[非建制派直選及功能組別合共奪得30席/王國興超區落選]2016年立法會選舉討論區 [復制鏈接]

輸游蕙禎400票連任失敗　黃毓民︰因樹敵太多

競逐連任的普羅政治學苑黃毓民，最後得20,219票，僅以400票之差敗給青年新政的游蕙禎，未能取得九龍西最後一席，一代老將被政壇新鮮人取代。
雄心壯志想拿下多至六席的黃毓民，今午在記者會上，坦承失敗並向支持者鞠躬致歉，指自己「從政以來樹敵太多，拖累今次選情」，將會休息一段時間再作打算。



點票結果塵埃落定，在九龍西直選從未敗陣的黃毓民迎來首敗，同陣線「熱普城」，僅新界西鄭松泰當選。黃毓民今午在記者會上表示，為辜負選民和支持者的期望，表示「深切歉意」，與成員一齊起立鞠躬數秒。他指，「要坦言承認我們是失敗了……努力不夠」，又謂，他從政以來樹敵太多，是「拖累今次選情」，但強調他們的基本理念、原則不變，他將「休息」、「沉潛」一段時間，之後會重新整理「手頭上」的事務，並繼續發展網台，普羅政治學苑計劃將培訓多些年輕人從政，繼續全力支持現改由鄭松泰領導的「熱血公民」。

http://www.hk01.com/%E7%AB%8B%E6%B3%95%E6%9C%83%E9%81%B8%E8%88%89/41413/-%E7%AB%8B%E6%9C%83%E9%81%B8%E6%88%B0-%E8%BC%B8%E6%B8%B8%E8%95%99%E7%A6%8E400%E7%A5%A8%E9%80%A3%E4%BB%BB%E5%A4%B1%E6%95%97-%E9%BB%83%E6%AF%93%E6%B0%91-%E5%9B%A0%E6%A8%B9%E6%95%B5%E5%A4%AA%E5%A4%9A

梁天琦票倉尚德突然多300票 票站主任不理反對重新點算



繼被投票、選票預先蓋印後，將軍澳尚德社區會堂（新界東選區）點票時，發現投票人數和選票數目不吻合。於9月5日凌晨1時左右，監票義工正阻止票站主任展開點票程序，強調選管會要公開徹查，交代事件。尚德被稱為梁天琦的「票倉」，今屆被選舉主任判為提名無效的梁天琦，在補選時最高得票的選區便是將軍澳公屋尚德邨。直到上午約5時，「港地陣線 Hong Kong Frontier」專頁表示，「突然多左(咗)300票，請大家過黎尚德社區會堂」。

有線新聞引述現場消息指，票站主任決定重新點票，惟有監票人不滿，認為應凍結點票，不過票站主任堅持重新點票，場內有大批警察戒備。根據「港地陣線 Hong Kong Frontier」專頁上載相片，指上午約8時，尚德社區會堂外警察已佩帶戰術手套。
約凌晨1時左半右，將軍澳香港道教聯合會圓玄學院第三中學票站的監票代理人何先生向《蘋果》表示，他得悉尚德社區會堂的點票過程有問題，立即趕到現場了解。他說，票站主任在晚上11時關閉尚德社區會堂後，按照已派出去的票數，和派剩的票數相加，計算票數是否和原先的總選票數目相等，惟突然發現數目不相等。
何先生指，當時票站主任拒解釋票數不吻合原因，在久候兩個小時後，剛剛現身指「可能撳機撳錯咗，依家條數啱返啦」，再次重新開始點票。
何先生對此表示懷疑，他指，選管會可以禁止市民參選、上次新東補選也曾發現票箱有問題，「點知你今次會唔會出古惑，可能無啦啦搬多個票箱出嚟，影響選舉結果？」何先生不滿選管會無仔細交代選票數目不正確的原因，促其公開解釋

http://hk.apple.nextmedia.com/realtime/news/20160905/55601197

新同盟革除為鄭家富助選4黨員會籍　澄清鄭非創黨人 (18:31)



立法會選舉正式結束，新民主同盟范國威敗選新界東，該黨未能奪得立法會席位，加上3名議員及1名議員助理，於投票日倒戈為鄭家富助選後退黨，使新同盟面臨瓦解危機。該黨今發聲明表示，接納范國威辭去當然執行委員一職，並革除區議員陳兆陽、丘文俊、趙柱幫及議員助理盧德明4人的會籍，並重申新同盟沒有與鄭家富就分區拉票問題作出協調。

