[攝影]相片分享 [復制鏈接]

引用第193樓freezefox於2009-03-14 11:07發表的“”:
唔係喎。我見D 雜誌，D 人寄相去參加比賽個D，評審會因為呢D 原因扣佢分架喎。應之為「剪栽不當」。睇書講構圖學，都係咁講架喎。

審美眼光會因時間而變o既...

如果唔係又點會分到咁多派別呢..
每一種派別所表達o既美都唔同....
有d人覺得...影building要夠震撼先靚...但係有d又覺得...要細緻...放大某一part o既自然態先靚...
哩d都係自己去搵個定位jei...
或者你可以話果幾張相你搵唔到共鳴...所以冇咁喜愛...
如果影果個人都覺得哩幾張相表達唔到自己想影o既野...咁先可以批判張相 / 作品為之失敗...

哩個係我對於創作o既見解啦...
或者講衰d...係一意孤行...乜都以自己為先...

再補充...創作就係要批判啦...所以發表意見對於創作者係一個好o既行動...
越大批判性o既作品...越有佢o既價值啦...

引用第195樓雪綸於2009-03-14 11:33發表的“”:
審美眼光會因時間而變o既... [表情] [表情]
如果唔係又點會分到咁多派別呢..
.......

你講既係表達手法。等如畫畫有人鐘意畫寫實畫，有人鐘意畫抽象畫。你無得話寫實話比抽象畫靚。因為觀點唔同。

我講既係攝影既基本技術喎。無理由一張相影出黎OUT FOCUS ，你都可以用「人人審美眼光唔同」黎話張相無問題架。


當然，真係有D 相全張OUT FOUCS 但意境仲好添。係專登咁做既。但係，呢D 係咪初學者應該做既野呢？



你地明明叫人去上堂，去睇多D 書，去學攝影。將自己既攝影技術提升。但轉個頭又話比人聽呢D 野其實唔重要，無絕對。唔需要跟。咁係咪有D 自相矛盾？我都唔知我宜家係咁刨書睇番黎既野仲有咩用囉。

我相信樓主同我都係「初學者」階段。應該更加蹅實地係基本功上便尋求進步。我地又唔係大師級，邊有可能咁快就講個人風格、意識形態架………

引用第195樓雪綸於2009-03-14 11:33發表的“”:
審美眼光會因時間而變o既... [表情] [表情]
如果影果個人都覺得哩幾張相表達唔到自己想影o既野...咁先可以批判張相 / 作品為之失敗...
哩個係我對於創作o既見解啦...
或者講衰d...係一意孤行...乜都以自己為先...
.......

呀，你加左呢幾句………我就更加唔認同………



創作，點可以只求自己歡愛，而不理受眾感受？創作係創作比人地睇，唔係比自己睇架喎。淨係自己識欣賞，唔理人地既感受既，無論係文學、繪畫、雕刻，都唔可以稱為成功既作品。孤芳自賞，有咩意義？

試諗下「如果影果個人都覺得哩幾張相表達唔到自己想影o既野...咁先可以批判張相 / 作品為之失敗...」若然呢句說話成立，咁豈不是全世界只有自己可以評論自己既作品，外人一概唔可以評論？只要自己覺得表達到，就算全世界唔明唔認同，都唔可以稱之為失敗？

咁同你後面跟手講，多D 批評多D 討論係好事，咪完全相反，完全矛盾？

咁究竟你認同前者定後者架？

引用第196樓freezefox於2009-03-14 11:47發表的“”:
你講既係表達手法。等如畫畫有人鐘意畫寫實畫，有人鐘意畫抽象畫。你無得話寫實話比抽象畫靚。因為觀點唔同。
.......

所以重點係....影果個人佢心想影o既野係唔係真係表出左係作品之上...
假如係o既話...咁樣佢可以係哩個方法上加以練習....就可以...
拍攝手法...都係表達方法之一jei....

基礎上o既野...係要知o既...但係唔係一定要跟住條線黎行...
總有時候要出軌一下....

我自己對於攝影o既野都係薄弱....都同你地一樣係初學...
我會去繼續認識哩門o既藝術...理論..係應該要去識...不過...大家都係為興趣...既然係咁...忠於自己...
先會令自己對哩門學藝先更有興趣....

如有冒犯...多多包涵
或者大家站於唔同o既角度去睇攝影哩回事...

引用第198樓雪綸於2009-03-14 11:56發表的“”:
所以重點係....影果個人佢心想影o既野係唔係真係表出左係作品之上...
假如係o既話...咁樣佢可以係哩個方法上加以練習....就可以...
拍攝手法...都係表達方法之一jei....
.......

