【東方日報專訊】「巴士阿叔」陳乙東一舉成名，卻一朝得志語無倫次，還高調去深圳尋歡，又揚言要啅硬「扒女」李依琳，日前更被人打到變「豬頭」，正牌「阿叔」林尚義與李依琳亦都不值其荒唐行為，齊齊大鬧「巴士阿叔」，而「扒王」李德麟亦不滿陳乙東私生活不檢點有意炒他魷魚！
李德麟有壓力
至於「扒王之王」老闆李德麟的愛女李依琳（Elaine），前晚出席活動，提到有報道指「巴士阿叔」有意追求她，所以才到該餐廳任職。Elaine 表示見過巴士阿叔，雖然她有少許擔心，不過身邊有很多男性朋友會保護她。問她會否接受巴士阿叔追求時，她即爆粗說：「一定唔會！佢好冇禮貌，我睇過段短片，如果我當時係巴士，一定會叫佢Shut the Fxxk up！我有問爹D點解要請佢？但佢冇答我，佢成日有咩事都唔同我講！（係咪唔鍾意爹D請佢﹖）有少少。（會唔會叫爹D炒佢？）遲D先講，爹D依家都好大壓力。」
李德麟就說知道女兒對他聘請「巴士阿叔」頗有微言，加上雜誌對「巴士阿叔」的負面報道，令他擔心影響公司形象，故正考慮是否辭退他：「我初時都係諗住幫失業人士，佢個人D私生活我唔能夠干涉，但雜誌太多佢既負面報道，又話佢北上尋歡，我囡囡同太太都好唔開心，叫我唔好再請阿叔，尤其係女性睇D有關報道會好唔滿意，我都好難做，佢太多是非，我係做正經生意！」
李德麟又謂，其實「巴士阿叔」對於是否繼續任職亦有所保留，何況阿叔傷勢不輕，會有一段長時間不能上班，他前日亦有到醫院探望對方。對於阿叔為人，李德麟說只跟他相處了七天，但接觸時不覺有問題。
http://hk.news.yahoo.com/060609/10/1om77.html
