引用第10樓鬼影炎光於2009-06-24 09:18發表的“”:
中國ICAC......唧係將成班貪官聚埋一齊......
唔好諗到十三億人都係賤人, 中國人就冇好人? 外國人就個個心地善良?
眼光唔好太偏狹, 每個地方、國家其實都有腐敗醜陋的一面, 正如每個人都有優點缺點,
中國因為無論在地理和心理都太接近我地, 所以令我地睇得更清楚佢地的負面情況,
但你有冇諗過造成呢d負面事情的並唔係大多數的人民? 其實只係一少數人.......
要將缺點放大, 幾容易, 傳媒係呢方面做得好好, 你就願意相信這些報導就係真正社會國情?
點解你唔了解下中國有幾多傑出的、值得我地驕傲的人和事?
香港而家係太多人一見片面報導就鬧鬧鬧, 你唔好做同樣的人呀, 鬧之前試下去了解其背後,
你諗下, 如果你有一日做錯一件事, 就被人否定哂你成個人格, 你會點?
的確中國有腐敗的地方, 人民的公民教育還是很差, 但你睇下歷史, 冇幾耐之前, 三、四十年左右,
香港就如你今日憎恨的中國一樣, 個個隨街吐口水, 政府差人商人個個貪, 果時社會風氣係咁,
大多數人無可奈何, 如果當日其他人甚或英國政府好似你咁, 見到香港咁多負面野就鬧,
然後唔理不特止仲踩多腳, 咁香港會變成點??
憤世, 其實代表你有一顆熱心, 試下將呢顆熱心放在一個好的方向啦~~~