無咩冒唔冒犯，大家都係講自己睇法。唔通唔比人講野咩。論壇就當然係要討論架啦。


或者你唔好一直係general 既層面講，你再具體d。就住呢幾幅相講。你講黎講去都係太「外層」既，既然我係評論既呢幾張相。你何不亦就住我既評論，評論番呢幾張相？


你覺得呢幾張相既構圖點？你攞唔攞到張相想表達既重點係咩？你認為樓主想強調既係花本身，花芯，定係水珠？定係你get 到其他更深層既意境傳送？

引用第197樓freezefox於2009-03-14 11:55發表的“”:
呀，你加左呢幾句………我就更加唔認同………
.......

我o既意思係...
將一件作品去放出黎俾外界睇....先要過到自己果一關吧...
當自己見到作品...都並唔係得到自己認同...又點解要放出黎呢??
當自己批判完自己哩一件作品...自己認同喇...放出黎俾人批判...
咁哩個"俾人批判"係一件好事....致於接唔接受人批判係創作者o既問題...
(其實我都冇話你批判佢係錯...只係想講...一d死o既規限...未必張張相都要跟住jei..)
全世界唔認同...佢得到o既係回嚮...正因為藝術係主觀...
異類者係現實世界中...的確好易俾人排斥...但係當佢搵到同音...
佢地哩一堆人自然為一派.....哩一派點樣繼續去改變人o既睇法...就睇自己個做法...
就好似同性戀咁...以前係一定唔容許...而加都開始接受啦...
所以...一本天書...未必睇到老o既...

而創作當分兩邊...藝術同設計....藝術果邊的確唔需要理人感受......因為係感性大於理性...
只屬表達自己情感...開心 / 不忿 / 世界醜 / 世界美..
而反則...設計係需要理人感受...係理性...唔係感情...因為設計係用於人生活之上...
所以斷斷不能只將自己情感去放於別人生活之上....

引用第199樓freezefox於2009-03-14 12:01發表的“”:
無咩冒唔冒犯，大家都係講自己睇法。唔通唔比人講野咩。論壇就當然係要討論架啦。
.......

有4幅相...而第3幅我覺得都幾好.....
第1.2..4..我自己黎講唔太鍾意....
以我自己黎睇...第3幅鍾意在於朵花o既形態....
2同4我諗係樓主覺得第1張唔好..搵多張補飛 - -
不過唔鍾意..就係因為拎唔到共鳴...如果係想講花開得好燦爛...又好似未夠...
話佢孤單....又唔夠 = = 係中間位...唔拖唔水...唔夠一刀切~
第1幅...視覺上就係唔夠絕啦.....仲係爭咁d...
我個人喜好黎講..真係較鍾意第3幅
(同埋我不嬲講相...只會講自己感覺...好少覺攝影技術...
如果憑攝影技術黎評論的話...好唔好意思地....我未夠班 )

打得太多字...有d頭暈

引用第200樓雪綸於2009-03-14 12:08發表的“”:
我o既意思係...
將一件作品去放出黎俾外界睇....先要過到自己果一關吧...
當自己見到作品...都並唔係得到自己認同...又點解要放出黎呢??
.......

無錯啦。所以作品一定要有自己！因為作品係表達自己既媒介！無自己，即係無靈魂！呢D 作品係死既。技巧再高都無意義。同你係街邊見到抄人油畫個D 畫一樣。好靚！好靚！但無生命既。抄既！技巧再高又如何？


但當一個藝術創作人鑽入牛角尖，只為滿足自己，完全唔理受眾！呢D 作品同樣係無生命既。得唔到共鳴既作品，點算係創作？如果係文學創作，我地會稱呢類作品為自慰文學！寫出黎淨係要黎滿足自己，旁人完全唔感受到作品究竟想表達D 咩。同自慰無分別。你從事設計，一定見到唔少呢類死硬派。以為咁就係藝術，咁先係最高境界。成日怨係呢個世界唔明白佢，查實根本係自己有問題。


再少人識欣賞都係叫有人欣賞！再少眾既流派，都有個「眾」字！即係，係有一班人有共鳴既。任何藝術創作，都離唔開靈感既充斥，意念既表達。同樣地，亦離唔開技巧既訓練。一個完全無學過畫畫既人，求其用支筆係張紙到了兩了，然後話比你聽呢D 係藝術，你睇唔明係你唔識貨，佢就覺得佢既作品比畢加索仲高！你BUY唔BUY哎？

引用第202樓freezefox於2009-03-14 12:21發表的“”:
無錯啦。所以作品一定要有自己！因為作品係表達自己既媒介！無自己，即係無靈魂！呢D 作品係死既。技巧再高都無意義。同你係街邊見到抄人油畫個D 畫一樣。好靚！好靚！但無生命既。抄既！技巧再高又如何？
.......

第一段buy呀..

