[國際賽]Tim Krul後備入替勇救兩個十二碼，荷蘭淘汰哥斯達黎加奪得四強最後一個席位 [復制鏈接]

丹尼屎:其實點解 Van Gaal 會諗到呢一著？到而家R爆頭都諗唔明[表情]  (2014-07-06 23:04) 

心理战已经赢晒。如果我系哥斯达黎加球员，我肯定会比点解换龙门影响。他已经研究晒我既射门习惯，方向？要射边 d ？射大力 d ？好多问题少少一瞬间闪过都会影响。

LVG，

大家會唔會吹大左.............咁岩換完之後好彩先捉到路就吹到上天............................

如果換完係輸左又會係點呢???

鮮吊甬仔:大家會唔會吹大左.............咁岩換完之後好彩先捉到路就吹到上天............................
如果換完係輸左又會係點呢???[表情] [表情] [表情] [表情] [表情] [表情]  (2014-07-06 23:14) 

我覺得無話大唔大ge,
的而且確呢個調動係vg有心而為,明顯練過準備過呢個時間用..
比起一d單單換個後備入黎佢又咁啱入到波呢d情況,呢個調動ge人為因素大得多.

當然佢做呢樣野唔係一定贏,但心理上已經贏晒..

鮮吊甬仔:大家會唔會吹大左.............咁岩換完之後好彩先捉到路就吹到上天............................
如果換完係輸左又會係點呢???[表情] [表情] [表情] [表情] [表情] [表情]  (2014-07-06 23:14) 

5球都好彩?
我prefer Krul 同goalkeeper coach 一早有準備......
不要忘記 Costa Rica對Greece射過十二碼
絕對有路捉

鮮吊甬仔:大家會唔會吹大左.............咁岩換完之後好彩先捉到路就吹到上天............................
如果換完係輸左又會係點呢???[表情] [表情] [表情] [表情] [表情] [表情]  (2014-07-06 23:14) 

先唔講成功唔成功。呢個調動個代價其實好大。

係打足90 分鐘後，雙方體力消秏得七七八八，僅餘既最後一個換人名額，其實係十分珍貴。要黎換個有氣有力既球員入去衝入去搏唔好？要黎換個籠？真係令人摸不著頭腦架。

有分別咩，都係擲公字搏大細架啦。


但結果真係令大家都十分意外。原來真係有計劃有部署的。

我打機加時都只係換人射十二碼
邊個會估到係換龍門守十二碼

我尋日未到90分鐘訓著左，岩岩睇返tbb精華，佢5球都捉到路，我地唔會知佢係好彩定研究過，但我智選擇相信後者。

再者，正正因為佢一直係後備龍，理應有更多時間留意場上球員的一舉一動，比場內的球員更清楚。比賽前本身應該已經研究好晒點應付若果去到pk階段，佢仲可以用過百二分鐘去睇球只的狀態去作微調，例如見某某球員已經無氣無力，可能原先果個球員抽射多，但估佢12碼會盪射都唔定~~

同埋我亦認同阿威所講，哥國球員見換龍接十二碼，心理上或者多者野諗，尤其佢地係比強攻既一方(反過來說，哥國gk全場屢救險球，荷蘭球員面對佢可能會有d怯，如果哥國換龍守，可能仲清除埋心魔)

射12碼除左技術外，心理質素真係更加重要

我有個朋友，本身好波，射波亦十分有功架~~平時玩射12碼，佢勁射埋來，捉到路都未必掂到，偏偏佢比賽射12碼十分差，有次我同佢踢某賽事的4強，佢第一下唔入，因為龍郁左先，佢射第二下先入；到決賽佢亦射失

佢自己都講，唔知點解比賽佢射12碼硬係唔同

我打HATTRICK打盃賽時，一向會留一個位加時換入來射PK，亦都會119分鐘換龍入來守PK

但現實生活，尤其係世界盃呢D大賽，有領隊會119分鐘換人入來守PK，我真係好似第一次見，只能說佩服

當然我地唔知正選GK守成點，佢可能一早4球撲晒都唔定，但結果就係領隊有準備地換人守PK，而佢都真係5球捉晒路兼夠到2球晉級，足以在世盃歷史留名了

咁如果一開始就用KRUL 做正選又會點呢? 佢D OPEN PLAY 應該都唔會差過Cillessen 掛...

