經過五人小組商議，上位名家賽上年參賽者今年仍然會自動可以留低既包括：
踢波之友
tung
fatkongkong
handsome仔
HKG
owen2004
貓相士
以上七位。
所有未被接受「自動留位」既，仍然有權再次申請參加。申請一樣會被考慮。今年既上位名家賽，雖然遇到唔少問題，但總算完滿結束。期間，亦得到大家鼎力支持，未有話冷冷清清乏人問津，成績已經係比預計既要好。
吸收上年既教訓，今年會係選人方面更為謹慎。希望加入黎玩既玩家，都係有心有力既。願意花時間，花精神係名家賽到既。我地希望做到，比賽滿足大家既要求，大家亦可以滿足比賽既要求！合力進行一項開心刺激兼且有吸引力有收視既賽事！
由於升降班制，再加上季中不斷有人退出比賽，相信上位賽下年將會面目全非。不過，我相信，去蕪存菁後，上位賽下年只會黎得更精采，更好玩，更吸引。我地會多方面廣邀各界英雄好漢，知名人士，參加下年既上位名家賽。令到上位呢邊更加星光熠熠，更加符合「名家」之美名！為了可以妥善安排，我地必須要及早籌備。故此，我地需要各位表態，講明下年會否繼續參賽。以決定邀請新玩家既人數。
有一點必須強調，即使參賽者表明願意留下繼續作賽，但有關既參賽資格，並未作實。大家應該都記得好清楚，季初我要求大家參賽時，係有附帶條件：1. 必須貫切始終，玩到最尾！2. 必須經常留言，增加賽事既可觀性。但一年落黎，據我觀察所得，部分上位賽既名家並沒有做到佢地既承諾。對此，大會表示十分遺憾同失望。我地希望名家賽會更加熱鬧，會更加好玩，所以我地唔排除會取消個別玩家既參賽資格，將珍貴既參賽名額，留比更有心既玩家。
為表示公平公正，除左我同兩位版主外，我會邀請金榜同上位各一名參賽者，共同成立一個特別委會員，內部評審各玩家上年既表現。以決定留位人數。大家請放心，只要你自己有做到之前個兩點，尤其係第一點，你既參賽資格都必定穩如泰山。
係到，請各位玩家首先表明意願，下年是否會繼續玩。麻煩哂大家。
期限係五月十七日或之前回覆作實。
----------------------------------------------------------------------------
表示願意留位既參賽者：
踢波之友
托厘斯
奧脫福
tung
fatkongkong
handsome仔
HKG
owen2004
貓相士
r0809 (金榜)
阿仙奴FANS （金榜）
十仔 （金榜）
herrychung （金榜）
表示不再繼續參賽者：
冷
西門
[ 本文被freezefox在2006-07-19 15:48重新編輯 ]
