• 2857閱讀
  • 70回復

[文集]柯南【專欄】6月10日 更新~ [復制鏈接]

上一主題 下一主題
離線工藤新一
 
發帖
15187
好友元
78177
閱讀權限
54261
貢獻值
0
只看樓主 倒序閱讀 使用道具 樓主   發表于: 2005-08-07
07年6月10日


每一日我都有唔小既感覺~
見到既事,聽到既野都令我有小小既啟發~
我希望同大家分享一下,所以有依個【專欄】~
如果大家覺得我寫得ok既~0米留下言,討論下~
如果唔好既~都希望大家唔好見怪~

"老"

序:老,人人都會經過,只是早與後問題,當你討厭老人家的時候,你又有沒有嘗試過代入他們的角色去想,去看呢?



今日下班的時候,剛巧碰到我今天早上服務過的一對外國老伯伯和老婆婆.或者他們不會記得我,不過我會記得我所服務過的每一個客人.我跟著在他們後面,看著他們"捧"著一個超過40吋的肚子,老伯伯的牙齒都已經差不多沒有了,年紀應該不細了,在他們身邊的人一個一個都走過了他們,我心中不禁想著,這個老態龍鍾的伯伯在二,三十年前,正值盛年的時候,他又何嘗不是有輕盈的步伐,想走多快也可以,但現在他們已經有心無力了~我知道現在有不小人都認為老人家不太有用,覺得他們"左手左腳",什至有"唔死都冇用"的想法,但你又有沒有想過,你有現在的生活,現在的社會,是誰給你的??是天??是地??還是前人的汗水和辛勞呢?老,每一個人都會,只是早與後的問題,難道你想當你變成老人定的時候,旁人一樣用這樣的思想,這樣的眼光去對你嗎??所以做任何事,做任何決定的時候,試試用他人的角度去看看,去想想~這樣做事一定會更好~記得"你點對人,人地就點對你"這個道理~這樣你人生走的路應該會更平坦~
[ 本文被工藤新一在2007-06-10 04:14重新編輯 ]
離線工藤新一
發帖
15187
好友元
78177
閱讀權限
54261
貢獻值
0
只看該作者 1  發表于: 2005-08-07
04年3月21日

今晚睇完無線節目"風雨夜歸人",突然有咁既諗法,其實響夜晚你訓緊覺既時候,好多人仲做緊好多野~佢地做既可能就係為你響你起身之後要做既事做緊準備~大家又有冇咁諗過呢?你可以做得咁成功又或者咁順利,係唔係真係你一個人既功勞呢?定係可能有d功勞係一個你唔識既人都有份既呢?佢幫你做0左野,你都可能唔知,因為你唔識佢,仲有就算你識佢,佢都未必會講你知,"我幫0左你啦!"咁~一份冇私既精神~一份唔求回報既心~係唔係值得我地尊敬呢?你做0左一件好事,你會好想人知,因為會被人讚~但佢地會唔會呢?
有時間,坐低諗諗依個問題~
離線工藤新一
發帖
15187
好友元
78177
閱讀權限
54261
貢獻值
0
只看該作者 2  發表于: 2005-08-07
04年3月26日

今日放工既時候,行得特別快,因為今日遲放0左~所以行得特別快,想快d番到屋企~我過完一個人又一個人,突然我覺得自己係全世界利得最快既人,冇人可以過得到我~當然依個簡直係白痴既想法~
當我搭0左地鐵,就響度諗,點解我行得幾快都好,過0左幾多人都好,都總會有人響我前面既,過極都過唔晒~究竟點解呢?因為佢地俾你早起步,佢俾你早起步,到達終點大多都會俾你早~就好似夢想一樣,你早人一步去實行你既夢想,你就可能會比佢地更早實現到係既夢想~唔好成日同人比,唔好覺得自己比人差,比人弱,你要嬴既唔單止係人地,仲有你自己,只要你嬴到自己,你就一定可以嬴到其他人~唔好成日覺得夢想係一個遙不可及既東西,未試過就放棄~就連第一步都行過就放棄,咁除0左對你既夢想係一種"武肉"之外,仲有係對你自己既"武肉"~努力去嘗試,就算失敗,你都享受0左個中既過程,從中學到既野可能會令你畢生受用~~大家又有冇夢想呢?你又行出你既第一步未呀?
離線工藤新一
發帖
15187
好友元
78177
閱讀權限
54261
貢獻值
0
只看該作者 3  發表于: 2005-08-07
04年4月1日

