引用第26樓托利斯於05-01-2012 01:43發表的“”:
因為巴塞呢隊波人腳實在太強
感覺上、係球場上自由放任比班球員踢、效果會好過比一堆戰術困住
當然，戰術就一定唔可以冇
但係我覺得哥帥其實比落去既指示可能只係一位基本既教練都運用到既戰術
.......
你真係咁認為？
我相信你既意思係指「前人種樹、後人乘涼」呢個含意？
我唔反對的確有之前領隊引入高質球員有關，但哥帥王朝既陣容同前朝比較？
再者哥帥做得最好既唔一定係戰術步署，係用人夠大膽，
尤其哥帥一向肯起用新人，可以為新人或者球隊放棄大牌球星
我仲記得當年佢接帥印，第一樣講到明朗拿甸奴同迪高同森保達一定要清走，
連首席射手既伊度奧都可以話放棄就放棄，仲有唔少球隊有地位的幾乎都被清走，
而且我唔覺得因為球隊本身實力強而抹殺佢既功勞
好多時我地係電視畫面上有限既空間睇賽事，好難睇得真哥帥究竟係背後既工作，付出過什麼
要明白球員質素高唔代表冠軍手到拿來，如果唔係各大富豪球會只係買咩大牌球員咪得囉
搵個「一位基本既教練」黎叫佢地自動波踢得囉
不提國內賽事得皇馬一個對手，但歐冠杯既冠軍點都要過五關斬六將，
曼聯決賽兩敗巴塞隆拿，唔係淨止個人質素，背後既臨場調動都係一個亮點。
係我眼中，三年內兩奪歐冠杯哥帥既功勞一定唔比球員細
至於你話經驗不足，上到一隊就取得冠軍
當然佢既腳頭真係好好，有冠軍命
但唔知你留唔留意到，「紅褲子」出身既佢，比起三年前出道既佢成熟唔少
當年佢拎三冠王，我都覺得佢有運，打法不變，
如果有留意開巴塞隆拿既賽事，就知依家唔係只迫踢四三三，踢法都已經大大不同
不過今時今日巴塞隆拿既成功，我覺得一半同青訓有關，呢個都係哥帥成功既基石
如果哥迪奧拿離隊，搵到第二個都教得咁好
我就信哥迪奧拿係負碌啦，但依家我仍然相信無哥帥就無今日既巴塞隆拿
[ 本文被啪啪啪啪啪啪在05-01-2012 03:15重新編輯 ]
