鏈接]

至於WIFI 卡，我未用過，唔知實唔實用喎。

係nexus 住既第二日，我地去左佢既水上活動中心玩。





原本構思係中午去釣魚，然後黃昏去睇瑩火蟲。一早係香港既時候都已經book 埋位架啦。點知個日負責人話河既水位太低，類似係潮退之類，駛架船入去唔安全，所以要取消夜觀瑩火蟲既節目。十分失望！得番釣魚一樣玩了。

今日全程用dc 影相，都費時帶大機了！









結果釣左三個鐘，全船六個大人三個小朋友，先釣到兩條魚毛一隻蟹，全部都係我個仔釣到的。得啖笑。

無得睇瑩火蟲，提早返酒店，睇日落兼食意大利菜！






話時話，呢間RESORT 有四五間餐廳，間間都唔好食，唯獨係呢間係沙灘旁邊可以睇日落既意大利餐廳最好食。仲要最抵食。PASTA 先係RM20！即50蚊左右。
PIZZA 就RM30！真係抵到爛！係呢到食左幾餐，得呢餐係食得滿意的。

NEXUS 第三DAY！激流日！我地去個條叫九如河。級數係1-2級。點解係1-2 而唔係1 或2 ？原來，好天，條河無咁激，所以得1級，落完大雨，條河「激」D，就會變2 級。領隊話，3歲到80 歲都岩玩。聽完佢講呢句，我大概知咩事了………即係唔慌激得去邊囉。



當黎扒艇仔，HEA HEA 地玩番日囉。




其實另外有條係激好多的，3-4 級的激流。聽講仲真係死過人！不過來回要成六個鐘車程。又巴士又火車咁。仲要兒童不宜，所以唔多岩我地。





D 人悶悶地，成日借D 疑「跌」落水，乘機玩水！




呢條咁既「激」流都有本事反艇………你地都真係好野…………

玩完激流，我地就要離開NEXUS RESORT，出番巿區了。出巿區前，順便買番D 急凍海鮮番香港先。





成尺長既急凍老虎蝦呀！！！





出番巿區後，我地入住HYATT！即係免費個間呢！OK喎，質素唔錯！免費更抵！XDXD



佢個SPA 仲有個好大既按摩池可以免費使用。出島玩完番黎，去個SPA 到浸一浸，涼乾淨哂先返房都未遲！

返到巿區，終於可以去食海鮮啦！！！！係「亞洲城」入面，有三間好出名既海鮮大排擋（香港人最熟個間叫雙天！）大部分既遊客都會去個到食海鮮！近年係隔離個巿場新興左一間細間D 既（不過宜家都愈做愈大了），但同時又平D 既，叫「大茄來」！我地今晚就係幫襯佢！




好可惜………由於我地成八點先黎到（之前去左做SPA），去到既時候，所有老虎蝦都比人買哂了！！！天呀！！！！我一心黎食老虎蝦架！！！





後尾個職員發現原來個水槽到仲有一隻。問我要唔要。我話，一隻都殺！！！然後加多兩隻急凍的！陰公，急凍既都係得番兩隻…………

一隻新鮮既，做左奶油焗！兩隻急凍既，做干奶油焗！




另外加隻大肉蟹！！黃金焗！





再加條「海底雞」！魚黎的！同埋其他貝類！咁就成為一餐好豐富既海鮮大餐了！











埋單RM 240！除左用個抵字黎形容，我都唔知仲可以用咩黎形容了。



下個星期，我地班同事約左去流浮山食海鮮！無蝦無蟹都開我地一個人三舊水！！！死唔死！

freezefox:NEXUS 第三DAY！激流日！我地去個條叫九如河。級數係1-2級。點解係1-2 而唔係1 或2 ？原來，好天，條河無咁激，所以得1級，落完大雨，條河「激」D，就會變2 級。領隊話，3歲到80 歲都岩玩。聽完佢講呢句，我大概知咩事了………即係唔慌激得去邊囉。
[圖片]
當黎扒艇仔， .. (2013-05-30 19:13) 

我果次係落緊雨玩既所謂二級都係……

火鳳凰:我果次係落緊雨玩既所謂二級都係……[表情] (2013-05-30 22:27) 

其實都岩既，比得小朋友玩既，有咩理由會刺激得去邊呀。


刺激，即係一定程度上有危險啦…………

freezefox:返到巿區，終於可以去食海鮮啦！！！！係「亞洲城」入面，有三間好出名既海鮮大排擋（香港人最熟個間叫雙天！）大部分既遊客都會去個到食海鮮！近年係隔離個巿場新興左一間細間D 既（不過宜家都愈做愈大了），但同時又平D 既，叫「大茄來」！我地今晚就係幫襯佢！
[圖片] .. (2013-05-30 19:28) 

見到的老虎蝦又流口水了……

freezefox:其實都岩既，比得小朋友玩既，有咩理由會刺激得去邊呀。
刺激，即係一定程度上有危險啦………… (2013-05-30 22:40) 

咦，話時話啦，佢俾你帶相機上船，果次佢唔俾我帶，被迫只可以買佢影果幾張……

火鳳凰:咦，話時話啦，佢俾你帶相機上船，果次佢唔俾我帶，被迫只可以買佢影果幾張……[表情] (2013-05-30 22:47) 

係咩？佢話可以帶架喎。我淨係帶左部三防DC 仔咋。攝係件救生衣到都唔係好覺。

freezefox:無得睇瑩火蟲，提早返酒店，睇日落兼食意大利菜！
[圖片]
[圖片]
....... (2013-05-30 19:05) 

下面個張好得
可唔可以透露下點影呢D

支持 正post

kevin6543:下面個張好得[表情]
可唔可以透露下點影呢D [表情] (2013-05-31 00:17) 

其實都無咩特別。下面個張係長曝，唔記得幾多秒了。幾秒左右啦。

最緊要其實係要用RAW 影。咁到時就可以調節自己喜歡既白平衡數值。想藍調出多D 既，將個K 數調低。其他對比、飽和度稍稍推高就可以了。

CHUCK:沙巴既奶油蝦...肉骨茶...介央多...真係正到爆....一食難忘....係香港我都想搵番邊到有得食個隻味道既奶油蝦.... (2013-05-28 22:50) 

係啦，其實點解香港無人抄呢款菜式過黎既呢？奇怪。