[忘了愛] 前度的照片 [復制鏈接]

原載於《新報》《意西流》2011-6-14, 2011-6-16

忙了十多個小時終於下班
阿俊看看手錶
原來已經晚上十一時
附近的茶餐廳已關了門
望望四周
只有麥當勞還在營業
沒法子
只好走進去點了個飽
然後選擇一個人沉默地坐在廁所通道旁的座位


晚上的麥當勞食客不多
感覺蕭瑟
阿俊坐下來
摸著自己油淋淋的頭髮在想
為何自己苦幹了兩年
工資未曾加過
但他吃著的這個飽
期間已加了兩三次價
他百思不得其解
也沒有精力去深究


他邊吃邊拿著電話上網
無意間看到前女友Eva於facebook上的更新
她upload了自己跟新男朋友的合照
原來分手不夠三個月的她
已結識了第二個男人
還去了馬爾代夫旅行


他看著那男人的照片
心裏不是味兒
但卻又好奇
想知道Eva新男友是什麼底蘊
他查看了這個男人的facebook個人資料
原來他在高盛工作
是位ibanker
香港人心目中的青年才俊


阿俊把那個板燒雞腿包握得很緊
看得咬牙切齒
因為他跟Eva拍了兩年拖
這個女人也從不會upload跟自己一起拍的合照
裙也只是穿過幾次
但在照片中
Eva毫不保留地展示自己的粉紅色比堅尼
還坐在新男友那黑黑實實的大腿上


雖然比堅尼有些少離罩
但在阿俊心目中
Eva依然十分可人
不同的是
現在的Eva對阿俊來說十分陌生


「她不是說過，
不介意平淡生活，
而且只愛我一個嗎?
為何會變成這樣..」


阿俊很無奈
他覺得這事情就像他手中爛溶溶的板燒雞腿飽跟廣告圖片的分野般
有著理想跟現實之間的落差


阿俊忍不住繼續偷看她的相薄
有一張照片他很在意
那是Eva躺在resort的床上
然後滿足地抱著一個Chanel手袋
照片背後故事可謂不言而喻


「現在的Eva完全是一件...」


他知道這樣描述前女友是有失風度
但他腦海中無法找到比「臭x」更好的形容詞


「先生請問你食完未?」


一位麥當勞員
不識趣的走過來
打算收拾阿俊的餐\盤
心情差透的阿俊
不耐煩地說了一句


「未呀! x你!」


這個x字
阿俊不是單純地為失戀而找人發洩
他其實別有用心
因為政府實施最低工資後
他很不滿這些麥當勞小職員的的薪酬跟大學畢業的自己相差不遠
阿俊x了一聲的另一個原因
是因為他真的未食完


此刻他感到無比挫敗
他有能力做到的
就是找來無謂的人來..
而心愛的女人卻在給人..
他好像從未擁有過Eva一樣
一切為她做過的也是徒然


「錢就等如女人嗎!?」


阿俊忍不著大力拍了一下枱
不受控地怒吼了出來
其舉止並未令食客產生很大反應
遠處玩著PSP的幾位青年
只是稍微瞧了阿俊一眼
然後垂下頭繼續屠龍
仿佛這個問題就跟本不值得討論


煩躁的阿俊
不想再在那裏逗留
他把未吃完的飽丟下
離開了麥當勞


午夜的街上
他獨個兒的走著
他望到街角霓虹燈下一對情侶拖著手輕吻著
浪漫的氣氛令他感到窒息似的難受
Eva的往日片段
不斷再次在自己的思憶裏浮現
他感到頭昏腦悵


好不容易
他終於走到每天必到的巴士站
平日無論等車多久
他對旁邊的一橦唐樓都毫不留意
但今天阿俊卻凝望著樓梯口的發光招牌


「新到北姑
高質陀地」


尾班車還有數分鐘就經過此站
但阿俊沒有排隊
他轉了身
一步一步走上唐樓的樓梯
他的背影慢慢淹沒於漆黑之中


他告訴自己
過去的就讓它過去
曾經畢竟只是曾經
他上去不是為了尋歡
或許只是想忘了愛

用戶被禁言,該主題自動屏蔽!

講真，寫得唔錯...
寫得好細膩，而且仲好有火...
係高登的人寫的...
但估唔到會o係"新報"登出黎...


個x字係其實係粗口"吊"...
不過o係好友出唔到...

最近新報路線轉左.....

同埋高登有d人寫野, 其實真係ok..... 仲有個喺唔記得太陽定成報連載緊..... 又係好精彩下架.

引用第3樓sikingthegreat於2011-06-16 14:20發表的“”:
最近新報路線轉左.....
同埋高登有d人寫野, 其實真係ok..... 仲有個喺唔記得太陽定成報連載緊..... 又係好精彩下架.

再睇左幾篇佢寫的文...
特別鍾意佢的結尾...
有力又有意境(真心的)...
拍得住陶傑的文章...

始希姐應該入黎睇睇...

用戶被禁言,該主題自動屏蔽!

引用第4樓liuming於2011-06-16 14:23發表的“”:
再睇左幾篇佢寫的文...
特別鍾意佢的結尾...
.......

意境係唔錯, 係有. 但係要同陶傑比好似又誇張左....

不過如果要挑剔的話, 佢d用詞可以再好d, 有d形容得含糊左少少, 例如第8段個"無奈", 就好似冇講野咁. 同埋呢段成段寫得唔靚, 太累贅.
拍枱嗰段都係, 除左最尾一行.

不過搵個staff黎過橋呢下我幾鍾意~~ 有效之餘又夠自然, 夠生活化~~

引用第6樓sikingthegreat於2011-06-16 14:40發表的“”:
意境係唔錯, 係有. 但係要同陶傑比好似又誇張左....
不過如果要挑剔的話, 佢d用詞可以再好d, 有d形容得含糊左少少, 例如第8段個"無奈", 就好似冇講野咁. 同埋呢段成段寫得唔靚, 太累贅.
拍枱嗰段都係, 除左最尾一行.
.......

我係指個結尾姐...

陶傑的確才華，文學修養，見識都好好多...

原來上左報

寫得幾好 　

當中既心理描寫，氣氛的營造都不錯

唔好意思, 推左一推舊POST..........

因為而家先睇到, 因為又似乎唔算太舊, 因為呢篇文章...我喜歡~~~
氣氛好好, 有少許幼嫩且刻意的營造, 但唔係賣弄, 有生活感, 好好~
結尾收得也很對我的脾胃~~~

引用第4樓liuming於2011-06-16 14:23發表的“”:
再睇左幾篇佢寫的文...
特別鍾意佢的結尾...
.......

我特別鍾意你的結尾...

引用第11樓麻凡於2011-08-28 01:58發表的“”:
我特別鍾意你的結尾... [表情]

最唔鍾意刻意的賣弄...
要咬文嚼字，好難咩?

引用第12樓liuming於2011-08-28 10:57發表的“”:
最唔鍾意刻意的賣弄...
要咬文嚼字，好難咩?

難矣, 文字本是虛無的, 要人家如何去咬咬?

你地班友仔...