[英超]阿仙奴正式宣佈委任前巴黎聖日耳門領隊艾美利（Unai Emery）為新主帥 [復制鏈接]

freezefox:其實都要睇你帶住邊隊波…………
....... (2018-05-15 16:53) 

阿仙努最缺乏就係精神力
雲加就係已經無法鼓舞到球隊士氣先搞成咁

唔係睇衰阿迪達執教能力..只係怕好多球員唔服佢 有幾個仲曾經同佢一齊踢過波
英國已經有班球迷鬧晒 反對請新手教練 風險太大

阿仙奴底蘊唔及曼聯 經唔起一兩年頻繁換帥架 一沉淪就好難翻身

你要請新手教練 如果你肯比2億預算 我諗無人會鬧架
問題係你得果5000萬 仲要搵個未帶過大球會既人既 過家家咩 擺明小氣啦

其實點解一定要世界杯前宣佈呢, 有咩咁急?

鮮吊甬仔:其實點解一定要世界杯前宣佈呢, 有咩咁急? (2018-05-16 14:32) 

早d confirm
成班波早d知道
穩定軍心
Arteta亦可以儘早適應/展開預備工作(買人，訓練模式，教練團)

有個good news係終於炒鬼在個隊醫

freezefox:其實好睇球會、球迷（尤其係球迷），願意比幾多時間佢。
....... (2018-05-16 10:12) 

No, 我覺得係球員先係最主要, 球迷先睇成績, 成績OK 先會繼續要求風格,士氣等等, 但球員唔聽佢話, 佢叻到識飛都唔會有好成績!

icebati:阿仙努最缺乏就係精神力
雲加就係已經無法鼓舞到球隊士氣先搞成咁
唔係睇衰阿迪達執教能力..只係怕好多球員唔服佢 有幾個仲曾經同佢一齊踢過波
....... (2018-05-16 14:01) 

完全贊成! 駕馭唔到球員, 你執教能力幾有天份都無用。
而阿記的孤寒仍然繼續係病因..........

icebati:有個good news係終於炒鬼在個隊醫[表情]  (2018-05-16 16:50) 

WOW! 呢個真係GOOD NEWS! 咁多年一直都唔炒, 雲加唔係度就炒, 原來隊醫係爺爺既人.......

麻凡:No, 我覺得係球員先係最主要, 球迷先睇成績, 成績OK 先會繼續要求風格,士氣等等, 但球員唔聽佢話, 佢叻到識飛都唔會有好成績!  (2018-05-16 16:50) 

你預左有幾個會係咁的了！


其實幾乎任何新領隊空降一隊波，即時要處理既都一定係人事問題。阿仙奴呢類傳統勁旅，呢類問題會更嚴重。你預左一定有。

但如果球會、球迷願意比時間新領隊。佢就有空間、時間去處理相關的問題。因為一處理呢類問題，實會影響某D 球員既出場機會或表現。一段時間內，球隊既成績未必會咁好。但如果球迷無耐性。成績一差少少就叫新領隊OUT！咁佢幾乎可以話係註定失敗的了。要重整一隊好似阿仙奴咁既球隊，時間著實唔少。


曼聯都仲叫季季億億聲咁掟出黎買人。都要幾年時間先叫企番穩個陣腳。阿仙奴掟個幾千萬出黎………恐怕情況只會比曼聯更難應付。需要既時間會更長。

freezefox:你預左有幾個會係咁的了！
其實幾乎任何新領隊空降一隊波，即時要處理既都一定係人事問題。阿仙奴呢類傳統勁旅，呢類問題會更嚴重。你預左一定有。
....... (2018-05-16 16:56)

我預左了, 現代足球悲哀之一就係球員可集體玩死個領隊。
所以之前傳話賣走哂D大牌球員, 我唔覺得可惜, 要重組, 咁樣反而仲好。

麻凡:完全贊成! 駕馭唔到球員, 你執教能力幾有天份都無用。
而阿記的孤寒仍然繼續係病因.......... (2018-05-16 16:54) 

我覺得呢樣野都係領導能力之一

ArSo:我覺得呢樣野都係領導能力之一 (2018-05-16 17:06) 

當然啦, 但觀乎車仔呢幾年點一次次迫走強勢的領隊, 仲有之前的李城, 我便猶有餘悸.......

ArSo:我覺得呢樣野都係領導能力之一 (2018-05-16 17:06) 

咁你都要有一定既聲望先得既。新晉領隊係呢方面一定蝕章。

麻凡:當然啦, 但觀乎車仔呢幾年點一次次迫走強勢的領隊, 仲有之前的李城, 我便猶有餘悸....... (2018-05-16 17:24) 

車仔好似仲複雜 又權鬥..

ot

Sokratis Papastathopoulos is set to become Arsenal's first signing in the post-Wenger era for around ?20m. (Source: BILD)