[國際賽]Messi破紀錄連續4年奪得金球獎；迪保斯基最佳教練；2012最佳11人全部來自西甲 [復制鏈接]

迪克:"要造個球皇出來點都可以有原因既"
我唔反對大家批評金球獎不公平
....... (2013-01-11 21:48) 

其實要表揚入球數字，唔係已經有金靴獎喇咩。

國球旗:其實要表揚入球數字，唔係已經有金靴獎喇咩。[表情] (2013-01-11 22:11) 

唔應該單憑入波數字就比個金球獎messi....
金球獎絕對應該睇埋球員既國際比賽同球會成績...今年呢方面...cr7比messi好

如果唔係美斯拎, 咁應該邊個拎?

金靴獎的確係俾全年入球最多既球員
但91球呢個數字唔係單單既入球多


四十年封塵紀錄被打破，呢份亳無疑問係一個難得既成就

迪克:見到3個字...好反感
擦數據............
....... (2013-01-11 21:40) 

唔好咁激動,我唔係抹煞佢既成就,只係質疑佢d入球既含金量
當然,個rule就係由d專業人士投票,有一定既可靠性
我只係諗唔明點解咁多人投比美斯,仲要係大比數贏
依個紀錄真係咁重要?

呢個紀錄重唔重要我唔知
但的確好難得，好非凡。

如果唔係，都唔會要四十年後先有人破到

同埋，人係善忘既，c朗既球會榮譽係暑假前得到，計埋歐國盃都係八月前既事
相反美斯破紀錄係年尾既事，投票既人，一定會受呢個新鮮消息所影響。

如果講記錄,歐國杯有球隊衛冕過?
西班牙既小白同沙維唔係更值得拎?

美斯入得多波,真係好多得巴塞既戰術,亦好多得小白同沙維
佢真係咁利害,阿根廷係咪應該拎左世界杯?

利申:我唔係美斯,c朗,巴塞同皇馬fans

甘樣講即係話只有入得多波而且破入球紀録既人就可以攞金球獎，甘金球獎既意義去左邊

滅羅，所以西班牙拎左最佳球隊，迪波拎左最佳教練。
的確小白，沙維都出色，但如果去到投票層面，難免會分薄票源。

同埋我之前提及過，投票既係人，人係好善忘，紀錄年尾破，係腦海既印象自然會深
結果投俾美斯既人自然多。



宜家真係唔係單單"入波多"三個字可以總結美斯個紀錄，成就。

當然，如果大家唔認同入91球係成就，咁已經無得傾落去。

阿清:同埋紀錄既野.. 皇馬上季其實都破左唔少
冇人理咁解
由頭到尾我最認同就係57樓..
ranKINGdom兄個句：要造個球皇出來點都可以有原因既
....... (2013-01-11 21:31) 

金球獎係FIFA個wor...關uefa咩事...sad

Obadiah:金球獎係FIFA個wor...關uefa咩事...sad (2013-01-12 12:18)

宜家合併左

歐洲同世界足球先生合併左

滅羅:如果講記錄,歐國杯有球隊衛冕過?
西班牙既小白同沙維唔係更值得拎?
美斯入得多波,真係好多得巴塞既戰術,亦好多得小白同沙維
佢真係咁利害,阿根廷係咪應該拎左世界杯?
....... (2013-01-12 05:15) 

所以我覺得小白拎更有信服力..

其實投票嘅係所以國家隊領隊, 國家隊隊長, 同埋每個國家一位傳媒代表.... 亦都公開晒, 夠晒公平, 公正, 公開~~

投票嘅人已經係最有代表性, 最有權威, 都係咁揀, argentina長年宿敵brazil隊長thiago揀messi, 加納隊長揀messi, 日本隊長揀messi, 比利時隊長kompany揀messi, 捷克領隊揀messi, hogdson揀messi, 荷蘭van gaal揀messi.... 香港代表方面. 隊長陳偉豪, 領隊金判坤都係揀messi....

我地可以唔同意得獎人選, 但質素獎項說服力就好似有點....

迪克:滅羅，所以西班牙拎左最佳球隊，迪波拎左最佳教練。
的確小白，沙維都出色，但如果去到投票層面，難免會分薄票源。
同埋我之前提及過，投票既係人，人係好善忘，紀錄年尾破，係腦海既印象自然會深
結果投俾美斯既人自然多。
....... (2013-01-12 11:44) 

唔係唔認同91球係成就
而係一個聯賽入面神射手真係重要過聯賽冠軍?
如果而家個聯賽係雲加早年所希望既入波計落聯賽積分到,咁尼91球入得好有意義添

我地叫得左球皇既有咩係身?
世界杯,比利有,老馬有,大哨有,細哨都有

我地講緊就係你入成91球破記錄,俾個金靴你都唔夠,仲要拎埋金球
咁其實今年同2010年係咪應該有俾佢更值得拎既球員呢?

滅羅:
唔係唔認同91球係成就
而係一個聯賽入面神射手真係重要過聯賽冠軍?
如果而家個聯賽係雲加早年所希望既入波計落聯賽積分到,咁尼91球入得好有意義添
.......

純粹我個人立場，破晒紀錄91球，得金靴真係唔夠。

以往入50球以下已經拎到呢個獎，次級聯賽球員都拎到，例如查度，更次級o既不知名球員拎過都大有人在(懶得上wiki查，但印象中唔只一屆有d不知名球員拎)
單單金靴獎，唔夠表揚到messi破左一個差唔多半世紀無人破到、接近到o既紀錄
強如你提及o既幾位神級球皇都唔得

至於你話10年有人更值得拎，我認同，所以唔講喇。

12年呢？
你俾messi，原因係破紀錄91球，合理，值得。
你話俾小白，幫西班牙創歷史衛冕歐國，合理，值得。
你話俾c朗，幫皇馬破紀錄入夠100分+121球拎西甲，幫葡萄牙入歐國四強，合理，值得。

三個人選，各有「紀錄」，各有值得當選原因，即係我覺得未衰到好似10年咁具爭議性

由人投票，一定有主觀成份，我只能夠再三提出，人係好易俾新鮮o既消息去影響佢地o既決定
年尾破紀錄，印象一定深過暑假前o既事。

最後，你話球皇級比利、肥馬、施丹、雙哨都拎過世界盃，或者，到2014，世盃年，messi/c.ronaldo拎唔到世盃又拎左金球獎先再拎出o黎講啦
(唔好同我提2010喇，我係認同2010MESSI拎唔夠合理o架~~~~)