今日一早天未光起身，天光前就上開頂吉普車出發
天光就見到非洲既日出同一群班馬+羚羊
當地人叫種羚羊Impala 做 Fast Food。
因為1，佢地跑得快
2，周圍都見到
3，有個M字晌個pat pat
呢隻野叫Waterbuck，跑得唔快，又蠢。係獅子主食之一。佢最特別係難食....d肉帶苦味。所以獅子都係無得揀先會食.....
呢隻係Kudu，係其中擁有最大羚角既動物，亦係Kruger 既標誌
今日主要往河邊進發，河入面有鱷魚同河馬
剛到河邊就見到有隻鱷魚驚動旁邊既河馬，做成一小小驚動畫面
可惜無人影到......
咁我地就沿住河邊睇其他動物。然後差唔多10點幾就食個sandwich同水果。
食野既時候，我發現樹上有Lion King既Zazu
差唔多中午我地又返去營地休息。同d馬騮玩下
睇下營地邊個水池d野豬
下晝我地又再出發，往樹林既另一邊前進
途經有大象，長頸鹿，班馬等等
直到經過一段比較濃密既矮樹林，我地前面有隻獅子路過！！
係一隻未成年既雄獅！無聲無色向我地面前出現！！
當我地興奮萬分之際，呢隻獅子後面陸陸續續出現其他母獅同青年獅子！
原來係呢一區既獅子群準備天黑前去狩獵場地進行晚上捕獵，成群為數4隻母獅，3隻少獅，借著矮樹林掩護，前往埋伏既地點
Rangers話我地知其實幾日前就晌呢到見過呢班獅子，3日前就晌呢個地點成功殺死一隻水牛。呢幾日應該就係差唔多食完，要再出黎捕獵。所以黎呢個位撞下，結果真係撞到正！！
班獅子到左就趴哂晌地下等。前面有個小小既水源。到入黑就有其他動物黎飲水，d獅子就係等到時就去攻擊其中既獵物。
年青既獅子身上會有班紋。係用黎做保護色。長大之後就會褪色。
差唔多天黑我地出發返營地，就到營地既時候，我地撞到幾隻大水牛。水牛係big 5之一。亦係非常危險既動物。
水牛會因為保護牛群衝擊車輛，破壞力驚人。連獅子都會被成年水牛撞死。
總括今日收穫唔錯，big 5 見到3種！！
夜晚食完晚餐，我地當晚係前往Marc's Treehouse過夜。
到步已經全黑，所以要到第二日先有相~
