我大學點解唔選修文學，而選修歷史。其中一個原因係。有一次我地上文學既導修堂，成班係到討論杜甫某一篇作品。然後大家逐句逐行講解，幾乎每一個字，係每一個字，都有本事解釋到係杜甫既愛國情懷既表現……
嘩！真係字字愛國………
我講左句……車，呢句解佢掛住自己屋企人之嘛。有幾特別者。嘩，然後個個群起而攻之。人地愛國大詩人黎架！又點會咁膚淺？D 詩點會無深一層既意境，你自己唔識解咋！總之，穿鑿附會，引經據典………係都要解到天馬行空。一篇幾十字既詩，註解都可以有幾萬字。
我心諗，杜甫唔係人？無七情六慾。係囉喎。佢寫詩個陣會諗到咁複雜囉喎。自次我對文學完全無哂興趣。走去讀歷史算數。
