[英超]高普突然宣布季尾離開利物浦 [復制鏈接]

利物浦領隊高普周五突然宣布，今季完結後將會離開球隊，結束執教紅軍9年的歲月。這名56歲德國籍教頭透露，自己離開全因精力已耗盡，並指在去年11月已經告訴球會這個決定。

利物浦在周五突然於官方YouTube頻道發布了一條長達24分鐘的影片，高普在片中接受訪問，宣布季尾離隊這個消息。這名56歲德國籍教頭表示：「我要向大家宣布，我會在季尾離開球隊。大家在此刻聽到這個消息肯定很錯愕，但我可以解釋這一切。我喜愛球隊的一切，但我已經精力耗盡，我目前身體沒有問題，但不可以一直、一直、一直教下去。我在去年11月已告訴球隊這個決定。」

高普：「我已耗盡精力﹗」

高普續指：「季初當球會跟我討論來季去向，我問自己到時我是否還在利物浦？因為上季非常艱難，如果在其他球會可能已經把我解僱，所以今季重回正軌後，我認為是時候離開，我不想，但我認為百分百正確。」

56歲的高普是利物浦最成功的領隊之一，由2015年入主紅軍以來，9個球季為球隊贏得7個錦標，包括歐聯、英超、足總盃及聯賽盃各一次。

(credit: 星島)

「永不執教利物浦以外的英超球隊」

利物普宣布領隊高普（Jurgen Klopp）將於季尾離任，震撼一眾紅軍球迷，然而這位德國籍領隊被問到關於未來去向時，他除表示不會執教利物浦以外的英超球隊，更暗示或會退休。

周五晚利物浦毫無預兆地宣布，原本合約期至2026年的領隊高普，原來已於去年11月向球會請辭，將於季尾正式離任，令紅軍球迷大感錯愕，並對這位帶領球會已達第9季，並曾贏得歐聯、英超、足總盃及聯賽盃等重要錦標的領隊依依不捨。據英媒《電訊報》報道，隨著高普預告離任，助教連達斯（Pepijn Lijnders）亦會於季尾離開利物浦，然而他並非跟隨高普落戶下一站，而是尋找成為正印領隊的機會。

既然助教並非「嫁雞隨雞」，球迷自然渴望了解高普是否有新東家才離閞利物浦，不過他在離職訪問中提到，自己不但未知去向，更暗示可能就此退休：「如果你問我『還會再擔任領隊嗎？』，我現在會說『不會』，然而我不知道真的到離任一刻會否改變想法。」同時他亦保證不會傷利物浦球迷的心：「可以肯定的是，我永不會在英格蘭執教與利物浦不同的球會。」

(credit: 星島)

呢單野真係大到, 突然到

唔係之前有續約, 都唔會有期望, 以為會最後一年係哥師離開, Klopp獨戰多一季到2026先退.

唔單只係球員, 佢自己都係比到盡了. 如果聯賽足球入面錢係兵力, 佢真係不斷咁以少敵多, 正常下唔係應該有咁好的成績, 真係將才.

支持咗利記二三十年, 見識過好多好多色的利記球員, 但出色的領隊, 就真係得佢一個

尋日一見到呢個消息，仲要係高普拍埋片親口講，想自己呃自己都唔得。真係由尋日SAD 到宜家⋯⋯⋯好灰。

或者，下一任可以繼續利物浦既強勢，但就算係咁， 無咗高普既利物浦，仍然係好似無咗最重要既靈魂一樣。


對好多人嚟講，高普帶比利記既，係一個又一個久違既冠軍。但對我而言，高普帶比利物浦既，係人性化既感受，係 ALL IN ONE 既團隊精神！呢啲，唔係咁多領隊可以做到。 高普之後，恐怕再難遇見一隊咁團結，咁無私既利物浦。








高普，永遠的利物浦領隊。

freezefox:尋日一見到呢個消息，仲要係高普拍埋片親口講，想自己呃自己都唔得。真係由尋日SAD 到宜家⋯⋯⋯好灰。
或者，下一任可以繼續利物浦既強勢，但就算係咁， 無咗高普既利物浦，仍然係好似無咗最重要既靈魂一樣。
....... (2024-01-27 13:10) 

完全認同! 琴日睇訪問好多人話, 聽到消息好似知道有屋企人要離開咁, 好唔捨得.

佢真係帶到人性化的一面, 球員的能力只係一部份, 個人有冇團隊性, 有冇紀律問題, 能唔能夠同人合作同一拼考慮. 以前幾個Diouf, Balotelli, Bellemy果D, 係Klopp之下一個咁的人物都無簽過.

平日人講人話, 個人真, 足球內外都係. Covid期間, 講的一段說話, 將專門的事情留俾聽從專家同醫生的意見, 真係聽到拍哂手. Klopp你好堅!

都唔講佢平時的輕鬆搞笑, 一個唔用social media的人, 但又追得好貼. 好記得Alisson傷的一段時間, Adrian頂上仲踼得咁好, Super Cup贏咗. Klopp訪問時果個「Adrian~~~~」, Rocky的reference佢一個德國領隊又知道?!

除咗大熱Alonso外, 接班人黎講, 傳利記對Brentford的Thomas Frank, 同Brighton的Roberto De Zerbi都有與趣.

唔知, 兩個都肯定係好領隊, 但見過太多次中游領隊上到上游, 表現又麻麻. 上次Rodgers由Swansea都係咁, 去到某個位, 球隊表現再突破唔到.

希望揾到個好似Klopp咁有全盤計劃的, 由backroom staff, 訓練設施, 青訓/外借培訓等等, 都有一套諗法的.

(credit: Daily Mail)

𝐁𝐑𝐄𝐀𝐊𝐈𝐍𝐆: Xavi Hernández decides to 𝐋𝐄𝐀𝐕𝐄 Barça at the end of the season

ＴｕＮｇ:𝐁𝐑𝐄𝐀𝐊𝐈𝐍𝐆: Xavi Hernández decides to 𝐋𝐄𝐀𝐕𝐄 Barça at the end of the season [表情]  (2024-01-28 05:02) 

你係驚Klopp去教巴塞, 定Xavi黎教利記多D?