http://orientaldaily.on.cc/cnt/entertainment/20091119/00282_006.html黎耀祥對「視帝」獎項可謂十拿九穩，他發誓無線從來沒有跟他說過簽約就有獎，不簽約成為「親生仔」是因為「計唔清條數」未知自己市場價值。為了迎戰，祥仔除了聘用兩名形象指導外，更到美容院勤做機及facial，谷「胸肌」以至fit姿態迎戰！
每年視帝、視后獎項戰況激烈，今年賽果似乎一面倒，視帝一獎似乎已成祥仔囊中物，鄧萃雯有Wyman（黃偉文）搜羅戰衣，祥仔除找來代言的美容公司「變身」外，更秘密聘請兩個形象指導，為他在衣著、形象方面下工夫，是以台慶服飾不用再假手於老婆大人。
關係變 未必好
祥仔直言自五月播出《巾幗梟雄》開始，工作暴增，由登台、慈善、電台及電視台活動到政府活動有過百個，是入行廿幾年來最厲害的，令他全無時間做運動，故除了請形象指導，他開始做機加健康飲食配合，已瘦了16磅，目前是145磅，腰圍由33吋減至30吋，更有埋胸肌！
祥仔強調不會以約換獎，據知之前一直與無線有傾約的他，都算不清條數：「我地幫公司搵到錢，就已經係親生仔。（點解唔簽無線？）關係上轉變唔一定係好事。（係自由度抑或金錢問題？）最好兩樣都袋晒，佢地覺得我仲有空間推高，但自己平衡唔到，唔知自己既巿場價值，未知收益有幾多，所以仲未睇定，係時機問題。」說到視帝對手，祥仔睇好《宮心計》的陳豪，大讚陳豪高高大大演傻仔皇帝都做得幾得意、幾好。
得獎詞 已度好
至於得獎台詞，祥仔亦已度好，他不認為多謝等於「擦鞋」，他最多謝曾勵珍：「咁多年來珍姐最錫我，98年我離開ＴＶＢ，都係因為佢我先可以返去，否則我唔會有今日。」另外，網民在討論區嚴選今年視帝視后，截至昨日，鄧萃雯成為網民至愛，其次是楊怡和佘詩曼；視帝方面，祥仔屬頂頭大熱，黃子華和羅嘉良緊隨其後。
===========================================================
繼豬八戒後又一代表作---柴九!
[ 本文被鬼影炎光在2009-11-20 10:22重新編輯 ]
