《竊聽3》製作特輯曝光 吳彥祖金句：土地唔係要嚟賣嚟賣去！
https://www.youtube.com/watch?v=RdJ2i88FzIE#t=45《竊聽風雲3》Making of 故事篇
電影《竊聽風雲3》早前就推出咗聲波紋預告，之後又推出咗一條劇情嘅預告，相信大家都好了解《竊聽3》故事，而喺今日又推出一條片，今次就唔係預告，而係製作特輯。
呢次嘅製作特輯入面，有四位主要演員古天樂、吳彥祖、劉青雲同周迅，加埋麥兆輝同莊文強兩位導演，
一齊講套電影嘅意思同當中嘅意義，一個3分幾鐘嘅製作特輯，包涵住好多金句。
莊文強話：「對我嚟講，土地係畀我哋有立身之所。」之後周迅就接住話：「土地是用來養活生命的。」
吳彥祖嘅呢一句就最精彩喇：「土地係要嚟用，唔係要嚟賣嚟賣去。」簡單三句說話，已經帶出咗土地嘅真正用途，
所以莊文強一開始都話《竊聽3》係一套講關於土地嘅電影。
《竊聽3》當中嘅土地問題，就係丁權嘅問題，而吳彥祖就話丁權嘅問題，係香港獨有嘅情況，所以《竊聽3》可以話係一套非常具有香港特色嘅電影，
而莊文強喺製作特輯嘅尾段，就講咗一句話：「睇完呢部戲，觀眾係真係會諗下咩係公平原則。」
除咗有演員同導演講金句，仲有介紹古天樂、吳彥祖、劉青雲同周迅角色介紹。
http://hk.apple.nextmedia.com/enews/realtime/20140501/52434232
