買無反 [復制鏈接]

小弟想買部無反, 連kit鏡 預$ 7k  以下~
平時主要拎黎:
1. 自拍(女朋友要求) ,所以要~180度反mon
2. 影狗
3. 旅行 /  weekend 郊外影風景
之前冇用過無反, 而家用緊xz-1, 影夜景算唔錯, 不過多數用auto~
暫時鎖定epl6 (聽講同epl5同價) 同nex-5R~ 上網睇過同去相機鋪禁過下兩部機,初部得出ge 優缺點(只列出我比較在意ge) 如下:

Nex 5R:
1. APS-C , epl6 係M3/4, 除左暗ge環境noise少d之外, 有一點我唔係幾肯定, APS-C crop factor 細d, 除左影風景可以wide d,  拎住部機自拍仲可以影多d 後面個景(同一個焦距), 我有冇理解錯?
2. 有wifi ,方便將相sd 去平板同電話, ne 點唔係冇左唔得,不過有就好d
3. 部機ge形狀好過epl6, 拎上手好似穩d
4. 個反mon相比epl6 方便d, epl6 個反mon好似連住隻機械臀咁~

E-PL6
1. 試過對焦好似快過nex-5R, 影狗我諗會易d~
2. 平d, 唔知有冇記錯, kit set比nex5R 平近1k ?
3. 操控好似方便d, Nex-5R 機頂冇轉盤for 轉mode


起其他網得出比較如下:
http://snapsort.com/compare/Olympus-PEN-E-PL6-vs-Sony-NEX-5R

另外我仲有以下幾個問題:
1. 我留意倒Nex-5R多e-pl6 好多focus points, 我試機果陣影親相都有幾點對焦點, 咁樣有咩好處? 張相多d位對焦, 即係清d ?
2. 無反d sensor 咁大係未都唔使太擔心影夜景問題 ? 因為我見普遍光圈都係F3點幾至5點幾~
3. 無反單反用ge 鏡一唔一樣?  
4. 一隻牌子ge機係未唔可以用其他牌子ge鏡? 如果用係未冇左auto focus?
5. 我揀sony or olympus ge機, 將來再買鏡upgrade 會唔會邊個牌子多d選擇? 或者有咩其他影響?

如果有其他型號都可以推荐, Thx very much!!

只用過EPL 系列！

EPL 系列：

1. 自拍(女朋友要求) ,所以要~180度反mon

有反MON，但反唔到180度。自拍有困難。

2. 影狗

對焦系統比之前數代雖然快左。但追焦仍然同大機有一段距離。影寵物既話，如果佢唔係太活躍都OK 既。走黎走去無時停既話就辛苦D 囉。唔係咁易捕捉到（咁講真，就算大機都唔係十拿九隱的）。

3. 旅行 /  weekend 郊外影風景

絕對無問題！

1. 我留意倒Nex-5R多e-pl6 好多focus points, 我試機果陣影親相都有幾點對焦點, 咁樣有咩好處? 張相多d位對焦, 即係清d ?

理論上，愈多對焦點愈易中焦。理論上。清唔清係另一個問題。唔關對焦事。當然，唔中焦，將相就梗係唔清啦。

2. 無反d sensor 咁大係未都唔使太擔心影夜景問題 ? 因為我見普遍光圈都係F3點幾至5點幾~

無反SENSOR 比大機，尤其係FF 機細。雜訊問題會比較嚴重。影夜景呢個情況會更明顯。但如果你D 相絕大部份都只係放係FB 呢類平台，你應該唔會太分到個分別的。放大到8R 就可能明顯D。但當然，你要黎同DC 比較既話，就一定比DC 好好多了！光圈係視乎你用咩鏡頭，同部機無關。你可以換支1.8 大光圈既鏡頭架。KIT 鏡就多數係無咁大光圈了。


3. 無反單反用ge 鏡一唔一樣?  

當然唔一樣。不過可以加個接環。用到部分既鏡。但唔太建議咁做。你應該暫時無呢個需要。無反就買番無反鏡吧。你要玩拉架鏡又或者你有大量單反舊鏡另計。


4. 一隻牌子ge機係未唔可以用其他牌子ge鏡? 如果用係未冇左auto focus?

睇咩牌子。O 記既M3/4 系統（即係EPL系列、EM系列）係可以用到P 記既M3/4 系統既鏡。但同樣係無反，O記係用唔到SONY 既鏡。相反亦然。O記M3/4 亦用唔到自己牌子單反既鏡，要加接環。但效果唔好（追焦方面）。


5. 我揀sony or olympus ge機, 將來再買鏡upgrade 會唔會邊個牌子多d選擇? 或者有咩其他影響?

SONY 唔知。但O記暫時都出左好多鏡。加埋P記既鏡，買窮你都得！大把選擇。

唔反mon嘅話，可考慮單反canon 100d， 細細部， 最近減咗價。

http://www.canon.com.hk/tc/shop/catalog/productiteminfo.do?productItemID=61867

YEAH 有新TOPIC 講相機

其實EPL6同同EPL5 係無乜分別咁濟, 原先EPL6係日本限定版, 主要分別只係加左100ISO
所以價錢分別應該不大 (機身顏色好似有少少分別)

另外, EPL6 係咪好似無行貨得水貨? 不太確定

有得反mon 要自拍黎計, 我推介epl5

SONY 剛剛發表左FULLFRAME 既無反, 唔知會唔會將重點資源擺左果邊而減少投資中價無反市場
O記P記鏡頭選擇多, 有平有貴, 實揀得岩

多謝各位,  其實m3/4 同APSC 分別實際用黎大家覺得分別大唔大?  起廣角同暗ge環境之下影相呢兩方面

其中一個我比較在意ge就係呢個分別~

epl6 上網search好似香港未有行, epl5 同epl6我都冇所謂, 反正分別咁細~

只係用過epl-5

你要既野epl 都應該做到比你,,,

nex 我覺得就少d鏡揀同外型靚少少

要自己取捨下.

SONY 係無反做得幾好，機唔算貴

鏡其實唔算少，不過建議配其他鏡

最大問題反而係 Settings

ArreatSummit:多謝各位,  其實m3/4 同APSC 分別實際用黎大家覺得分別大唔大?  起廣角同暗ge環境之下影相呢兩方面
其中一個我比較在意ge就係呢個分別~
epl6 上網search好似香港未有行, epl5 同epl6我都冇所謂, 反正分別咁細~ (2013-10-30 23:52) 

APSC 廣角度應該比M3/4 更廣。APSC 有效焦距係X1.6，M3/4 係X2。即係同一支焦距既鏡，例如50MM，係APSC 到就等如80MM，但係M3/4 就變成100了！

APSC 感光元件亦比M3/4 大少少，單單計呢方面，入光會較多，有利影夜景。

但感光元件只係其中一個因素，仲要計埋其他因素既。