接子彈恐嚇信照去新加坡 陳冠希唔知死：好大嘅玩笑
【太陽報專訊】床照事件男主角陳冠希接全球追殺令，復出大計備受打擊。自床照事件後愛採用「龜縮」政策的他，卻將會如期在下月到新加坡為電影宣傳，還大無畏地覺得子彈恐嚇信只是個大玩笑，擺明拿命仔來「較飛」！
自床照事件後，陳冠希（Edison）雖然曾宣布全面退出香港娛樂圈，但他仍心心不息，企圖繼續他的娛樂事業，還事先張揚下月將會出席其主演電影《神鎗手》新加坡首映禮。但他的復出大計面臨極大考驗，有線電視前日收到一封針對Edison的子彈恐嚇信，要求他於下月4日後絕迹任何活動，否則對他不利。不過陳冠希對於恐嚇信似乎沒有理會，更將會大無畏到新加坡出席首映，實行挑戰子彈恐嚇。
從來冇想過返港
寰亞電影公司負責人昨日接受訪問時表示，Edison已得悉恐嚇信一事，反問：「應該點做？」並謂他對此並不擔心，完全相信警方的能力，認為寄信人是挑戰法律，還引述Edison的說話：「呢個係一個好大嘅玩笑！」似乎無懼全球追殺令的威脅。
問負責人會否擔心Edison的安危？他說：「唔擔心，香港係一個法治之區，陳冠希係有唔啱，但罪不至死，我哋絕對相信香港政府同警方，鍾唔鍾意一個人都好，都唔應該咁做（指發恐嚇信），出發點好錯，呢件係犯法事，挑戰法律係應該受到制裁。」
負責人又表示，Edison從來沒有想過返港為《神》片宣傳，亦沒有想過返香港，但絕對不是因為恐嚇信一事而不肯回港，但新加坡的宣傳活動則會照去如儀。
問到Edison會否避免出席公開活動？負責人說：「我哋覺得唔係一個問題，我哋唔係挑戰人，只覺得呢個人（發恐嚇信的人）好有問題，對我哋公司都係一個好大嘅玩笑，係挑戰緊法律。」對於有指Edison早前已收到兩個恐嚇電話，負責人說：「呢個問題要問番陳冠希，我未收過。」
林超賢曾聯絡Edison
不過，《神》片的導演林超賢直言對事件感到擔心，卻質疑子彈的真偽，覺得發恐嚇信的人直情當警方冇到，問新加坡宣傳時會否加強保安？他說：「公司方面都會咁做，相信當地警方都會，點會畀一個宣傳發生事呢。」問到會否叫Edison不要去？林超賢說：「要睇需要，其實新年後Edison有聯絡過我，再次就自己影響部戲講唔好意思，我覺得佢對呢套戲好大期望，而都真係睇到有進步嘅。」
尋求港星警方協助
寰亞電影公司高層莊澄對於Edison行蹤已被透露感到驚訝，他表示若然Edison真的到新加坡宣傳，會徵求香港及新加坡警方的意見，問到Edison是否4月6日如期到新加坡宣傳？他說：「仲未落實，依家距離4月仲有段時間，仲有好多變數，包括香港警方可能會搵到更加多證據，一切言之尚早。」而Edison的經理人管小姐表示，Edison於下月6日到新加坡是初步計劃，起初是發行商要求他出席宣傳，但現在情況有變，去不去要視乎案件進展。
