對於笑話版新版規…… [復制鏈接]

下面是引用垃圾桶於2006-04-10 01:08發表的:
情況一樣
新手果版之前開球迷會開到亂左龍
頭尾都係要禁止再開新，然後phase out
.......

呢個係你既決定...?
定係三郎既決定...?

下面是引用超迪仔於2006-04-10 01:08發表的:
我自己都唔記得~ [表情]

因為果時影響server
日日死機
所以我記得

下面是引用可於2006-04-10 01:09發表的:
呢個係你既決定...?
定係三郎既決定...?

三郎問過我既意見

呢個係我答佢的\

既然其他版都有效
點解唔可以建議係笑話版做

再者，我建議的，三郎有權唔跟

但係三郎係做最終決定既，佢認為合理既，而執行佢版主權力......合理喎

咁點解唔比佢行?

下面是引用垃圾桶於2006-04-10 01:08發表的:
情況一樣
新手果版之前開球迷會開到亂左龍
頭尾都係要禁止再開新，然後phase out
.......

第一，個版係比林美既。


第二，球迷會係經過多番討論後，決定全面禁止。主要原因係因為擔心引起球迷分化。同「開到亂左籠」完全無關。事實係，當其時各球迷會大部分都係管理得好好。所以用球迷會黎做例子。大錯特錯。


最關鍵既係，球迷會係全面取締。一係個個都比開，一係個個都唔比開。正正同今次笑話版既處理手法相反。同球迷會既處理方法黎「證明」笑話版既做法係岩？係咪調轉左呀？

下面是引用垃圾桶於2006-04-10 01:10發表的:
三郎問過我既意見
呢個係我答佢的\
.......

到左呢一刻
我地好一陣子

而家呢個moment先知道原來三郎準備採用'phase out'既方法處理
我地有唔畀佢行咩???

問清楚je.

吹水站的事

以我記得係咪呢件事呀

好似一個日會員多講
一個夜會員多講

之後決定由迪神開呀嗎???


有好多人開吹水站????真係唔知

下面是引用frankie於2006-04-10 01:14發表的:
吹水站的事
以我記得係咪呢件事呀
好似一個日會員多講
.......

當時唔係超迪仔開日同夜的

夜果個係阿可開的

以我記得

早午晚一個
原本既爆Post - bokersman開的
再之後仲仔又開多左一個吹水站

全盛時total係5個

我認為版規應該一視同仁, 一係就人人都可以開, 一係就全部唔比開.......

依家好似那三位會員有特權, 不公平。

下面是引用垃圾桶於2006-04-10 01:05發表的:
唔記得兩年幾之前個個爭開吹水站/真心話/接龍等既事攪到滿壇風雨嗎?
當時個個爭住開爆Post
超迪仔最後就只容許兩個爆Post出．．．．
.......

第一：吹水TOPIC之取締。好大程度係因為SERVER既負苛問題。係實際存在問題。不能同今次事件等而視之。因為今次既TPIC，無產生任何問題。

請清清楚楚講出，宜家笑話版究竟有咩問題發生左先？由頭到尾，都無一個人可以講出，宜家笑話版出左咩問題。既然無問題，點解要有呢個處理？


另外，再講吹水版。若然你舉吹水站呢個例子。我一樣可以舉接龍個個例子。由於人人都開個接龍TOPIC。一個見唔到有咩問題，都開到三、四個出黎，大家終於見到個問題：「無意義！」幾多個接龍唔係關鍵！接龍本身無意義！所以決定全面取締。人人都唔比開。我相信呢個例子更能反映宜家既情況。

下面是引用antony於2006-04-10 01:18發表的:
我認為版規應該一視同仁, 一係就人人都可以開, 一係就全部唔比開.......
依家好似那三位會員有特權, 不公平。

agree

若然有此先例：


咁宜家史密夫係球迷講場開左個文集類TOPIC。請問有冇問題。若然無問題，咁當然我都開得啦。咁會唔會開得三幾個後，又突然宣佈係講場個到唔比「過多」文集出現？然後又禁止後來既人開TOPIC？


宜家寵物版。我、MULY、傑少（遲D可能仲有托迪），一人開一個長籌TOPIC講自己寵物。有冇問題？會唔會又只係比我地三個開，唔比第四個開？



若然係咁，我地係咪應該盡快「霸位」，快D係各大版開定自己既地盤（好似史密夫咁），以免第二日「額滿」唔比人開？





你地成日講版規、版規………有無諗過，版規係死既，人係生既。成日為一個人諗咁多版規出黎，但其實係治標不治本。現場直播已經係最佳例子。仲要因為佢整死幾多個版先夠？

仲記唔記得「寫意」？


「佢無犯版規喎。我可以點？」


你地當初點回應呢句話？

下面是引用迪克於2006-04-10 01:19發表的:
agree

其實原本只得Smith果一篇．．．．
我自己根本上唔知情況


如果只單睇smith果一篇艾
根本唔成一個問題

大家覺得唔好笑，就可以唔入去
佢呃Post既，就同版主講．．．．．等佢處理，
攪唔掂既，就Pass上去問muly

但係我而家睇到既情況唔係咁

下面是引用freezefox於2006-04-10 01:26發表的:
若然有此先例：
咁宜家史密夫係球迷講場開左個文集類TOPIC。請問有冇問題。若然無問題，咁當然我都開得啦。咁會唔會開得三幾個後，又突然宣佈係講場個到唔比「過多」文集出現？然後又禁止後來既人開TOPIC？
.......

Pet版係分享
入面有爭風相對
蓄意破壞和諧嗎?

無

笑話版既情況唔可以以Pet版既情況相比

下面是引用垃圾桶於2006-04-10 01:28發表的:
其實原本只得Smith果一篇．．．．
我自己根本上唔知情況
.......

呢個就係最大既問題所有！！！！


你地係都唔肯承認史密夫個topic有問題！

若然史密夫個topic係無問題既，同類型既topic，不論出現一個。兩個，定係十個。都唔應該構成問題！若然你覺得「人人都咁開仲得了」。咁即係你承認，佢個topic本身係存在問題，只係你講唔出口係咩。所以當有十個同類topic出現後，問題放大左，你會覺得好「銀」眼。


若然你可以容忍史密夫呢個topic。抱歉，請你同時容忍我地其他人既同類型topic。