我個fd(小學同學)都係康thai到做領隊..都係去左馬尼拉...好在冇事...真係好好彩....差d有事...
佢係blog到打左
人生無常
八月二十三日 呢一日我對人生有另一番體會
回想起一星期前康泰打過黎問我帶唔帶菲律賓團
諗住未去過菲就二話不說咁話"去呀!"
跟住佢問我星期5出唔出到團我醒返起星5有野做 所以就reject左
最後帶左星6果團
出事前一日我仲同出事領隊同導遊同台食飯
大家果陣仲有傾有講有笑有邊個會諗到第二朝會發生呢件事...
其實我依家諗返起如果我係帶星5果團 我依家冇命o係呢度打note而果團菲律賓將會係我人生最後的一團
我果團今日原定走day4的route
跟住同團友商議
大家都贊成冒不起呢個的險
於是就決定留o係酒店等進一步的消息最後我地都好好彩 國泰有班機可以早走全團廿人先可以安全返港
人生真係無常
你點會諗到帶帶下團可以差d冇命返香港?
今次 我真係差點體驗死亡明白到
一個健健康康的人可以因為1d突發事情而離開
呢幾日特別好多謝關心我的朋友 (雖然我飛左線比老豆)
有d仲要擔心我到打左去康泰問 我真係好感動
所以 我以後會好好咁珍惜我每一個的屋企人、朋友
亦都多謝個天比我繼續生存的權利
我唔會因為咁而淆底唔去帶隊
相反 我會好好咁利用masa (出事的香港領隊) 教過我的知識將每一團會帶得更好 照顧得更好
等每一個客都會開心、安全、整整齊齊咁返去香港
masa 我同你相處的時間只係得數十分鐘
但係言語間我知道你係一個出色的領隊你的死係唔會白費
請安息 你係我最尊敬的一位領隊
