細龜仔最難養, 肺炎尤其難搞, 最佳方法就係睇獸醫, 不過睇一次最少兩舊.......
巴西龜十幾廿蚊, 所以一般人都唔會捨得睇醫生, 認為可以買過十隻八隻, 如果你想睇, 我就PM個地址俾你啦....
如果唔想睇醫生, 試下幾個雙管齊下的方法~
一, 買龜精靈, 用法盒背有講, 十零廿蚊一支, 一般水族店有售~
二, 增加鈣, 等佢自身抵抗力增強, 最直接係同佢曬太陽, 不過唔好曬太耐, 龜都會中暑的。唔方便帶佢曬, 可於水中加鈣片(幾蚊至十幾蚊, 睇size而定)溶於水, 等佢飲水其間可直接食到。
如果呢關過左, 長遠計其實應該買支uv燈俾佢。
另佢唔肯食野, 試多幾款唔同食糧, 或者買d幾蚊包既蝦仔俾佢試下, 龜好細膽, 食野時唔好望住佢, 龜唔喜歡人望住佢食野的, 當然養熟左就唔會, 但環境唔熟悉或身體唔好時就唔好嚇佢了。
再唔得的話, 買d營養粉同開胃粉倒落水, 同鈣片原理一樣, 等佢飲水時食到, 牌子同價錢我唔記得左了, 去水族店問或上網搵下啦~~~
希望幫到你~~