其實我又覺得要一個守門員去研究對方射12碼可能研究一日已足夠。 好似德國咁, 佢地PK 戰不嬲都勁, 唔通又要後備龍分工合作? 所以我覺得如果真係事前自信有充足準備的話, 俾KRUL做正選龍一樣可以HANDLE 晒所有野。 所以呢個舉動真係心理意義大過實際意義。

同埋你真係要好好彩至可以120分鐘只用兩個SUB 名額, 好似16強咁, DE JONG 早段傷出都已經屈左你一個位。

蕃薯廠:咁如果一開始就用KRUL 做正選又會點呢? 佢D OPEN PLAY 應該都唔會差過Cillessen 掛...
其實我又覺得要一個守門員去研究對方射12碼可能研究一日已足夠。 好似德國咁, 佢地PK 戰不嬲都勁, 唔通又要後備龍分工合作? 所以我覺得如果真係事前自信有充足準備的話, 俾KRUL做正選龍一樣可 .. (2014-07-07 09:53) 

你有冇睇紐卡素既失球數字？

freezefox:你有冇睇紐卡素既失球數字？[表情] (2014-07-07 10:00) 

一支球隊失球多通常都唔關龍門事既...

告魯爾兩救12碼
上周六在8強戰，荷蘭與哥斯達黎加戰至加時仍未能分出勝負，踢成0:0，去到加時下半場補時1分鐘，他竟然把在對上4場均打足全場的門將施利臣換走，
讓告魯爾於今屆賽事首次登場。雲高爾於互射12碼前與哥斯達黎加球員玩心理戰，確是動搖了對手的信心，原因是他們都以為告魯爾是個救12碼的專家。
告魯爾果然是真材實料，先後救出拜仁雷斯及烏馬拿的12碼，終令荷蘭贏4:3，繼德國、巴西及阿根廷後晉身今屆世盃4強，並將於周三與有美斯壓陣的阿根廷爭入決賽；
值得一提的是，原來阿根廷是首次與巴西一同晉身世盃4強。至於另一場4強戰於周二舉行，由東道主巴西迎戰德國。
雲高爾賽後表示，他與其教練團一直望住大鐘，吼準時間換入告魯爾。
這名62歲的荷蘭名帥說：「我們知道必須要在完場前換入告魯爾，我們已提出了換人要求，故絕不能有任何差池。」

最後一刻換龍門
雲高爾又指賽前沒有通知施利臣：「我們事前沒有告訴施利臣。我們不想他知道如果戰至互射12碼就會被換走，這肯定令他感到非常失望。
每個門將都有個人之處，我們認為告魯爾更擅長救12碼。我們曾與他研究，哥斯達黎加球員主射12碼的先後次序，以及通常會射向那個位置，好讓他能有所準備。
很幸運，我們是次調動成功了。」雲高爾亦表示，他要預留1個換人名額應付12碼，令到數名球員戰至加時時，體力已不勝負荷：
「未進入加時我已決定會用告魯爾。我認為己隊表現很好，製造了大量機會，故我毋須換太多球員，但仍有可能射12碼，故我必須有所準備。」
雲高爾續道：「我不認為迪比打得好，故我在法定時間就以謝明蘭斯入替他。
當然，比賽進入加時後，我要計算得非常準確，不會用盡換人名額，好讓我能起用告魯爾。其實，當時我們有球員有微傷，例如是尹佩斯及韋拿杜姆。
換入亨特拉爾亦十分冒險，這令我們回復4人防線。」但雲高爾博贏了，更被認為是神算，後備落場的告魯爾亦做了英雄。


http://worldcup2014.appledaily.com/article/all/latest/20140707/18790636


其實都係賭博,,任何事都有風險
depends on 你係唔係準備充足去博,等自己多d機會搏贏

freezefox:你有冇睇紐卡素既失球數字？[表情] (2014-07-07 10:00) 

老實講 紐卡素如果無Krul 我驚佢失球數字係double

尤其是有一段時間佢傷左出後備Elliot 大家都有眼睇

我一開頭都奇怪點解Van Gaal會揀Cillessen而唔係Krul 我只係知佢好似係上屆荷甲最佳門將

如果唔係臨完場前救到球半單刀, 一切都已經作廢~
不過Van Gaal有咁既準備都表現出級數~

anyway, 今次哥C達黎加踢12碼個5個係咪同Greece果場果5個一樣?