英俊:佢令球會人財兩失喎[表情]
而家西咸係免費簽佢返黎,富咸唔係唔想同佢續約,係佢自己獅子開大口要成為隊中最高薪球員[表情](有乜可能仲貴過Cairney同Sessegnon)
.......
(2018-06-06 12:04) 
其實，我又好想知道你個「人財兩失」係點黎？
當初富咸同佢簽三年約（唔知係咪三年，當住先啦）。咁人地就同你踢左三年波，幫你升埋班。叫做覆行左自己既合約了。咁完約了，要走人。有咩問題呢？富咸失左D 咩呢？佢本來就只係擁有呢個球員三年既「使用權」。過左三年，呢個人已經唔屬於富咸的了。佢失左D 咩呢？
至於財，當初富咸係布里斯托城到，用左幾多錢買佢番黎？恐怕都唔駛點用錢。咁今日人地完約走人。你無辦法係佢身上再窄取更多既金錢。呢個係你球會財枝、管理出問題者。關佢咩事？無人寫包單，球會一定可以係個球員身上賺大錢架喎。你又無投資過D 咩，點解一定要比你係球員身上搵到錢先叫合理呢？唔係唔可以，咁呢D 睇你本事囉。你又要慳個小小人工，咁人地唔同你續約，你自然就要比人走架啦。唔通球會希望球員唔出糧黎同佢打波囉喎？
呢個係一個等價交易。球會裁培一個球員，球員亦為球會賣命。努力打好一場波。無話邊個欠邊個。人地有出糧比你的，球員亦有付出的。呢方面雙方係對等的。球會令你成名，你幫球會升班。大家各取所需。最後大家都覆行大家既合約，雙方關係結束。好正常既一個過程。有咩好投訴呢？
