引用第45樓sikingthegreat於2011-12-08 10:54發表的“”:
在你最百思不得其解嘅事上, 雖然我唔肯定你講緊邊個, 但其實唔難解釋....
其實球迷就係咁架啦~~
.......
我舉一個例子。關你事的。但我唔係話你有問題。
有次係直播區。你抽左曼聯一句水。其實小事，無傷大雅，個句野本身亦唔係咩咁有傷害性既說話。然後阿HIM 入到黎，既唔係指名道姓，亦唔係QUOTE 番你個句，而係好GENERAL 咁講，大概既意思係利迷又抽水了。
我唔明，點解唔係同你直接講：「喂，SAM 哥，唔好抽我地水好喎！」而係將矛頭指向「利迷」。我睇勻成個TOPIC 就係得你個句係抽水的。十幾個利迷係到無人抽過半句水。點解你一個人既行為要我地所有利迷受（再強調，我唔係話你做錯咩，因為我都唔認為你個句好離譜，係就係小抽一野，但有得拆的）。點解唔簡簡單單，A 抽水就同A 講，B 抽水你咪同B 講囉。而係將佢泛指所有利迷。
可能係因為唔好意思掛。大家都係朋友，唔想直接面斥你掛。但問題來了……咁關我地咩事？做咩我地要受？
我舉呢個例子，唔係話想講邊個岩邊個錯。而係最反映番，宜家個壇就係咁。抽水個班，自己FD底，不便互數，但就變左路人甲乙丙受哂。你話「球迷就係咁架啦」。喂，呢個係你作為球迷既做法，而唔係我作為球迷既習慣。我唔鐘意咁的。唔係因為你認為球迷就係咁而我就要成為就係咁既球迷者。但你地做既事，卻要我地去承受個後果喎家下！你地FRIEND，互抽不視為咩既一件事。我地唔關事既卻中哂流彈喎宜家。
你講得好岩既係球迷還球迷，現實還現實。係球迷立場敵對既，唔代表唔可以做朋友。但有一樣野係要遵守既，就係互相尊重。你敬我一尺，我敬你一丈。做唔到朋友既，大家亦最好河水不要犯井水。但若然你野野都要撩人，撩然人又唔比人還拖，只有河水犯井水，井水不能犯河水。天底下邊有咁著數既事？！
