http://www.youtube.com/watch?v=Bb-4afrzHd4網上流傳陳果新戲《迷離夜》片段，片段短短分半鐘，卻多番揶揄特首梁振英。盧海鵬飾演的梁震嬰，深感有人阻佢上位，所以找邵音音幫手打小人消災解難，他們言談間粗口橫飛，非常抵死。盧海鵬更道出振英經典金句：喺印象中我就冇。以下為片段對白：
鵬：盧海鵬 邵：邵音音
鵬：呀，快啲！
邵：呢啲嘢唔急得㗎，睇你都係第一次嚟啦，畀啲特別優惠你。
鵬：唉，唔使唔使，錢我大把，總之靈就得啦。
邵：嗱，麻煩你寫你個名呀。
邵：哈哈，梁震嬰？
鵬：唔好咁大聲啦，鬼叫個x樣同我同名同姓咩！
邵：阿嬰哥呀，你要我點幫你？
鵬：有人阻我上位。
邵：好正常呀，你個名都叫梁震嬰咯，哈哈，繼續。
鵬：如果龍頭個位我坐到呢，嗰班xxx呢就有運行啦。即係話，搵到水呀。
邵：咁你有冇俾佢哋知道你幫佢哋搵到水吖？
鵬：喺印象中我就冇。
邵：你搵咁多錢，做乜x嘢呀？
鵬：咁你搵咁多錢又做乜x呢？
邵：我幫你消災呀嘛。
鵬：我幫香港消災呀嘛。
邵：哈哈，消你xx，哈哈。
鵬：喂，唔好鬧我xx喎。
邵：唔係，唉，我係鬧緊你嗰班要打嘅小人呀。嗱，嬰哥咁嘞，我郁手㗎啦吓。
鵬：打。
邵：唔。
邵：震嬰哥，企定啦，蛇蟲鼠蟻好x多...
