見我出 post ，因為又係岩岩睇完返黎。
因為公司又派換票證既關係，又無咩野做就比女同事拉佐我去朗豪坊 UA 睇啦。
(
次次睇戲都係公司 d 免費飛 + 指定活動，仲要次次都係去朗豪坊
)
今次睇夜晚十點場，都幾多人下。可惜今次無得坐最後一行，
雖然未至於要坐第一行，但都要坐第二行，仲要斜對面睇個銀幕。
( 無計，鬼叫今日 24 / 4 第一日上映咩，鬼咁多人，而且九點半先有時間去拎飛，趕到十點算執到啦。
)
講返套戲，因為第一集我都有睇，所以都幾期待呢集。
開場果時農夫 + i love u boyz + 江若琳等人係度不停攪 gag，都幾好笑。
不過略嫌講得太多粗鄙野，成日講屎講粗口，同埋只係不停果一兩個 gag，攪到成地爛 gag。
除佐以上幾位外，比較吸引我視線既就係田原，係戲入面真係野性盡現。(
成日都著穿窿黑絲上鏡 )，
仲有開場果時江若琳竟然係 i love u boyz 面前除衫。( 除淨個 bra
)
呢套戲，最大主角其實唔係呢班年青演員，反而係包租婆 sexy suzy。
玩得仲癲過班後生仔女，又扮死人又彈結他又不停攪 gag，
可惜最後她下場幾慘，都係成套戲高潮所在。
呢套戲同上集有個好大既分別，就係客串既演員特別多。
先有鄭融、freeze ( << 開頭時出黎跳幾下辣身舞就做完
)，
再有棒棒堂、曾志偉 ( 棒棒堂同農夫玩遊戲真係成套最好笑既部分
)，
最後連之前既租客盧巧音、森美、林嘉欣都出埋鏡。( 盧巧音幾時大佐肚
)
成套戲都總算維持到上集好笑、輕鬆、惡攪、粗魯既風格，
不過比較上黎始終都係鍾意第一集多 d，呢集最敗北真係內容比較乏味，同埋不停重複 d 低級笑話。
另外感情部分又係失敗之處，好多都好似交代佐一半又無佐下文咁。
咁失敗就係果個古惑仔羅仲謙既角色真係可有可無。
整套戲既評分我會比六分。入去想輕鬆下笑下既話都無妨，不過睇過上集既唔好期望咁大了。
[ 本文被本用戶不存在在25-04-2008 04:06重新編輯 ]