該聲明中指，執行委員會於周日下午收到多名會員對上述4人的投訴，隨後於周一晚收到陳兆陽提出辭任執行委員及退黨，及丘文俊、趙柱幫提出退黨的信息。
周一經全體會員討論後，執行委員會決定強烈讉責4人在立法會選舉期間，不但沒有協助范國威助選，「更在沒有知會或提出向組織申請豁免的情況下，私自為黨外人士助選，損害范國威團隊的勝算」，又斥此舉「嚴重破壞黨內團結，打擊范國威團隊的士氣，置整個組織發展利益於不顧。」出席委員一致通過即時革除四人會籍。
聲明表示，希望公開澄清選舉期間的流言，包括新同盟沒有與鄭家富就分區拉票問題作出協調，而陳兆陽身為執行委員，也並未曾要求執委會討論有關問題，另新同盟並非由鄭家富創立，鄭家富亦未曾加入新同盟。

http://news.mingpao.com/ins/instantnews/web_tc/article/20160906/s00001/1473156382248

羅力亞:為「熱普城」贏得一席　鄭松泰：第一件事要打倒肥佬黎
立法會地區直選在點算超過九成票後，「熱血公民」成員鄭松泰料可獲一席。然而「熱普城」整體選舉失利，參選港島的鄭錦滿名單、九龍東的黃洋達名單、九龍西的黃毓民名單，與及新界東的陳云根名單，皆料落敗。鄭松泰指，熱血公 .. (2016-09-06 21:57) 

所以點會投熱, 咁辛苦先當選, 689唔打, 建制唔打, 西環唔打.......要打毒果.....

只有私怨大過天......

【小鳯姐】近百市民賀王國興落選　攜午餐肉「拜祭」　全場大合唱喜氣洋洋



工聯會王國興在超區選舉中落敗，有網民發起了「全港各界熱烈慶祝王國興落選午餐肉會」行動。入夜後，近百名市民今晚來到王國興位於柴灣小西灣邨的區議員辦事處外，慶祝王國興落選。有人帶備了溪錢及午餐肉「拜祭」王國興，並且全場大合唱徐小鳳首本名曲《喜氣洋洋》，並即場開香檳慶祝。

今次行動是由facebook專頁「全港各界熱烈慶祝王國興落選委員會」發起，活動呼籲網民到小西灣的王國興辦事處外，「恭喜王國興可以專心做區議員」。至晚上七時許，已有近百名市民在現場聚集。

有人在地上放了王國興的黑白照，並在照片旁撒溪錢及「上香」，三鞠躬「拜祭」王國興。有參加者則在地上放了午餐肉及豆豉鯪魚，揶揄他以16萬罐午餐肉類比拉布損失。有人在場呼籲市民讓出通道，好讓王國興「一路好走」。

另有參加者在場播放《喜氣洋洋》並作全場大合場，有人不斷高呼「日以繼夜、夜以繼日」等王國興「金句」，並開香檳慶祝他落敗，有市民則在現場大派花生。

今屆立法會選舉中，王國興在超區中僅獲23萬票，以一萬票之差敗於民主黨涂謹申。



https://thestandnews.com/politics/%E5%B0%8F%E9%B3%AF%E5%A7%90-%E8%BF%91%E7%99%BE%E5%B8%82%E6%B0%91%E8%B3%80%E7%8E%8B%E5%9C%8B%E8%88%88%E8%90%BD%E9%81%B8-%E6%94%9C%E5%8D%88%E9%A4%90%E8%82%89-%E6%8B%9C%E7%A5%AD-%E5%85%A8%E5%A0%B4%E5%A4%A7%E5%90%88%E5%94%B1%E5%96%9C%E6%B0%A3%E6%B4%8B%E6%B4%8B/

頭post已經全部update完畢，感謝各位大大一路支持

icemanbergkamp:所以點會投熱, 咁辛苦先當選, 689唔打, 建制唔打, 西環唔打.......要打毒果.....
只有私怨大過天...... (2016-09-06 22:06) 

投票日有d熱狗仲叫人投鼎都唔好益泛民
心諗，你同全世界為敵，有咩可能唔輸
好心自己檢討下la
所以高登理性討論post我覺得好中

火鳳凰:我以前鍾意睇明報，但係明報已經變左質……
我又鍾意睇信報，但係信報又已經變左質……
我一向唔鍾意睇蘋果，但係得佢未變質，無奈而家只有睇佢……
....... (2016-09-06 22:48)

