亞視員工大會正於大埔總台舉行，德勤代表於會上表明，決定解散所有員工，再聘回一小部份保護公司資產。
「我哋見到間公司現金只得20萬，你唔好話出糧，就算我拖糧五、六個月，你都會嘈我哋啦。我覺得作為僱主，代表一個有責任僱主，我哋係應該通知番個財務情況，我哋諗法。依家我哋為保護公司資產，同埋債權人利益，我哋冇辦法，係決定解散員工。解散員工之後，我哋係會請番一部份員工我哋會請返返嚟去保護番資產，當我哋請返番嚟時候，都要計算係咪真係出到糧，因為我哋有責任確保要出到糧。
「依家坦白講，我哋得番20萬現金，可能一部份要賣咗一啲資產，先可以出埋糧，但係可以放心，第一，我哋唔會留好多員工，第二剩返員工係可以出到糧。」
另有德勤代表於會上表示，新聞部員工表明，如果未能發薪，明日亦會辭職。故德勤詳細考慮後，為保護公司資料及幫到員工，故才作此決定。「會計部有六個員工，賬目只做到2015年7月；人事部亦都冇乜人喺度，你哋欠薪一定清楚過我，欠薪欠咗兩個月，一月同二月，今日係二月最後一日。根本到今日為止，都冇跡象話有任何資金到位，可以維持到亞視正常運作，ok？而如果一月同二月糧都唔出……我亦都聽過唔同聲音，話『我會盡量去支持』，我了解新投資者心情，但問題係，係咪真係出到糧呢？」
到依家相差有半年時間冇update個賬目，人事部亦冇乜人，你哋欠薪係一月同二月，最重要一樣嘢係勞保今日到期，直至今日為止冇新資金到位可以維持公司正常運作.....」
下午四時，員工大會完結後，黎嘉恩坐車離開亞視。傳媒即追問是否解散所有員工？他點頭稱是。
另，德勤宣佈今晚7時，與德勤企業重組服務合夥人何國梁及葉華明舉行記招，報告亞視臨時清盤之最新現況。
http://hk.apple.nextmedia.com/enews/realtime/20160229/54812200
[ 此帖被羅力亞在2016-02-29 16:25重新編輯 ]
