對美國雖然贏三比一，但進攻單調，
幾乎用盡九牛二虎之力先能夠反勝，好大程度係羅斯有神來之筆。
對埃及，角球走甩對手被頂入後，
全場射門十九球係埃及既四倍，都無辦法把握埋門一腳。
當然埃及門神艾哈迪里既超水準都應記一功。
對埃及呢場其實應該係三場入面最易贏既一場賽事。
頭兩戰得三分既意大利，最後一場要背城借一一定要贏巴西先有機會出線。
其實初段表現並唔失禮，呢場波，巴西表現其實唔係特別標青，
比數唔代表實力既差距，只係把握到意大利既失準。
而且我覺得對巴西失第一球，其實有點冤枉，
射門撻佐反而變佐助攻比法比安奴。
但之後好快連失既兩球，就好明顯同意大利後防表現不濟有關。
第二球，羅賓奴同卡卡撞牆完全將意軍防線拉散，法比安奴執雞近門補中。
第三球，意大利開角球，因為自己球員控球被卡卡拍甩後被打反擊，
卡卡直接交羅賓奴單刀，杜辛拿情急下擺老烏。
呢場波，上半場計意大利表現唔係差架，都有幾下威脅既攻門。
但今屆賽事，意大利無論以東尼或伊亞昆達任箭頭效果都唔理想。
意大利小組賽三場既總射門次數係３６次，係所有球隊之冠，
３６次總射門次數入面有２１次中目標，其實並唔算差，
但亦更加可以證明到意大利把握入球能力之弱。
另外，對巴西呢場防線又錯漏百出，
包越位、走錯位甚至擺烏龍全部出現係短短八分鐘之內，
結果本來係一場高手過招既比賽，因為多次意外而足於致命。
森保達、簡拿華路、杜辛拿、蒙杜利禾、東尼都係意大利要考慮放棄重用既主力。
[ 本文被本用戶不存在在22-06-2009 12:31重新編輯 ]
