火鳳凰:諗諗下本身個投票方式係有問題的，因為只係可以投開放，無意見的就變相贊成不開放。其實應該每版都有三個選擇︰開放、不開放、無意見。
好似我咁，有幾版(例如足球隊、籃球隊)我從來唔會入，根本就唔識投，所以無投到。其實我對果幾版係無意見，但係就變相支持左不開放。
.......
freezefox:我都有考慮你呢個考慮。
不過我地本來就係唔開放既，要由唔開放改變為開放，希望開放既意願要足夠先得。
.......
我都覺得投票方法係造成呢次投票結果其中一個大因素.
正如火兄所講,而家並唔係贊成vs反對,而係 贊成開放 vs 無意見/棄權+反對開放
呢兩個分別好大.
尤其係投票版塊愈多,個情況愈嚴重.
好多會員並唔會全部版都會去,尤其係為某d game ge資料而黎ge好友們,例如YFF.唔少都只會停留o係果區.
對於呢班只集中某一兩區活動ge會員黎講,好有可能tick完自己入開果區/決定唔tick自己果區 就submit,其他全部空白(即係變晒全反對咁滯)
另外,就算唔係只集中一兩區ge好友,都未必咁有心機逐個區諗應唔應該開放..
所以可能又係變左揀d自己有意見,比較有興趣ge tick幾個就算.其他果d並唔係反對,純粹只係無所謂無意見.
投票就有米收都係令投票參考性降低ge因素 (雖然我好like收米)
如果投票無著數,咁投得票ge人某程度上都算對好友比較上心,會比較認真考慮自己ge選擇,唔會隨便tick幾個交差就算,唔係都唔需要入黎投la.
反而投左有著數ge話,唔理三七二十一,留意到呢個topic又鐘意米ge都會入黎投.唔係話一定唔認真咁亂投,
但相對上一定會多左一班只係為拎米ge會員入黎,佢地ge選擇未必經過深思熟慮,而且理論上會更偏向投白票多
最簡單最方便最直接最正路就係隨便tick一兩個完事..(投全反對就比較礙眼,投得ge人我相信都係真心覺得全反對)
簡單講個example:
100人投左票,可能得30個會員有諗過應唔應該開放hattrick區,其他70個跟本唔知hattrick係咩黎.
可能得20個諗開唔開放劇集影評.
最後結果係有20票贊成開放hattrick,11個贊成開放劇集.
跟據現有玩法,支持開放hattick只係得20/100 - 20%,劇集得11/100 - 11%.. 結果就係唔開放.
但事實上參與hattrick投票ge只係30個.得10個反對..正確結果應該係20/30 - 66%. 劇集=11/20 - 55%..
無錯,呢個計法可能有一定誤差..但我相信唔會相差事實好遠.
當然,而家結果已經出左,單方面硬改或者短期內再投一次係唔可能,亦唔尊重投票制度.
但我相信,改變投票方法,下次再試投一次,結果可能就會變了.