屋企睇左信報+蘋果都有10幾年lu

火鳳凰:我應該係9x年開始睇信報，日日追曹仁照(RIP)、林行止，到而家都仲有俾錢睇緊個網上版……
不過下次到期就考慮緊仲續唔續，連練乙錚都斬埋，愈來愈收緊言論自我審查…… [表情] (2016-09-06 23:00) 

應該講，細個已經知屋企買開蘋果
上中學之後阿爸就叫我試下睇信報
話信報高質睇左會學到好多野

最後悔應該都算中學時期有訂星島。。。
不過個時未變成咁

火鳳凰:投票非建制既選民九成九想既第一件事係打倒梁振英，甚至投票建制既都有部份係想打倒梁振英，佢竟然第一件事係要打倒肥佬黎…… [表情]
我自己好多時都好唔鍾意肥佬黎既報導手法，唔鍾意佢偏袒泛民，但係我只係想問一句，打倒肥佬黎打倒毒果，最開心既會係咩野人？
....... (2016-09-06 22:37) 

咦
我諗返轉頭
我真係完全無諗過今次選舉就係為左打倒梁振英
咁睇來我唔係非建制既選民

Numberson:咦
我諗返轉頭
我真係完全無諗過今次選舉就係為左打倒梁振英
咁睇來我唔係非建制既選民[表情] (2016-09-07 02:02) 

其實我都係,我最希望係更加多既新人入去取代舊泛民改變下個議會

所以無論投朱凱迪定係松泰其實我都唔反對

理大應用社會科學系助理教授鍾劍華認為，梁振英昨日的回應「好低莊、近乎無賴」，認為其玩弄語言偽術的程度，已達「離譜」程度。

【A1頭條】689票當選 VS 129萬票反梁 CY冷笑：明顯反對我連任冇當選
http://bit.ly/2c4eWYk

楊岳橋 X 陳玉娥《勾手指尾》短版MV
【娥頸橋之戀】

https://youtu.be/u6s0xboQtmM

火鳳凰:咁真係對唔住，我搞錯左…… [表情]
咁你地繼續去打倒肥佬黎啦，我收聲啦…… [表情]
....... (2016-09-07 02:38) 

首先我覺得立法會選舉係未有得普選特首之前
係香港4年一次「唯一」既大事
我要好認真咁去投呢一票
諗下呢4年入面有無候選人值得我投佢一票

我會睇左入過議會既舊人先
因為佢地有4年既議會表現
所有議案都記錄曬佢地係投贊成反對定係棄權票
好清楚就睇得到
係呃唔到人的
當然係唔係臨時轉軑就要靠自己記憶啦

如果無心水
我就會將舊人同未入過議會既新人一齊睇
睇佢地議會外既表現
呢個就要花心機回憶啦
因為無白紙黑紙記錄始終會有資訊錯誤既風險

咁基本上香港年年都咁多大事
加上本身有留意時事既
4年入面實有一二三個心水選到出黎
如果到最後都仲係有多於一個心水
先至睇下邊個機會大而投票

就係咁簡單

火鳳凰:其實我之前既評論只係想針對「第一件事要打倒肥佬黎」黎評論，講話九成九人第一件事要打倒梁振英只係一個例子，亦係一種誇張手法，只係想講大部份選民想議員做既第一件事並唔係打倒肥佬黎 (其實諗深一層呢度我都係錯)。點解第一件事會用梁振英黎做例子呢？只係因為立法會選舉之後 .. (2016-09-07 03:48) 

其實可以好似我咁
或者可能我已經聽到厭
呢D「打倒XXX」口號式既抗爭
我真係會自動無視左

熱狗打倒泛民/毒果
支聯會平反六四
XXX打倒共產黨/打倒地產霸權
維國阿伯打倒犯民
我相信大家一生都聽過幾千幾萬次
但係有邊個真係會做到
未又係得把口

我心諗
你既口號話係對抗一個組織既話
都可以賴係以卵擊石
但係你既目標係打倒一個人既話
如果有心做
而又肯付出代價既話
其實點會打倒唔到
講左幾千幾萬次又打倒唔到一個人既
未即係得過講

好老實講我頭先真係無視左「第一件事要打倒肥佬黎」呢個言論
就算我而家睇返
都唔覺得佢真係會咁做
反而我覺得呢種近一兩年已經標籤左係左膠身上既口號式抗爭
係熱狗身上聽返
忍唔住笑左