由於好友上位賽同名家賽再次開始
然而今年就多了好多既新手對aveego對戰版既玩法毫無認識
故特設此研究室，歡迎各位新手於此發問有關對戰版既疑問
基本玩法：
投標規則 每隊一日最多可以下多達五十個投標指示，每日２３：５９結束投標（若每週第一天開始投標時間距離該晚處理投標時間１８小時內，所有投標將會在第二天才處理），並隨即公佈結果，所有投標以價高者得的原理進行．若有兩隊的出價相同，則合約較短者可成功收購球員，若仍相同，則以下標的時間決定．
球隊資金 你會在開季前獲得300Ｍ的資金建立球會，之後每一週會再獲得100M的資金．每次成功投得球員後，都必須立刻繳付全部薪金．假如你以50M的週薪簽得亨利５週，你的資金便要扣去250M！每週剩餘的資金可以累積，令你能夠在適當的時機開出天價收購心水球員！資金上限設定為800．（上限會在每週增加資金時實施，賣出球員時資金可短暫超過上限）
賣出和約滿球員 投得的球員可以隨時賣出，但只會退回餘下一半的薪金．為避免球隊在每日截止前突然賣出球員後再低價買入，所有賣出球員要待下一週才接受投標，讓各領隊最少有十八小時對剛被賣出的球員進行提標．
約滿球員會自動重投自由身球員市場．每隊球隊的球員總數最多為 18 人．
最低保留金額 各領隊可以設定最低保留金額，避免花掉所有金錢收購某幾名球員而導致球隊不能成功排陣出賽．在球隊投標詳情裡，可以查看所有投標指示，並作出修改．最新約滿的自由身球員，可在約滿球員名單中找到．
出場陣容 成功收購球員後，必須為下一場的對賽排陣．只有出場的１１名球員才會獲得分數，而球隊的出場陣容必須乎合以下的要求，否則球隊是不會獲得任何分數的．
守門員（ＧＫ）必須及只可以有１名
後衛（Ｄ）最少要有３名，最多只可以５名
防守中場（ＤＭ）最多只可以３名
進攻中場（ＡＭ）最多只可以１名
前鋒（Ｆ）最少要有１名，最多只可以３名
出場總人數必須是１１名
立即購入功能 球隊可以隨時在立即購入中免費加入一些不出名的球員，就算未能在投標中收購合規則的陣容，都必定可以成功組隊獲得分數．
故你可以選擇動用全部資金收購亨利後，再加入十名免費球員來排出合規則的陣容．
得分及結果 出場球員的得分會完全依據該球員在真實比賽中的表現決定，統計項目會按性質分為進攻和防守得分，詳細的計分準則請到計分詳情查看．
當所有該週的比賽結束，便會計算入球．球隊進攻得分必須多對手的防手得分２０分才能攻入一球，４０分兩球，如此類推．勝出的隊伍得三分，和局各得一分，負方則沒有分數．若某場比賽因任何原因延期，會待補賽後才會計算最後得分．故此在任何情況下，都不會出現有真實球隊在同一週出賽兩次而得分兩次的情況．
有關對戰版所需策略：
其實季初投人真係幾鬼煩，又要諗對手出咩價、又要睇長遠邊隊有筍野，真係幾煩。
我自己一響都係用中上價投一班二線正選球員番黎玩，舊年最出名果個都係C朗、龍仔果班，但我提一點其實呢隻game後防既重要性係好高咖，千祈唔可以忽視，特別係無錢又對住強隊既時候~我就曾經俾benz既曼聯後防陣頂死左= =+所以咪整係買d攻擊球員呀!!
二十隊波，投二十隊波既人。一隊波要投十一至十八人。你諗下，你點會有可能投到亨利、林伯特、軒斯、泰利、施治？除非另外個十九個死既者。
你可以投到十一個正選番黎已經好本事！若然有人投到十五個正選，就一定有人會買唔足人。有數得計！
反正都投唔到，何必浪費個投人名額係呢d大牌到？唔係話唔投。只係，唔好五十個位，四十九個係曼、阿、車、利囉！
小心計算你要投d咩人。
五十個投人名額，睇就好似好多。投投下，未到第七隊你都已經發覺滿哂無得投。所以，要好好利用投人名額，唔好一窩蜂投哂d大熱球員，名牌強隊。
要好好分配投既位置。一陣比你投到五個籠門番黎，既浪費金錢，又浪費位置。投完之後，入去投標情況由頭到尾睇一次，睇下分佈會唔會平均。
一定要投d你認為無咩人要既球員，1m又好2m又好，放係最尾個十個八個名額到。呢d人，往往救你一命。
比你有本事投哂d勁前鋒番黎都無用！呢個game最特別之處在於講攻防！攻好勁但防守差，一樣輸波，同真實賽事一樣。所以，投五六個一級前鋒番黎都無用，你用得三個者，最多！留番d錢買d好後防啦！
每個位置，不妨用多少少錢買個心水。一個好啦，其他既就一定要搵d平實既球員。你無錢養得起咁大棚名牌！
[ 本文被kch在2006-08-11 14:24重新編輯 ]
