今日一早天未光起身,天光前就上開頂吉普車出發
天光就見到非洲既日出同一群班馬+羚羊
![](https://farm5.staticflickr.com/4380/35771501934_b9b050ac0a_h.jpg)
當地人叫種羚羊Impala 做 Fast Food。
因為1,佢地跑得快
2,周圍都見到
3,有個M字晌個pat pat
![](https://farm5.staticflickr.com/4368/36560655606_1e31cd3def_h.jpg)
呢隻野叫Waterbuck,跑得唔快,又蠢。係獅子主食之一。佢最特別係難食....d肉帶苦味。所以獅子都係無得揀先會食.....
![](https://farm5.staticflickr.com/4351/35797453613_a1c8a3e2de_h.jpg)
呢隻係Kudu,係其中擁有最大羚角既動物,亦係Kruger 既標誌
![](https://farm5.staticflickr.com/4347/35771499774_8f11e4d0ae_h.jpg)
今日主要往河邊進發,河入面有鱷魚同河馬
剛到河邊就見到有隻鱷魚驚動旁邊既河馬,做成一小小驚動畫面
可惜無人影到......
![](https://farm5.staticflickr.com/4410/35771602094_de9014f00b_h.jpg)
咁我地就沿住河邊睇其他動物。然後差唔多10點幾就食個sandwich同水果。
食野既時候,我發現樹上有Lion King既Zazu
![](https://farm5.staticflickr.com/4353/35771501454_6d2d839756_h.jpg)
差唔多中午我地又返去營地休息。同d馬騮玩下
![](https://farm5.staticflickr.com/4402/35797454843_ebf19626a8_h.jpg)
睇下營地邊個水池d野豬
![](https://farm5.staticflickr.com/4387/35771500454_253d4f50ff_h.jpg)
下晝我地又再出發,往樹林既另一邊前進
途經有大象,長頸鹿,班馬等等
直到經過一段比較濃密既矮樹林,我地前面有隻獅子路過!!
係一隻未成年既雄獅!無聲無色向我地面前出現!!
![](https://farm5.staticflickr.com/4385/35771499074_1b91e44680_h.jpg)
當我地興奮萬分之際,呢隻獅子後面陸陸續續出現其他母獅同青年獅子!
![](https://farm5.staticflickr.com/4406/36606963695_2f0801d409_h.jpg)
原來係呢一區既獅子群準備天黑前去狩獵場地進行晚上捕獵,成群為數4隻母獅,3隻少獅,借著矮樹林掩護,前往埋伏既地點
![](https://farm5.staticflickr.com/4373/35771498654_384b4437f5_h.jpg)
Rangers話我地知其實幾日前就晌呢到見過呢班獅子,3日前就晌呢個地點成功殺死一隻水牛。呢幾日應該就係差唔多食完,要再出黎捕獵。所以黎呢個位撞下,結果真係撞到正!!
班獅子到左就趴哂晌地下等。前面有個小小既水源。到入黑就有其他動物黎飲水,d獅子就係等到時就去攻擊其中既獵物。
![](https://farm5.staticflickr.com/4370/35797450763_cf16baf655_h.jpg)
年青既獅子身上會有班紋。係用黎做保護色。長大之後就會褪色。
![](https://farm5.staticflickr.com/4405/35797450113_49e7e72222_h.jpg)
差唔多天黑我地出發返營地,就到營地既時候,我地撞到幾隻大水牛。水牛係big 5之一。亦係非常危險既動物。
水牛會因為保護牛群衝擊車輛,破壞力驚人。連獅子都會被成年水牛撞死。
![](https://farm5.staticflickr.com/4425/35797449713_d528c43a3a_h.jpg)
總括今日收穫唔錯,big 5 見到3種!!
夜晚食完晚餐,我地當晚係前往Marc's Treehouse過夜。
到步已經全黑,所以要到第二日先有相~