上次講過"夢想"依個問題~有人真係會有架,例如夢想成為奧運選手,為香港爭光;又有人會想成為第一個香港太空人等等~佢地會好努力追求依d夢想~除0左依d野有人會追求之外,一個完美既身體,一個開開心心既家庭,都應該有唔小人會追求~仲有愛情我諗係最多tim~
其實係唔係人既一生一定要有愛情依樣野呢?我見解係可有可無~睇完新手篇"暴食症"之後,我有一個想法,就算有愛情,你又係唔係一定會開心呢?開心固然係好,但如果係好辛苦既,又點解仲要繼續去追求呢?
其實比"情人"有一個更高既層次,依個層次真係唔係人人可以達到,做到既,佢已經可以講係已經睇透0左世情啦~依個比"情人"更高既係"知己",從你由愛佢昇華到解決問題,咩都傾既"知己"層次,真係好難好難先可以做到~大家唔知有冇發覺,拍拖總會有好多問題會發生,你可能問題可以2個人一齊解決架姐,不過可能真係"當局者迷,旁觀者清"啦,旁人總可以幫你解決到依d問題,但你總只會增加更多問題出黎~我想好多情人都係由朋友開始既~唔會一開始就係情人掛~你又有冇發覺,做朋友既時候比做情侶既時候更開心?更多野傾呢?以前佢咩都講你聽,但一旦做0左情侶,佢就會有d避諱,佢怕你會唔開心,會嬲佢架咁~所以佢唔會樣樣野都同你講,例如講你著衫唔得喎,你第一時間就會覺得佢唔0岩先,心諗我又有咩著得唔好呀,著得舒服0米得囉,你就會好不奇言咁又還佢一句"我有咩唔得呀?我一向都係咁著架啦,你識我第一日都係咁著架啦!"咁就大件事,之後就會有排嘈啦~但如果係朋友既話,你又可能會咁諗喎"係咩?我唔得咩?咁你要幫我搞搞佢啦,其實我都覺得我自己要改改個look架啦~"你又有冇試過咁呢?
你有冇發覺,如果你自己拍緊拖既時候,有其他朋友又拍緊既,佢又同自己個男/女朋友發生d 0左問題,想你幫佢,你可以提到好多意見俾佢,幫佢解決~不過你自己又唔可以解決到自己既感情問題喎~"能醫不自醫"就係咁解啦~
做一個知己,可以咩都傾,咩都講,點解唔可以做得到呢?
知己可以係一生一世既關係,情人又真係可唔可以呢?依d野冇人可以答到你~不過我覺得知己可以比情侶一生一世既機會大同多~
我唔係叫你地唔好拍拖,我只係講出我既想法~
當然拍緊拖既,我祝你地唔會有我以上所講既事發生~
好似muly曾經講過"珍惜眼前人"~做0左情侶既,希望你地可以白頭到老~如果你冇拍拖既,又鍾意0左人,但係你鍾意到自己好辛苦既,咁你就要諗清楚~應唔應該繼續落去啦~
但你話鍾意0左一個人,好難一時間唔鍾意,係,0岩,冇錯~俾d時間自己,由情侶既愛同關心轉化成知己既愛同關心,咁你可能會仲開心~
新手兄你又有冇咁諗過呢?做知己好d定做情侶會好d呢?
離線工藤新一
發帖
15187
好友元
78177
閱讀權限
54261
貢獻值
0
只看該作者 4  發表于: 2005-08-07
04年4月12日

琴晚同前晚,我分別同2個唔同既女仔傾電話,但傾既話題竟然係同一件事,為0左同一個人,我諗聰明既大家都知道係為0左咩事啦~我想知道一個可以同一個女仔講分手,真正咁分開0左,就同另一個女仔講"我愛你,可以做我女朋友嗎?"既男仔,這些說話,好啦,通常聽到依d說話,又唔知佢仲未同佢既"前"女朋友講分手,咁依個女仔通常都會接受依個男仔,當然個女仔都有小小意思啦~唔會係個男仔一廂情願啦~

好啦!佢成功啦,佢成功"一腳踏兩船"啦,但還未夠一個星期,這個男仔竟然用"我始終不能忘記[她],我們還是分手吧!"黎做分手既理由!可笑!可笑!唔通真係"失去0左先識得去珍惜?"響依件事上,我唔認同依個講法~

始終紙包唔住火既,"元配"終於都知道整件事啦~ "元配"問個男仔究竟想點,個男仔只識答"對不起;我不知道"~ "元配"都忍不住佢既為人,終於都提出分手~好啦~以為事情終於都圓滿解決啦~點知唔夠一日,係唔夠一日!!個男仔竟然再一次同個"2奶" 復合! 理由竟然係" 我始終愛你多一些!!!" 哈哈!!我真係好想大聲咁笑!! 最後"2奶" 都同佢復合0左, "元配"心中應該有什麼感受呢??最最最可笑既係 "元配"同" 2奶 " 係識得既,仲係朋友黎tim!

