紅魔排「死亡陣式」？ [復制鏈接]

http://www.881903.com/page/zh-tw/newsdetail.aspx?source=tbar&itemid=125071
28.05.2009 23:28    
                   

【商台互動體育組】王者之夜，星光璀璨耀羅馬，球證流暢而幾近沒有爭議，技術層面的超卓對奕，上演了一場值得留念的經典之戰；不得不提，老帥與少帥的戰術制衡，深層次而富哲理性，球迷不妨細細回味，惟至今的議論點也許仍是曼聯領隊費格遜是否排出了一個「死亡陣式」？

「最強對最強」的決賽的舞台上，巴塞有說受制於馬基斯、艾比度和丹尼爾缺陣，但哥迪奧拿今仗目標依然是「踢出自己的足球」，而費格遜則需要扭盡六壬來破壞「性感」。

必須提出的是，與4強鬥車路士不同，巴塞決定安排美斯與伊度奧互換位置，本應預期會與前者正面對擺的艾拉，變成全場與「獵豹」極速狂奔，而小矮人則在巨人堆中游走；紅魔方面，未知費格遜是否感情用事，有別於去季決賽由里奧費迪南任隊長，欲成就忠臣傑斯的最美回憶，讓他戴上臂章正選列陣，出場的時候，幾乎每一名紅魔球員的面上都露出躊躇滿志的「冠軍相」。

代替耶耶托尼任防中的布斯基斯，有板有眼，隊長佩奧爾返回自己出道的右閘位置，亦收到預期的效果，並未被步大力雄的朗尼比下去。開賽初段，曼聯嚇你一跳採取主動，C朗拿度瘋狂試射(當中包括浪費)，就凸顯了全隊的爆棚信心，費爵爺似乎無意仿傚車路士在4強，甚至去季4強作客時的消極踢法。

C朗今季不時在箭頭位置出現，爵爺口中的「犧牲品」朗尼和朴智星負責側擊，同時利用兩人的「無限制」體能，壓抑巴塞的雙閘。然而從戰情上觀察，頭 10分鐘巴塞的確未算站穩陣腳，意外地全場首次埋門兼射門，由伊度奧打開紀錄，嚴重打亂了曼聯的嚴密部署，儼如16強國際米蘭遇上的堪虞境況。

問題出現了，需要加強攻力時，泰維斯、貝碧托夫如箭在弦，惟應該抽起同樣沉靜的傑斯抑或路爾斯安達臣呢？英國文化告訴大家，來自英國領隊必然拒絕「因戰術需要而換走隊長」—除非這同時象徵了內部處分。

傑斯在中路的效果曾在對國米時實驗過，結論良好，大獲好評，惟卡域克、路爾斯安達臣這3人組合，卻甚少在今季的曼聯身上嘗試，尤其是當傑斯和卡域克的位置和作用或多或少重疊了安達臣的發揮；無可否認，這位EQ極高的巴西小子，跑動範圍、活力以致防守意識也較威爾斯忠臣優勝，偏偏卻成為22人中最早離場的一位。

球場如棋局，每一步都是此消彼長。當巴塞球員在上半場中段慢慢「入局」後，進攻就是最佳防守的理念開始讓世界的球迷深深體會—不，應該是「搓波就是最佳的防守」才對，沙維、恩尼斯達兩位小巨人，在中場的妙傳默契一點一滴地把恐怖的滲透力注入巴塞前線。美斯在中路出現，藉超人腳法把弄全季無人能敵的紅魔雙搭，而奧沙亦明顯敵不過身型相近的亨利，也許曼聯這條防線是夜90分鐘的「甩轆相」剛好等於10個月加起來的尷尬。

由4-2-3-1轉變為4-2-1-3，泰維斯很無奈，不久失了第2球。「魔」界四天王齊齊登場，貝碧托夫和史高斯入替了朴智星和傑斯—還記得當保加利亞中鋒季初來投時，大家討論4人該如何列陣，或該否齊齊出場嗎？

「魔」界四天王在今季曾經在9場聯賽短時間集合，其中最著名的戰役要數反勝熱刺5:2，當時兩名中場人選是費查和卡域克；另一場令人印象深刻的，就要數到大敗給利物浦1:4之役，那次中場組合是史高斯和傑斯，但四人被召集後不久，維迪經已領紅被逐。

4巨星同場(可能是最後一次)乃被「迫上梁山」時使出的策略，未必是C朗口中的「戰術問題」，惟爵爺掛住同胞費查就肯定出自真心，而傑斯、路爾斯安達臣和朴智星的離場次席肯定在短期內繼續談論下去。說到底，踢波踢波，最重要還是有波在腳，其餘的多說亦徒勞。



