[國際賽][會不斷更新]蘇亞雷斯承認曾咬基亞連尼並向他道歉，但他將會停9場並禁止參與所有足球活動4個月 [復制鏈接]

其實So7呢個球場暴力行為, 其實係當地法律上駛唔駛負刑責先?
講真, 佢一而再, 再而三咁咬人, 對所有比賽同佢同場既球員都有危險,
所以罰佢4個月我覺得好合理~
最死不足惜既係佢同烏拉圭足總都唔認錯~
係世界最高榮譽既世界杯做出咁既行為, at least 十幾億人關注,
Fifa好難唔"重判"而殺一警百喎~

如果個個都話利物蒲係最大既受害者, 只可以講不幸~
但無可否認利物蒲都知佢有慣性咬人既傾向,
如果連呢點都唔知既話就可以話係X死

有人提出Rio禁藥停佢9個月, 話藥物留係佢體內要長時間先可以排出,
咁So7呢4個月我直情覺得係輕判,
佢呢個情緒同行為上既衝動跟本無人知道仲會唔會潛伏係佢既報復心態上, 所以佢應該終生停賽~

Elvis:其實So7呢個球場暴力行為, 其實係當地法律上駛唔駛負刑責先?
講真, 佢一而再, 再而三咁咬人, 對所有比賽同佢同場既球員都有危險,
所以罰佢4個月我覺得好合理~
最死不足惜既係佢同烏拉圭足總都唔認錯~
係世界最高榮譽既世界杯做出咁既行為, at least 十幾億人關注,
....... (2014-06-27 11:06) 

咬人當然係暴力行為。但鍊人條頸算唔算暴力行為？一爭打落人個鼻樑到算唔算暴力行為？穿心腳踢人算唔算暴力行為？一巴星落人塊面到算唔算暴力行為？以上係球場上既暴力行為，你睇波咁多年，唔會未見過架。貴隊都有人做過以上行為啦。係咪？咁係咪全部都要落簿告佢刑事傷害？


係哎，係球場上，踢踢下波有咩理由走去咬人？發神經！咁係球場上，踢踢下波就走去打人一巴，鍊人條頸，批爭塊臉，你係咪會覺得合理好多？順眼好多？

其實真係會既。因為成日見到。當有D 事情，經常發生，經常見到，我地就會習以為常。覺得「有咩咁出奇者？」踢波嘛。肢體踫撞實有！打架好平常者。落到場，一時火遮眼，郁手打人，成日都見到架啦。

咬人係特別唔順眼的。因為少見。

咬人係極端既「怪異」行為！因為真係無咩幾多人會係球場咬人。但如果純粹講「暴力程度」。咬人也好，打人也好，都係一種傷害他人身體既行為，其實本質上係無分別的。即係話，如果你同人係街到打架，你咬人一下，佢星你一巴。個官唔會因為你咬人就特別判得你重D ！因為都係傷害他人身體既行為。係咪？因為街頭打架，咬人係好常見的。輪到咬人變得「有咩咁出奇」了。分分鐘，兩個人打架，一個拳拳到肉打到人口腫鼻腫，一個走去咬人。你會同情咬人個個都未定。


至於重犯。大家都見唔少球場爛仔吧。一次踢人兩次踢人三次踢人。都係積犯，都係不斷重犯。對吧？每次重犯，都應該加重刑罰！全對。但有幾多個會因為咁被判終身停賽？

我必須強調，我無意將呢種暴力行為合理化。我絕對唔認同咬人。等如我唔認同其他既球場上既暴力行為。所以，我認為，必須重罰呢類暴力行為。


而量刑點就係同其他既球場上既暴力行為睇齊！但現實係，宜家大家幾乎要高呼攞石頭打死阿SO 咁滯了。

雖然老狐係利迷，但我認為他反而是比較客觀的一位

刑事係睇有冇人去告佢姐
如果基亞連尼去告佢,可能真係要審 ga wor

球場事都唔係全部球場了
簡東拿踢球迷都要坐監(好似係)

