上屆英超，我地係聖誕之後，攪左個英超前四競猜遊戲。今年趁聖誕未過，攪個2015年英超前七競猜遊戲。大家估下，
截至2015年12月31號前，英超前七將會係邊七隊波！
答案請用下列形式列明：
1.修咸頓 2. 韋斯咸 3. 西布朗 4. 史篤城 5. 李斯特城 6. 屈福特 7. 紐卡素（請將答案一行過列出，不用分行）
今次同上次計獎金方法大同小異：
只要估中哂前七個七隊波係邊七隊，不論位置，就可以獨得或平分第一彩池。總數廿萬元好友元！！即係，如果有十個好友估中，就一人分兩萬！如果有廿個好友估中，就一人分一萬！
如果可以估中哂七隊既位置，則可以獨得或平分第二彩池。一樣係總數廿萬好友元。第一、第二彩池完全獨立運作。即係，係第二彩池中獎者，另外一樣會係第一彩池分獎金。兩個彩池互不影響。
以上彩池金額，以2015年11月28日 晚上八點前提交答案者為準。
答案一經提供，不能更改，否則作廢。
11月28日之後，仍然可以提供答案。12月5日晚上八點截止。係呢段時間內提供答案既好友，即使答中，第一彩池獎金會自動減半。而第二彩池獎金則視乎 11月28日前提供答案既好友中有冇人答中。如果已經有好友估中答案，即11月28 日後估中既好友係唔會獲發任何獎金的。獎金會由11月28日前估中既好友獨得或平分。若無人估中，才會有機會獨得或平分第二彩池之獎金。
如果你係11月28日前提供答案，雖然唔可以更改，但可以要求取消。係12月5 日前再次提供答案。可以當你重新加入。規則照舊。但不能11月28日前後各提供一個答案，同時並存。如有發現，一律取消資格！
有唔明既歡迎發問！呢個TOPIC 亦歡迎吹水！
[ 此帖被freezefox在2015-11-23 17:20重新編輯 ]
