大婆當街找小三晦氣，做老公嘅多數唔會出聲，或者充當和事老，點會鬧埋一份！點解？費事樣衰吖嘛。但曼聯中場傑斯就唔知醜字點寫，幫老婆鬧爆畀自己搞過嘅弟婦娜塔莎，上演「潑佬罵街」，o趙完之後再要鬧，簡直賤格到冇朋友！
「你係垃圾、正渣滓」
現年 37歲嘅傑斯喺上季季尾俾人踢爆有過兩段婚外情，其中一個仲要係自己弟婦娜塔莎。佢嘅醜聞被公諸於世後，足足有成 4個月冇見過其弟婦。不過，呢個世界真係好細，據英國《太陽報》報道，佢日前同老婆斯泰茜出去食個飯，竟然喺街上見到娜塔莎。斯泰茜即刻失控衝上去，仲爆粗鬧娜塔莎：「你只不過係一件垃圾，正渣滓！」途人行車都紛紛停低睇嘢，傑斯見狀上前叫老婆收聲同上車，斯泰茜乖乖聽話照做之後，仲以為佢想做和事老，點知原來係自己親自落場，大庭廣眾爆粗鬧娜塔莎！
傑斯唔知飲咗酒定食咗啲咩，鬧得勁狼死：「你o依家好叻、好自豪啦！睇你個款一定收唔少啦！」今季佢長坐冷板，儲咗火好耐，越鬧越過癮，之後仲一鼓作氣，直接殺入禁區，話完娜塔莎搞散兩個家庭，用最 hurt人嘅一招：「你以為我真係鍾意你呀？我同你一齊純粹為咗搞嘢咋！」
「賣故仔賺錢隆胸」
傑斯仲話娜塔莎唔應該咁爆料，今次賣故仔完全只係為咗錢：「我知你啲錢點使，梗係去咗隆胸啦！」娜塔莎喺傑斯凶狠嘅潑罵底下，只可以回擊一嘢咁大把：「賴恩，知道你仲喺度扮晒美好家庭真係好。」喂喂，咁還拖碎料咗喎。之後娜塔莎喺自己 twitter話斯泰茜係狗，又話傑斯係姑爺仔，一早喺條街咁講咪可以擊退傑斯囉。
不過今次事件真係睇到曼聯「助攻王」係咩人，o趙完又唔畀人唱，明明係自己「感情嚴重缺失」唔啱在先，又要當街鬧人。咁都唔緊要，最衰就係佢仲要用咩最 cheap嘅一句「我同你一齊純粹為咗搞嘢咋」，玩弄咗人哋 8年感情，頂綠帽仲要係送畀自己細佬！哇，簡直係賤男中嘅極品，呢啲唔知醜嘅鹹濕佬，大家真係要小心。我求大俠真係希望英女皇考慮吓收番傑斯個大英帝國勳章。
http://hk.apple.nextmedia.com/template/apple/art_main.php?iss_id=20111014&sec_id=25391&subsec_id=6041&art_id=15703238&cat_id=5026026&coln_id=5028941[ 本文被Gabriel在14-10-2011 21:05重新編輯 ]