兩個女仔為0左一個咁既男仔喊到呼天搶地,值得嗎?值得為一0的咁既喊嗎??值得為佢流下眼淚嗎??依個男仔,有冇諗過"元配"同"2奶"既感受呢??話一齊就一齊,話分手就分手,世界上有冇咁便宜事呀???依個男仔我諗唔到一個形容詞去形容佢,"賤格"?太便宜佢啦! " 卑鄙" ? 太誇獎佢啦! 我諗依加世上仲未有一個詞語可以形容到佢~

難道愛情真係"盲目"既?? 究竟係"心盲" ?定係"眼盲" ?
我真係唔明白,真係唔明....
點解可以咁....
離線工藤新一
發帖
15187
好友元
78177
閱讀權限
54261
貢獻值
0
只看該作者 5  發表于: 2005-08-07
04年4月16日

事,每一個人每一日都要做~不過大家係會做0左先去等個結果,定係諗0左個後果先去做呢?當然唔係件件事都可以諗到個後果先,不過大部份都可以. 咁大家究竟係"想做就去做" 依類人定係" 諗0左結果,先會決定做唔做"既人黎呢???

有時"想去就去做"唔係唔好,依d人比較爽朗,唔會顧慮太多.不過呢,可能有時做0左出黎,唔單止係你一個去承受依件事既結果,可能仲會影響到人. 有時什至,只會傷害到人,而你自己又唔知道tim. 好似感情問題,想同一個人講分手,有d人當然係話"如果你係唔鍾意人,咁梗係愈快講愈好啦,費事拖泥帶水啦!" 不過有d人又會咁諗" 如果我依加講0左,會唔會好影響到佢呢? 佢會唔會做傻事呢?" 當然講就一定要講架啦,不過講分手既"時間"係非常重要既. 如果時間唔0岩,可能令到聽個個更加難受.
講之前你有冇分析過,依加依個時間,佢受既傷害會唔會大,會唔會影響到佢讀書/工作.

大家又係以上邊一類人呢??
離線工藤新一
發帖
15187
好友元
78177
閱讀權限
54261
貢獻值
0
只看該作者 6  發表于: 2005-08-07
04年4月18日

每一個人都會有感情既問題~當你同你既伴侶發生0左問題~問題可能大到到達可能分手既地步既時候~通常你都會向你既好朋友"求救",傾下,睇下有冇解決既方法~我覺得每一個有感情問題既人都一定會問一個問題---"我究竟仲應唔應該同佢一齊呢?" 你既朋友可能會講"應該"或者"唔應該",但其實佢答依d答案真係會係你心中既答案黎咩?如果你仲係愛佢,就算幾多人講你"唔應該"同佢一齊,你心中既答案都唔會係依個~既然你心中已經有一個肯定既答案,一個model answer,又何必要問依個問題呢?唔通你既朋友講"你唔應該同佢一齊"你就真係會唔同佢一齊?我可以大膽講一句---"冇人可以"~

你地又可唔可以呀???
離線工藤新一
發帖
15187
好友元
78177
閱讀權限
54261
貢獻值
0
只看該作者 7  發表于: 2005-08-07
04年4月29日

其實人既人生係唔係一定要有愛情依樣野呢?冇0左會唔會唔得呢?如果係一份好既愛情,一份真摰既愛情,當然好呢~不過如果一份愛情係勉強既,係唔開心既,點解仲要一齊?唔通咁你會仲係咁開心?我相信唔會~有句說話講得好0岩既"愛情要黎既時候,你擋都擋唔住,佢要走既時候,你一樣係捉都捉唔到".

既然佢要走,點解你仲要勉強去捉住佢呢?咁樣你只會更辛苦同痛苦.為0左佢值唔值得咁做?或者你話感情既野冇話值唔值既~不過如果因為為0左捉住佢,而令到自
己受到更大既傷害,咁又應唔應該呢?

響"識"當既時候放手,放下心中既包袱,或者你會好過一點~

有時d野強求都強求唔到~

既然佢要走,就由得佢啦~

唔通冇0左佢,世界真係冇野值得你留戀?

唔通冇0左佢,你就真係冇0左生存意義?

何必要作賤自己?

