極度支持
寫得太好啦~
文筆極之流暢~好有人地專業寫blog果種影子~
我通常都係睇下d大陸同志所寫既blog,所以無論文章內容,中心或者背景都以大陸實際環境情況為主~
好係樓主所寫既呢篇咁富港式味道既文章~真係少見
回正題~其實我覺得呢單野責任不在司機,而在於個女人....
有斑馬線,天橋,隧道之類佢唔行,選擇鋌而走險,跨過圍欄,橫越馬路,呢個已經係魯莽既決定,同時亦違反左交通規則,而事前無留意路面既情況,更加係疏忽大意
至於個司機,只要佢當時時速符合該公路既規定,並無超速,佢已經無任何法律責任.當然,作為司機,要無時無刻打醒十二分精神,去注視路面既情況,盡量避免一切突發事件既發生.
而今次事件,個司機面對突如其來既女人,已經盡左一切責任與本能反應及時扭呔閃避,避免左一場飛來橫禍,亦僥倖保住左女人經已半失既性命!肇事司機為了閃避該女人,最終令自己愛車撞欄四輪朝天,車身損毀.不但要面對愛車損毀之痛,自己更加係在事件中受傷,對於呢個無辜而倒楣的司機,我地仲可以要求他做些甚麼呢??
而個女人,話哂今次事件因佢而起,都算係事件中既”罪魁禍首”,沒有佢既魯莽,就沒有今次既意外.當意外發生之後,無論出於同情,抑或自責,都應該上前視察, 就算唔向司機施以援助之手,至少都應該給司機一個問候,給他一點溫暖.但遺憾的是那個女人當時選擇左逃避, 選擇左冷漠, 留給司機的只是一個逃之夭夭既背影,讓司機係孤獨無助既情況下自行解決,
究竟當時個女人諗緊d咩........真係令我有點困惑.........
