曼市打比後，餘波未了。據英國傳媒報道，曼聯領隊摩連奴賽後經過曼城更衣室，覺得對方慶祝聲浪太大，要求曼城球員尊重啲，仲同對方龍門艾達臣摩拉斯激烈口角，搞到又潑牛奶、潑水，掟水樽咁。咦！咪住先，講客場慶祝，摩連奴先係專家下話。
時光倒流到2004年奧脫福球場，歐聯16強曼聯對波圖。當年帶領波圖摩連奴，摩連奴，係見到波圖球員哥斯甸亞90分鐘入球，將紀錄扳平，摩佬即刻由教練位，狂奔到角球旗位置，同波圖球員一齊慶祝。呢個經典一幕，落哂費Sir面之餘，都成為當初曼聯球迷反對佢上任曼聯領隊原因之一。
6年之後，2010年歐聯四強，國際米蘭作客巴塞隆拿。首回合摩佬帶領國米，領先哥迪奧拿巴塞3:1。去到魯營，打少一人下，都只係輸畀當時地上最強1球，以3:2贏波入決賽。賽後，摩佬舉起手衝入場中間，就算域陀華迪斯上前阻止，草地灑水器忽然開埋，都擋唔住摩佬要喺魯營10萬球迷面前慶祝心。當然，呢場波亦係摩連奴同哥迪奧拿恩怨開始。
而比較近，亦最富爭議一次，當然係2014英超，車路士作客利物浦。當時摩佬帶領車路士奪冠只有數字上可能，而利物浦則係同曼城鬥最後直路。可惜因為隊長謝拉特跣腳，車路士作客贏2:0，基本上摧毀紅軍英超冠軍夢。賽事未完結，摩佬已經向車仔球迷方向振臂慶祝，狂拍心口，大有「我贏唔到，都唔畀你贏！」挑釁味道，造成利物浦球迷一道永遠不能癒合傷口。
[ 此帖被utadahikaru20在2017-12-13 02:41重新編輯 ]