放下佢啦....
離線工藤新一
發帖
15187
好友元
78177
閱讀權限
54261
貢獻值
0
只看該作者 8  發表于: 2005-08-07
04年4月30日

大家有冇試過無奈嗎?
有時d野,唔係你咁諗就係咁既....
本來你唔想咁...但係都要行到依一步.....咁依d又叫唔叫做無奈呢?
有時d野唔可以only睇表面,有時你覺得佢係一個好人,一個親切有善既人~咁依d野究竟係做出黎定係真係真係真既呢?你唔細心去睇,真係未必睇得出~
佢真正目的又係有咩用心呢?冇人知道~
不過"若要人不知,除非已莫為",終有一日,會露出佢既真面目~
到時就會知道邊個係好係唔好~
有時d野唔駛解釋咁多,愈解釋愈代表你做錯~
公道係自在人心既~



好啦......又發完嗡風....

要走既始終都要走....冇謂阻住地球轉.....
離線工藤新一
發帖
15187
好友元
78177
閱讀權限
54261
貢獻值
0
只看該作者 9  發表于: 2005-08-07
04年5月9日

我係做酒店coffee shop既~差唔多每一個星期日,有6個人都一定會黎我地度食自助餐既~不過我地每一次都只係會擺5張椅,點解6個人會擺5張椅?因為其中一個係坐輪椅既~佢唔係咩老人家或者一d傷殘人士,佢係一個年約三十多歲既"徑聯"和弱智人士.咩係徑聯"人士?姐係一d唔可以控制自己身體郁動既人士~

我想陪佢黎既應該係佢家人,一個白髮倉倉既伯伯,應該係佢既爺爺,一個說話已經不太清楚既,應該係佢既麻麻~一個面上有不小憔悴之色既男人,應該係佢父親,一個手已經開始脫皮,看來捱了不小苦既,應該係佢既媽媽~仲有一個年青活潑既應該就係佢既妹妹~一個家每個星期都會開開心心咁黎食野~

但佢地一家人既出現,總會有人覺得不便,邊d人覺得不便?就係個d有小小錢,又自命係闊太個d呢~仲有個d以說人家閒話為已任既長舌婦~唔止一次,我聽到好多好多次~佢地話依家人這樣那樣,全家人都俾佢地由頭到腳打量一番~好啦,都算啦,你冇搞到人,我都費事理你~

但有一次既,一個自命係闊太一見到佢,竟然講"有冇搞錯呀,依度係酒店,竟然俾d傻既人入黎,等陣佢搞到我地0米死"

仲有一次有2個女人佢地竟然說"唉....都唔知佢地係唔係前世做0左d咩衰野,可能做0左d傷天害理既事,搞到下一代有報應啦" 另一個女人就講 " 係啦,好心佢地就積番d陰德啦,搞到自己個仔咁,真係~"

我一聽到,有小小既衝動,想行埋去同個闊太講"有$$唔係大晒既,佢地都有$$,入得黎我地酒店食野既人,冇論佢地係咩人,我地都會盡力去服務~"

同埋個2位說3道4既女人講" 世界上真係有報應?如果有,第一時間報響你地度,唔知頭唔知路話人,好心你地就積番d口德,為下一代積下福啦,你地唔驚你地下一代好似佢地咁呀???"

不過我冇咁做到,唔係我驚咁講0左之後會冇0左份工,係我唔想教醒佢地,等佢地學精~等佢地都試下咩叫"報應".

有時d野,話人地之前諗諗自己又有冇做過或者講過,唔好"有口話人冇口話自己"呀~
離線工藤新一
發帖
15187
好友元
78177
閱讀權限
54261
貢獻值
0
只看該作者 10  發表于: 2005-08-07
04年5月30日

由點頭朋友到依加做0左知己良朋~真係覺得好奇妙~識到一個人我覺得已經唔簡單,仲可以做到朋友,再由朋友轉變成知己~真係一件好奇妙既事~

隨著年齡日漸長大,思想都大0左,好多野以前唔會理後果就會去做,因為個時邊度會顧慮到咁多呀~但係依加邊可以咁?就算人地覺得冇事,自己都覺得內疚啦~如果你話時間一路停頓,一路停留響自己最開心既時候,你話幾好呢?停番響自己細細個個時,做咩都唔會有人理,因為你係細路仔~但依加可唔可能?除非時間可以倒流啦...如果唔係,真係冇可能~(苦笑).

