引用第18樓freezefox於2012-05-28 17:53發表的“”:
老老實實，佢做過咩大逆不道既錯事？認真問的。
連盧覓雪都有出文
http://hk.apple.nextmedia.com/sports/art/20120527/16372050陳七死因研究怒炒定解約，真係點話點好。南華決定跟陳肇麒終止賓主關係，表面上理由充足；即使背住女友跟o靚模爆房純屬私生活不檢點，外人難以評價，但作為禁煙大使，竟然一而再被拍到通街煲煙，確係離晒大譜！再加上身為職業球員，漠視球隊紀律，屢勸不改；正所謂證據確鑿，不容抵賴，該炒之至。
雖然南華放手，但港隊並沒有棄用；積極備戰下月與新加坡及越南兩場友賽的港帥摩力克，依然力撐陳肇麒係港隊首選前鋒！點知，家陣傳來陳肇麒將會以個人名義去信足總，要求退出香港代表隊；至此發現陳肇麒原來都係泰維斯啲 friend，係扶唔上壁嘅爛泥！
大地本來在佢腳下，堂堂香港足球先生點會忽然間變咗最冇價值球員？我明白魔鬼總在細節中，不如用「萬曆十五年」的閱讀法，研讀下陳肇麒的真正死因；再過兩個月才滿27歲，陳肇麒入魔之路大概由4年前加盟南華，外號叫陳七又或 C7開始。
大家都知道 C7係英國文字傳媒為了慳字位，結合基斯坦奴朗拿度名字第一個字母同球衣號碼而成，其後逐漸成為他的外號。想不到遠東那個曾被大英帝國統治過的蕞爾小島，竟然有人禮義廉地直接借用，自稱 C7；再來一個二次創作式直譯，噢！確係傳神，陳七確係七到唔恨！
將陳七進一步推向魔鬼懷抱，是2009年香港舉行的東亞運動會。陳七在分組賽後，竟然不顧港隊以小組首名出線後，對北韓的大戰，如期去倫敦熱刺跟操兩星期；在港隊贏埋北韓後，球會老闆立即買頭等機票接他回來踢決賽，才令陳七可以為港隊扳平日本，繼而在12碼創奇蹟，從日本隊手上搶走了那面金牌，創造傳奇一刻。除了成為該場賽事的 MVP，更令陳七成為09-10年度的足球先生，那肯定是他登峰造極的時刻；一個人被推得過高而不自知，還沉淪於沾沾自喜，也就注定步向滅亡了！
文：盧覓雪