曼聯全場陣式變化
正選
4-2-3-1
基斯坦奴朗拿度
朗尼 傑斯 朴智星
路爾斯安達臣 卡域克
艾拉 尼曼查維迪 里奧費迪南 奧沙

46分鐘起
4-2-1-3
基斯坦奴朗拿度 泰維斯 朗尼
傑斯
朴智星 卡域克
艾拉 尼曼查維迪 里奧費迪南 奧沙

66分鐘起
4-2-4
基斯坦奴朗拿度 泰維斯 貝碧托夫 朗尼
史高斯 卡域克
艾拉 尼曼查維迪 里奧費迪南 奧沙

第一個調動唔係換Giggs係最錯誤既決定

呢篇應該貼去「講場區」

講到尾...都係輸中場........

昨晚瞓咗冇睇場波, 而家睇番, 上半場完, 有幾點可以講: 1) 失第一個波原於自己頭鎚解圍失誤, 求求其其頂俾人, 人哋直線靚交俾伊度奥, 跟住維迪標失埋, 想唔失都幾難 2) MU防守真係唔好, 多次俾對手係自己心臟地帶有大量時間控定再做攻勢, 大大加重自己嘅防守壓力, 踢到自己慌失失。由此可見在防守上, 車仔真係比MU强得多, 有紀律得多; 再引伸落去可知道點解艾辛值2500萬磅 3) 中場冇創做力, 唔明點解唔出貝碧, 之前費sir讚到佢上天, 話佢喺前線可以停到個波, 再等C7 郎尼 卡域克等後上, 而家跟本做唔到攻勢, 點入波 攻不強, 守不穩, 點贏?

移去球迷講場區

引用第5樓sakura_3212004於29-05-2009 00:08發表的“”:
移去球迷講場區 [表情]

好多根本都分唔出篇報導係咪新聞

引用第6樓本用戶不存在於2009-05-29 00:13發表的“”:
好多根本都分唔出篇報導係咪新聞 [表情]

其實專題/探討/賽後評論呢d都唔算係新聞啦...

引用第7樓迪克於29-05-2009 00:14發表的“”:
其實專題/探討/賽後評論呢d都唔算係新聞啦...

引用第4樓ah_che99於2009-05-28 23:54發表的“”:
昨晚瞓咗冇睇場波, 而家睇番, 上半場完, 有幾點可以講: 1) 失第一個波原於自己頭鎚解圍失誤, 求求其其頂俾人, 人哋直線靚交俾伊度奥, 跟住維迪標失埋, 想唔失都幾難 2) MU防守真係唔好, 多次俾對手係自己心臟地帶有大量時間控定再做攻勢, 大大加重自己嘅防守壓力, 踢到自己慌失失。由此可見在防守上, 車仔真係比MU强得多, 有紀律得多; 再引伸落去可知道點解艾辛值2500萬磅 3) 中場冇創做力, 唔明點解唔出貝碧, 之前費sir讚到佢上天, 話佢喺前線可以停到個波, 再等C7 郎尼 卡域克等後上, 而家跟本做唔到攻勢, 點入波 攻不強, 守不穩, 點贏?

等你睇埋下半場繼續分析

vidic遇上靈巧前鋒就吃虧，如torres/e'too等...

引用第10樓sakura_3212004於2009-05-29 00:45發表的“”:
vidic遇上靈巧前鋒就吃虧，如torres/e'too等... [表情]

維迪踢左成季好波，偏偏到季尾時狀態回落。

引用第11樓國球旗於2009-05-29 00:52發表的“”:
維迪踢左成季好波，偏偏到季尾時狀態回落。 [表情] [表情]

都唔關回唔回落事la,季尾狀態反而係停完賽之後慢慢回升番.....
本身轉身慢係事實...即使係狀態好果陣對住巴塞果幾個速度甘快ge攻擊球員都一定蝕大底....

引用第12樓ArreatSummit於2009-05-29 01:08發表的“”:
都唔關回唔回落事la,季尾狀態反而係回升番.....
本身轉身慢係事實...即使係狀態好果陣對住巴塞果幾個速度甘快ge攻擊球員都一定蝕大底....

之前個個讚佢係天下第一咁滯，而家又會有咁多不足既....

引用第13樓國球旗於2009-05-29 01:09發表的“”:
之前個個讚佢係天下第一咁滯，而家又會有咁多不足既.... [表情]

大佬，天底下無完人啊...