[英超]英超控告曼城2009-2021年間過百條財政違例 [復制鏈接]

[OT] 又有新聞了, 今次係20隊英超球隊投票, 想暫時唔淮球隊從其他都係同一財團之下的球隊借人. 要2/3票先過得, 即係要14票. 最終得12票, 過唔到

傳投反對票的係:
Manchester City, Chelsea, Newcastle, Sheffield, Wolves, Everton, Burnley, Nottingham Forest

我自己的理解係, 一直以黎好多大球會一向都有衞星球會, 但主要係將大球會的青年球員借去當培訓, 或者間中有件好的potential賣去主力球會等等, 影響力有限.

但宜家好似紐卡素背後的財團PIF, 一個財團擁有沙特聯賽的Big 4球會, 果度成堆歐洲球員, 大約夠砌兩隊波. 變咗唔係衞星球會咁簡單, 直情係姊妹球會, 邊度有事, 有多傷患, 直接借班人去就得. 推前一步, 甚至我可以唔理Financial Fairplay, 200M買個球星去沙特, 之後每年2M借去「有需要」個隊波. 逐漸變黑又得, 立即變黑哂又得.

宜家好多講緊係Tonali唔踼得, 好可能一月借Neves, 但紐卡素後面的PIF如果想玩, 可以玩大好多, 係借黎借去方面.

唔係個個有衞星球會的球隊都投反對票, 主要係諗「如果只係影響我少少, 但影響人地多多」, 都可能投反對. 理論上利記都有隊衞星的Genk, 熱刺甚至係衞星到南華, 但唔會有日想從南華借將咁搞笑,   所以利, 熱呢D一定係投贊成票, 贊成唔淮咁樣姊妹球會互借.

其餘幾間, 有D係本身都係沙特背景, 好似Sheffield. 再其他點解投反對票就唔知了. 直覺係「你地上面係唔係公平咁爭冠一回事, 唔好搞到我今季要護級的算盤」 . 總之本身要過2/3票就係難, 咁樣一月轉會市場有好戲了.

紐卡素個PIF集團擁有邊四個球會? 下面呢四間, 基本上成個夏天所有沙特轉會中, 除咗三兩個外都係去咗呢四間

Al Hilal
Neymar
Mitrovic
Malcom
Milinkovic-Savic
Neves

Al Ittihad
Benzema
Fabinho
Kante

Al Nassr
Ronaldo
Mane
Brozovic
Laporte
Telles

Al Ahli
Firmino
Mahrez
Saint-Maximin
Kessie
Ibanez
E.Mendy


另外一隊Al Ettifaq唔屬於PIF, 不過都有幾單重點轉會:
(Gerrard)
Wijnaldum
Henderson

posouth:紐卡素個PIF集團擁有邊四個球會? 下面呢四間, 基本上成個夏天所有沙特轉會中, 除咗三兩個外都係去咗呢四間 [表情] [表情]
Al Hilal
Neymar
Mitrovic
....... (2023-11-22 22:05) 

宜家可能唔覺，但遲啲個問題就會愈嚟愈嚴重⋯⋯

posouth:紐卡素個PIF集團擁有邊四個球會? 下面呢四間, 基本上成個夏天所有沙特轉會中, 除咗三兩個外都係去咗呢四間 [表情] [表情]
Al Hilal
Neymar
Mitrovic
....... (2023-11-22 22:05) 

有少少想睇Milinkovic-Savic踼英超

但又咁講，之前屈福特夠同烏甸尼斯交換球員用啦 仲加多隊格蘭納達添

英俊:但又咁講，之前屈福特夠同烏甸尼斯交換球員用啦[表情] 仲加多隊格蘭納達添 (2023-11-23 20:42) 

森林都係, 佢老闆同時擁有Olympiacos, 好多球員買賣同互借, 但全部都不知名的  

諗起呢一單當年曼城樓上個財團整隊New York FC出黎, 然後借Lampard過去

[OT] 講明先, 呢下OT真係會O得好遠.

O去MLB. 今個夏天係LA Angels完約的Ohtani, 終於今日宣報下一站去向. 好多球會有興趣, 但最後係剩返LA Dodgers同多倫多Blue Jays爭. 兩者之間, 最後選擇咗LA Dodgers. 近日當知道多倫多仲係最後兩個選擇之一之際, 直情係變咗係全城唯一關心的事, 又新聞又有人追蹤LA飛Toronto的私人飛機等等. 結果都係空歡喜, 無揀多倫多, 一方面Dodgers近年的確係強隊, 連續大約10年都入到playoff. 另一方面係錢, Dodgers開價開到10年約總值美金700M, 係運動屆史上最貴的一個合約! 係講緊所有足球, NBA等等都超越哂!! 我諗主要會無球隊會肯簽咁長約, 單以per year黎計應該唔係最高. 宜家講緊Ohtani都29歲了, 邊有人會咁玩.  

點解OT O得咁遠? 因為LA Dodgers的老闆, 就係車咯士老闆, 果個Boehly. 任何有佢的球隊都係靠同一招, 用超過市價極多的價錢去拉攏人. 真係好少憎一隊敵對球隊憎得咁全面, 係果種手法黑人憎到

posouth:[OT] 講明先, 呢下OT真係會O得好遠. [表情] [表情]
O去MLB. 今個夏天係LA Angels完約的Ohtani, 終於今日宣報下一站去向. 好多球會有興趣, 但最後係剩返LA Dodgers同多倫多Blue Jays爭. 兩者之間, 最後選擇咗LA Dodgers. 近日當知道多倫多仲係最後兩個選擇之一之際, 直情 .. (2023-12-10 08:43) 

其實季初佢有本事成功清走一大班球員，賣夏域斯去阿記，賣曼治去曼聯，放高華錫去曼城。再放一大堆冗員去沙地聯賽。我以為佢已經成功甩難。可以大洗牌， 重頭嚟過 。


點知跟手又係犯返上季既錯，又係亂咁買人，亂咁駛錢。 我睇佢咁玩法，車仔好快比佢玩死。

freezefox:其實季初佢有本事成功清走一大班球員，賣夏域斯去阿記，賣曼治去曼聯，放高華錫去曼城。再放一大堆冗員去沙地聯賽。我以為佢已經成功甩難。可以大洗牌， 重頭嚟過 。
點知跟手又係犯返上季既錯，又係亂咁買人，亂咁駛錢。 我睇佢咁玩法，車仔好快比佢玩死。  (2023-12-13 12:13) 

我係車仔fans的話, 會好掛住俄羅斯佬. 做老闆做咗近廿年, 最差個三季都只係第10, 第6同第5. 除此之外從來都冇跌出過頭四. 領隊係咁換都好, 老闆穩定, 自己唔參與管理, 買賣, 球場上的事俾專家打理.

我諗真係賭俠個句, 俄羅斯佬係悶悶場咁贏, 美國佬就過足癮咁輸!  

By the way, 大谷翔平個700M十年合約, 原來係頭10年只係俾20M, 每年2M. 之後佢39歲起10年每年68M, 咁樣俾個680M!!