Gabriel:以下係基於我所認知既事實同記憶所得出黎既結論：
每次成皇遇到呢啲可以有多過一種處理方法既時候，都係會根據番「以前點做，而家就點做」既做法去做；當然，個做法係一個大家都覺得公平既方法黎架啦。
.......
(2014-02-13 13:50) 
睇你寫完呢一段我都有少少反省。或者我第一時間就話「一直係咁」係太理所當然既反應。成皇年代久遠，玩左咁多年，有舊玩家有新玩家，舊玩家或者會有呢個共識，但新玩家未必有。我地係應該解釋清楚少少先岩既。唔係就會變到好似G 版你宜家所講，「以前係咁宜家咪係咁囉」，比人感覺好似因循舊習，無咩理據。
其實係好多年前，我地係有認真討論過呢類取消賽事既處理方案的。討論結果就係接受佢為不可抗拒既賽果。該周分數照計。其實同時間，我地討論既仲有其他命題。因為取消賽事呢類情況反而係容易處理既情況。我地當年一致地認為無咩需要商榷既地方。反而當年YAHOO 好多人為錯誤令我地更難處理。例如周中某一場賽事突然唔出分，但又唔可以無了期咁等，咁應該點處理。呢個先係我地討論既中心。當年係決定定個死線，死線過後，仍然係無UPDATE 個分，就只可以當受影響玩家唔好彩了。該周賽事以最後既分數作定奪。
其實呢幾項既決定係有明文規定，白紙黑字咁列明係規則上的。但一代傳一代，一年傳一年，傳傳下，都無人再將有關規定列出。實在，每年都有新問題出現，每年都有新規定，累積規制愈黎愈多，都無可能將所有規制寫下。有D 慢慢就變約定俗成既共識。「大家都明架啦」，就當攪掂。所以耐唔中又要搵番我地幾個舊會員講解番當年係點做。變相令大家感覺好似成日都係「以前係點宜家咪點」。其實又唔係必然的。時移制易，如果大家認為舊有規定有問題，唔係唔可以變動的。合情合理又合乎大家意願就可以了。規制係死既人係生既，無野係唔改得既。
