行程黎到第三日，亦係成個行程最重要既一個環節。八重千瀨珊瑚礁群潛水！
基本上，圍住成個宮古島都係潛點。 如果石垣島係以睇魔鬼魚聞名既話，咁宮古島既賣點一定係全日本最大既珊瑚礁群了。呢片珊瑚礁係一年入面仲有幾日係會露出水面的。可以比人係上面行的（下？咁咪踩爛哂D 珊瑚囉？） 呢片珊瑚礁就係 八重千瀨。
八千瀨珊瑚礁位於宮古島最北既池間島對開既海域。由池間島開船過去，都只係半個鐘左右。十分方便（布吉開船去PP 島都要個幾兩個鐘）。所以，雖然酒店附近都有好多潛水中心，但我最後都係揀左係池間島既潛水中心。就係貪佢唔駛搭咁耐船（係宮古島碼頭出發既話，要成個幾鐘船程）。
講番池間島，佢係宮古島最北面既一個小島。又係有條跨海大橋連接：
望番轉頭，宮古島個邊：
兩島之間距離其實唔係好遠，條橋唔駛兩分金鐘就行完：
不過都係因為咁，所以先整到張全景相出黎（之前既伊良部橋就整唔到全景相了）：
[ 此帖被freezefox在2019-10-25 11:54重新編輯 ]
