蘋果日報
繼《學警狙擊》的 Laughing哥謝天華後，多年來擔當綠葉的黎耀祥，近日也憑無線劇集《巾幗梟雄》的柴九一角成功上位，不少網民更將柴九與 Laughing哥列作今年視帝勁敵比拚，無線遂索性來個 crossover，安排祥仔在天華主演的電影《 Laughing哥之變節》中扮演警察。當柴九遇上 Laughing哥，肯定噱頭十足，好戲連場。
謝天華在《學警狙擊》中飾演警察臥底 Laughing哥人氣爆燈，無線趁勢與邵氏合作開拍電影《 Laughing哥之變節》（前名《 Laughing哥前傳》），由邱禮濤執導，並找來影帝級人馬黃秋生、吳鎮宇以及昔日無線一哥黃日華助陣。
「多謝觀眾同網民支持」
近日鄧萃雯與黎耀祥主演的劇集《巾幗梟雄》再掀熱潮，首次擔正男主角的祥仔飾演的市井流氓柴九，備受圈內圈外人士讚賞，就連香港著名女作家李碧華，日前也在專欄中大讚祥仔和鄧萃雯表現出色，寄望該劇有 40點（即約有 254萬觀眾）收視，以激勵所有「賣樣無戲懶散走音的所謂人氣偶像」。
雖然現在距離無線台慶頒獎禮尚有一大段日子，但不少網民睇好祥仔穩奪今年視帝寶座，還有網民發起柴九 vs Laughing哥的各種投票，由金句、演技鬥到視帝寶座。有網民更指出柴九與 Laughing哥性格近似，表面上嘻嘻哈哈，實則是真正的男子漢大丈夫。據悉無線有見柴九當道，故安排祥仔在天華孭飛的《 Laughing哥之變節》客串演出，大搞噱頭。記者日前致電向邱禮濤求證時，他直認不諱說：「我哋係搵咗祥仔客串，佢喺戲中係做差人嘅。」
謝天華飾演的 Laughing哥全城熱爆，希望憑前傳電影《 Laughing哥之變節》再下一城。《學警狙擊》劇照
對於近日憑柴九一角接獲不少工作機會，祥仔前日在電話中謙虛地說：「託賴啦！好多謝觀眾同網民嘅支持。其實我 �M家拍緊《畢打自己人》，都要睇嚇度唔度到期，最重要係唔好影響到公司同其他同事。」談到在天華新片中客串，他說：「我同天華合作都唔少，對上一次應該係《迎妻接福》，都係添哥（李添勝）監製，對手戲都好多，反而以前電影嘅對手戲唔係太多，今次應該幾好玩嘅。」
天華與祥仔的確曾多次合作，如 07年天華首次擔正做男主角的無線劇集《迎妻接福》，祥仔便是第二男主角。至於電影方面， 98年《風雲之雄霸天下》中，天華飾演秦霜，祥仔則演泥菩薩，而 99年天華與祥仔參演的《夜叉》，更是由邱禮濤執導，不過今時唔同往日，兩位當年只是綠葉的演員，如今已各自上位，獨當一面。
「祥仔一向係好戲之人」
祥仔除重登大銀幕之作《 Laughing哥之變節》外，近日也獲《神鎗手》導演林超賢垂青，斟洽他在黎明和任賢齊主演的動作片中擔任要角。問林超賢是否因柴九演技出色而找他演出時，他在電話中說：「都有呢個原因嘅，但祥仔一向都係好戲之人。其實部戲係同內地合拍，�M家仲申請緊批文，一切要等有批文先至落實再傾。」
此外，《巾幗梟雄》將於本週五晚 8時 15分至 10時 15分，播出兩小時大結局，屆時無線會在荃灣愉景新城舉行《東張西望巾幗梟雄會》，邀請劇中演員與觀眾一起欣賞結局。
採訪：戴彩煥 攝影：葉君海