freezefox:其實今次要罰既對象，係蘇亞雷斯同烏拉圭，尤其係烏拉圭，死唔認錯既係烏拉圭足總，唔係利物浦喎！何況，宜家佢先係唯一一個既得利益者（晉身16強了）。
但判罰既對象反而變成係利物浦了。烏拉圭真真正正受影響既可能只得1-2場賽事。平情而論，以烏拉圭既人腳同實力，就算有阿蘇 .. (2014-06-27 10:43) 

烏拉圭受9場架

唔係1-2場架...

不過呢9場包括一場對香港之嘛

迪克:烏拉圭受9場架
唔係1-2場架...
....... (2014-06-27 12:10) 

ArSo:刑事係睇有冇人去告佢姐
如果基亞連尼去告佢,可能真係要審 ga wor [表情]
球場事都唔係全部球場了
簡東拿踢球迷都要坐監(好似係)
....... (2014-06-27 12:04) 

咁又唔可以用呢個個例子,
等如拳手打拳 同 拳手打觀眾都唔同

bennylau127:咁又唔可以用呢個個例子,
等如拳手打拳 同 拳手打觀眾都唔同 [表情] (2014-06-27 12:18) 

咁如果你落禁藥, 灌醉個拳手, 再強姦埋佢, 咁點計呢?

ArSo:[表情] (2014-06-27 12:17) 

唔知簽約時有無話一定隨隊
唔隨隊就減出場費呢

迪克:唔知簽約時有無話一定隨隊
唔隨隊就減出場費呢[表情] (2014-06-27 12:22) 

http://orientaldaily.on.cc/cnt/news/20140627/00176_046.html

有……

而家直情可能取消……

Elvis:其實So7呢個球場暴力行為, 其實係當地法律上駛唔駛負刑責先?
講真, 佢一而再, 再而三咁咬人, 對所有比賽同佢同場既球員都有危險,
所以罰佢4個月我覺得好合理~
最死不足惜既係佢同烏拉圭足總都唔認錯~
係世界最高榮譽既世界杯做出咁既行為, at least 十幾億人關注,
....... (2014-06-27 11:06) 

"佢呢個情緒同行為上既衝動跟本無人知道仲會唔會潛伏係佢既報復心態上, 所以佢應該終生停賽~ "


同樣道理, 咁所有亂搞關係 / 通姦嘅人豈不是要奄晒佢地先啱?  而偷野次數達三次嘅人咪要斬手?

火鳳凰:http://orientaldaily.on.cc/cnt/news/20140627/00176_046.html
有……
....... (2014-06-27 12:26) 

O~~~XDXD

少左2場對亞洲隊o既機會

Rafer:咁如果你落禁藥, 灌醉個拳手, 再強姦埋佢, 咁點計呢? (2014-06-27 12:21) 

兩位講o既拳手係咪有分別架？XDXDXD

ArSo:刑事係睇有冇人去告佢姐
如果基亞連尼去告佢,可能真係要審 ga wor [表情]
球場事都唔係全部球場了
簡東拿踢球迷都要坐監(好似係)
....... (2014-06-27 12:04) 

無坐監，只係判左社會服務令。

而事後，簡東拿曾經公開表示，認為自己既行為無錯。個D 咁既球迷係應該被踢的，係抵死的。當然，係好多年後既事了。



基亞連尼要告佢咪去告囉。告到佢坐監都得架。如果告得入既話。如果根據你既講法，無人告就等如唔係刑事。咁好明顯，呢單唔係刑事了。

迪克:烏拉圭受9場架
唔係1-2場架...
....... (2014-06-27 12:10) 

所以，你都點出個問題所有啦。


9 場波入面，真真正正對烏拉圭有影響既，講得出幾多場？


佢安排多幾場國際友誼賽，唔係好難既者。