老狐
非常同意四個pts，由其係2。完全唔明點解會出Tainio而唔出Routledge，基本上等於放棄右中場。上半場早段新特蘭尚未企穩陣腳之時，馬白係左路都有兩、三次極有威脅既突破，但係堅尼對症下藥之後，馬白就完全失效。右手面只係靠占邦達殺上黎幾次零星既出波。至於中場中路，我由紐卡素時代都唔係太鍾意Jenas，作為中場box-to-box player，佢創造能力嚴重不足，攔截能力亦唔係一級，我一向覺得佢都係over-rated！至於Zokora，都無人會期望佢進攻上會有乜野貢獻，除左有球插水之外！其實兩翼除左受傷既Lennon同唔知點解唔出既Routledge之外，仲有個係熱身賽表現甚為出色既 Taarabt，不過連後備都冇！Jol 既排陣真係令人費解！
至於紐記，我當然非常高興，不過今場能勝出好大程度係大Sam太熟悉保頓，上半場27分鐘已經KO對手。但後防仍有不少問題，所失之一球原本係自己既角球，但被對手解圍後兩、三下已突擊成功。卡爾雖然已經比起上季好好多，但係呢球上絕對責無旁貸。幸好隊波仍有多名主力因傷或尚未適應而未出，例如Given、Cacapa、Enrique、Duff、Owen，所以尚有改進既空間。真正既考驗會係主場，如果能新建造聖占士城堡，今季就真係可以值得期待！