依加有時睇番以前影既相,有時又懶有型咁學人擺pose,有時又學d卡通人物咁扮佢地黎影相~哈哈~~依加睇番都會笑番出黎~因為真係好天真無x(<---唔識打....).個時都唔知幾好,食完又玩,玩完又食~都唔知正~依加?為自己將來擔心,會唔會搵唔到野做;為自己既父母擔心,擔心佢地有d咩事,自己又冇能力照顧佢地;為自己感情擔心,到依加仲係單身,有可能拍到拖結到婚呢?不過或者係好事,自己都未照顧得到自己,點照顧埋自己既另一半,到時都係害0左佢架姐~

你話如果可以俾一個願望我,我只係想我一世都咁開心咁生活,唔會有d咩唔開心既事發生響我身上~不過....始終都係冇可能.....
離線工藤新一
發帖
15187
好友元
78177
閱讀權限
54261
貢獻值
0
只看該作者 11  發表于: 2005-08-07
04年6月7日

其實可以對住一個自己鍾意既人講出"我喜歡你"或"我愛你"依d句子,已經係一件好幸福既事~其實機會每一刻都響你身邊走過,只係你去唔去捉緊佢架姐~

如果有大好機會你都唔好好把握,機會走0左,你都冇得怨,唔好冇俾機會你...只係你自己唔珍惜姐....機會一走0左,"佢"唔會後悔,後悔只會係你自己....

一個唔識珍惜機會既人,亦都唔值得去得到另一個機會....

機會唔係必定要俾你..的...
離線工藤新一
發帖
15187
好友元
78177
閱讀權限
54261
貢獻值
0
只看該作者 12  發表于: 2005-08-07
04年6月22日

諗番起"酒是故鄉醇"大結局~依套戲除0左有我最like既"佘佘"之外,仲有我一樣咁like既林家仔~2個都係好戲之人,佢地做主角既戲我全部都有追~

今集講到佢地經過千辛萬苦,終於都可以一齊,仲想結婚tim~點知政府要捉晒d男丁去起鐵路~咁林仔當然唔小得啦~我唔明囉,點解每一次響人地最最最開心既時候就要有d咁既事發生?唔通咁樣先會令到你地追落去,冇錯~咁係0岩既~我都係追落去個個~之後"佘佘"去到碼頭捉住呀林仔隻手同佢講"我會等你番黎架,我一定會等你番黎架!"佢一路講一路喊,2個人隻手一路都係拖住,直至林仔要走,佢地隻手先慢慢分開,佘佘都係講住個句"我會等你番黎". 每一次聽到依句野,我個心都不奇然有一下既震動~我個時真係有小小想喊...每一次睇到依d場面,我都有咁既感覺~唔通有情人到最後都唔可以響埋一齊???有情人始終都要分隔兩地???點解唔可以俾佢地安安樂樂咁一齊生活,之前佢地已經經歷0左咁多風風雨雨,點解到最後都係要咁???

之後等0左3年林仔都係冇消息,佘佘都咁一樣等佢,仲因為佢既眼淚加埋0左落d酒度~而令到d酒有特別既味道~取名"淚眼紅"~依個名我一世都記得~因為實在有意思啦~

等到佘佘頸都長~終於響橫水渡度林仔終於都出現番~佘佘一見到佢,即刻衝埋去,呀林仔都游水過去,佢地重聚相擁個刻~我喊0左出黎~個時佢地一句野都冇講,因為一切都盡在不言中~

唔通真係經歷0左咁多風浪先可以響埋一齊,大家真係會更加互相珍惜對方??更加會重視依段感情??



響茫茫人海中識到已經唔簡單
更何況做埋情侶?
唔好因為一d小問題而影響到依段奇妙既事情~

如果為0左一d小問題而影響得到的話
咁就太可惜啦~
幾難先可以搵到自己鍾意既人~
幾難先可以同到佢一齊~
千萬唔好破壞依樣咁奇妙而有趣既事~

諗番起你地當初經歷既風浪,之後既問題根本就唔會再係問題~
離線工藤新一
發帖
15187
好友元
78177
閱讀權限
54261
貢獻值
0
只看該作者 13  發表于: 2005-08-07
04年7月20日

所有既事既有定數
無謂強求或去改變

既然所以事一早已經由上天安排好晒
又何需強行去改變事實?
只需要一切隨緣

一對情侶就算分隔多遠
如果是真心相愛的話
見與不見也是相愛
因為心中有愛

一對情侶就算有多近
如果只是掛名情侶
就算日日相見
都只是口中有愛

口中有愛
心中無愛
也是徒然
離線工藤新一
發帖
15187
好友元
78177
閱讀權限
54261
貢獻值
0
只看該作者 14  發表于: 2005-08-07
04年9月15日

如果能夠愛你是一種福氣,
那麼我現在就已經失去了,
雖知道幸福是自己爭取的,
但是如果勉強地追求得到,
那又真的是真正的福氣嗎?