埃及門神征服藍軍
意巴周日生死決
20/06/2009
正所謂時勢造英雄，前晚意大利於洲際國家盃B組慘負埃及○比一，埃及門將艾哈達里即一戰成名，不但獲當地傳媒評為完美10分，更被國內視為民族英雄！至於輸波意大利亦非世界末日，皆因佢同埃及都係兩戰得三分，只要「藍衣軍團」下仗對巴西爭番啖氣，一樣有機會出線。
保方都要同佢換衫
身為埃及隊長艾哈達里，代表國家隊102次，一早已非洲揚名立萬，並被視為非洲首席鋼門！同屬鋼門級數樂比仔，終於現場見識到佢厲害，艾哈達里唔單止「滿場飛」，佢場上感染力亦強，不斷鼓勵隊友，仲識得叫看台南非球迷幫手打氣，令埃及坐擁半個主場。難怪當今首席門將保方都忍唔住豎起手指公讚佢好波，並主動同佢交換球衣，搞到樂比仔慘食檸檬，收番埋件戰衣。
意大利領隊納比賽後記者會表示：「我值得入一球，但對方個門將實在太厲害，依家形勢好簡單，我下場一定要攻擊巴西。」至於艾哈達里表示，埃及能夠創造奇績，係全隊球員功勞，亦必須感謝真神。埃及入球後，全隊球員都跪低球場上朝拜。
巴西囉一分夠出線
B組形勢相當緊張，榜首巴西三比○擊敗美國後，都仲未取得出線資格，所以周日對意大利將屬生死對決。巴西只要一分就搞掂，但意大利就要盡量爭勝。至於與意大利同得三分埃及，分組賽最後一役對數字上仲有得出線美國，相信佢贏波決心會同意大利一樣咁勁，到底邊隊可以出線，真係要踢完至知！
http://football.on.cc/football/new/20090620/fbnewb0101x0.html
