(星島日報 報道)黎明 （Leon）前晚拍攝新片《Frozen》，再度放棄靚仔形象，以天橋底露宿者造型示人，臉部及衣履破爛污穢。衛蘭日前透露妹妹衛詩吸毒一事後，近日積極練舞想復出，Leon被問起此事，明顯不打算再給予機會，又發揮「金句王」本色：「暴露了身分，不可以再做特工，當初講了就無得返轉頭！」文、圖：溫敏芝
黎明、衛蘭、文詠珊（Janice Man）與劉浩龍 ，前晚於太子拍攝由郭子健執導的電影《Frozen》，老闆林建岳 也專誠前來探班。
Leon繼電影《十月圍城》扮演乞兒後，再度突破形象，扮演天橋底露宿者。他說：「我都是來到才知，導演要求這個造型便做，我只是客串，只能夠去信（導演），都好玩的。」Leon透露早前到內蒙古 工作，沒有經常探衛蘭及Janice Man班。他表示不會指導衛蘭演戲，之前與她合拍音樂電影已知道有天分。
無得返轉頭
衛蘭日前指妹妹衛詩自吸毒事件後，現時變得積極又努力，問到身為老闆的Leon會否給予衛詩機會？他說：「我都講過好多次，她的職業是特工，最後暴露了身分，我諗佢唔可以再做特工，其實仲有好多行業可以發揮，可以是幕後或唱歌，有時做了一件事，要對事件負責，以第三者來講，傳媒有好的評語，覺得應該畀機會，但覺得唔畀的都有存在，做音樂想簡單一點，唔想成日講復出唔復出，淨化過程入面，有無好的發展空間，未來或者搵到，唱歌暫時唔會諗住，好多野做左係咁，社會定位係咁，當初講了就無得返轉頭。」
問到Leon有否留意衛詩的新聞？他坦言睇過幾次，見到衛詩幾開心，但不應該為這些事而影響，發展順利不順利，都要勇敢行出第一步，不是原地踏步。
力撐老婆「鬼妹」熱情
此外，近日有周刊指其太太樂基兒 （Gaile）與友人又攬又錫，Leon笑謂：「又嘴第二個？我無睇到喎。好似奧巴馬 訪問中國一樣，每個地方有唔同的成長背景與文化，Galie在美國 出世，美國生活方式與亞洲不同，不要諗得太過多餘，攬下好正常，如果無咩其他意思，我會尊重番佢，尊重番美國人的生活，我就係咁睇。」
作為傳統中國人也如此大方？Leon說：「應該大方就大方，唔好諗歪，識佢咁耐，佢係美國式女孩，呢樣一早知道。」會否向Gaile過問此事？他說：「無口野都唔會問，大件事的話，其他人一早拎畀我睇啦。」
另外，有指Leon買新車給Janice Man享用，他說：「車咁上下便要換，公司車唔好話我畀。」問到會 否害怕令衛蘭呷醋？他稱不會，只是注重安全。
[ 本文被鬼影炎光在2009-11-19 13:42重新編輯 ]