之後兩段要等我慢慢吸收下先..
不過睇完一次..
個腦就浮左問號..
點解artist出左名...畫一點都會特別馨香
點解平凡o既人畫一點就一定等如地底泥

我個腦打緊仗...

引用第201樓雪綸於2009-03-14 12:18發表的“”:
有4幅相...而第3幅我覺得都幾好.....
第1.2..4..我自己黎講唔太鍾意....
以我自己黎睇...第3幅鍾意在於朵花o既形態....
.......

講感覺唔係唔好。但好多時就會流於空泛，說出其然而說不出其所以然。其實點解你會有呢種感覺？就係因為張相無滿足到某D 特定既條件。張相滿足到某D 特定條件，就會比到你呢種感覺。構圖學就係經過前人多番研究而得出黎既學問。佢可以話比你聽，主體放係某個位，就可以比到人某種感覺。你唔知構圖既原理，所以咪會得到呢種感覺，但又唔明點解你會有呢種感覺囉。


舉例我睇書話，係相入便出現一條路既終結，而呢個終結係向左既時候，係相片心理學（原來有呢樣野我都唔知）黎講，就會帶出不穩定，想外出既感覺。但當條路既終結係向右既時候，就會帶出穩定，想歸家既感覺。真係唔講唔知。我自己睇相我都唔係好強烈地FEEL到呢樣野。但當我知道呢個技巧時，下次構圖，係咪又多樣可以參考（係參考，絕對唔係死跟）既方法呢？


表達，係需要工具！工欲善其善，必需利其器！等如，我同你都識打字，都識講野，都係表達既一種。點解有D人講野，一講人地就明，有D人講極人地都一頭霧水？就係因為表達技巧既差異囉。我地總不能因為忠於自己而否定表達技巧既重要性架。

引用第204樓freezefox於2009-03-14 12:32發表的“”:
講感覺唔係唔好。但好多時就會流於空泛，說出其然而說不出其所以然。其實點解你會有呢種感覺？就係因為張相無滿足到某D 特定既條件。張相滿足到某D 特定條件，就會比到你呢種感覺。構圖學就係經過前人多番研究而得出黎既學問。佢可以話比你聽，主體放係某個位，就可以比到人某種感覺。你唔知構圖既原理，所以咪會得到呢種感覺，但又唔明點解你會有呢種感覺囉。
.......

或者係啦...
有時我都問..點解橙一定叫橙...唔可以叫蘋果...
但係假若我教下一代...將橙再定義為蘋果o既時候....
咁...到某一個將來...或者可能真係橙唔再係橙...而係蘋果...

唔係講笑...我個頭好熱
真係要抖一下

再舉多個例：


係「今天天氣很好」個個TOPIC 到：

http://bbs.hkbff.net/read.php?tid=69350


11樓個張相。我影個時候就係記得求先講向左向右既講法。咁我諗，我宜家想表達既，梗係出發啦，無理由番歸架。所以咪將條路既終結放係左邊囉。出黎既效果又真係好似幾好咁喎。咁上面個張無人，我想將「人」呢個元素放係相到。但周圍真係鬼影都無隻喎。咁我又諗起書有教可以用鏡反射人。咁我咪又試下呢張用車既倒後鏡將人既元素加入相到。既無破壞張相既風景既完整性，又可以將「人」要「出發」既訊息放大。我覺得構圖既原理真係幫左我好多喎。

宜家個問題正正係，我好多野想表達，就係唔知點樣去表達。攝影技巧就係教我用咩方法可以表達得更好嘛。



當然，眼高手低，我仲有排學有排摸。出黎既效果同人地無得比。但我卻一直會朝呢個方向進發，努力改善自己既攝影技術。

引用第203樓雪綸於2009-03-14 12:27發表的“”:
第一段buy呀..
之後兩段要等我慢慢吸收下先..
.......

呢個又係另一個問題啦。


畢加索好似都係「了」左之後先賣到錢架。

引用第205樓雪綸於2009-03-14 12:36發表的“”:
或者係啦...
有時我都問..點解橙一定叫橙...唔可以叫蘋果...
但係假若我教下一代...將橙再定義為蘋果o既時候....
.......

其實我地會唔會愈講愈遠呢？


我只係想講點樣係基本功上扎根。但你則強調「何謂藝術」。


斷估樓主都無諗過自己呢幾幅相係藝術作品掛。

無記錯，上年有一則新聞大概係咁。


有一個好出名既藝術家，有一次參展，人人都將自己既滿意作品送出參展。佢呢？佢送左個馬桶去……

結果？

人人大讚呢件「藝術品」點樣有深層既藝術意義！點樣破格！總之個馬桶就係最好既藝術作品。



咁你估，其實呢位藝術家想點呢？