[電影]《復仇者聯盟2：奧創紀元》 [復制鏈接]

麻凡:根據蝙蝠俠同超人都可以做對手既理論，只可以話.....唔一定要同level的，m......總之一定有佢既賣點的，有腦又有錢啦就夠打啦，咁有腦同有...身材都可以係牽制對手既殺著都得既~[表情] (2015-05-09 09:33)

羅力亞:
batman有的是錢+針對超人的裝備[表情]
其實超人都有弱點,最驚係氪氣石
夾硬要講唔夠打無辦法[表情]
可以睇下The Dark Night Returns 漫畫/動畫[表情]

DC漫畫、動畫係有Batman對Superman，依個理論唔係我發明旳
至於夠唔夠打我已經分析過
我唔知同你有咩誤會令到你quote我段野去放大當中不合理之處
事實上你眼中不合理的英雄漫畫越來越多被搬上大銀幕
並且大受歡迎

你可以繼續不屑地批評戲中的不合理之處
但希望你尊重那些辛苦創作、用了大量時間及精神製作漫畫及動畫的人
他們認真及堅持的作品成為了以往及現在很多人的精神食糧
世界上有好多事都不合理，童話故事、神話大多都不合理，但它們的存在是給予人們代入、創作一個想像空間去做一些他們現實做不到的事，背後原因只是為了大家開心，又何必一定要用現實的設定去推翻它？

批評係好容易，因為不用負責任
你又可以又話只係吹下水，係我敏感
我可能係認真左，但我不認為認真對待別人的作品是錯，還要是高質素的創作
不過點都好，我係唔重要的，我只是一個copy and paste資訊同link比大家討論的人
最重要係大家享受討論的過程
希望大家明白

羅力亞:DC漫畫、動畫係有Batman對Superman，依個理論唔係我發明旳[表情]
至於夠唔夠打我已經分析過
我唔知同你有咩誤會令到你quote我段野去放大當中不合理之處
....... (2015-05-09 11:05) 

漫畫中有不合理地方其實係好正常吧。因為佢唔係一開始就計劃好哂個故事或情節，好多時都係寫到個到諗到個到。至於美國漫畫呢方面就更加明顯吧。佢地原本都係唔同漫畫既主角，講緊唔同既故事，突然唔知幾時開始，玩CROSSOVER，然後發覺讀者好BUY呢樣野 喎，就愈玩愈多愈玩愈誇張，攪攪下變左個大聯盟出黎。但每個角色一開始並無呢個「聯盟」既出現，係角色設定上，根本係完全不能放係同一個層次去講的。鷹眼係人，雷神係神，點打者？無得打架。夾硬放埋一齊，自自然然破綻百出。但又要自圓其說，咪出現一個又一個犯駁既劇情囉。呢個好正常者。


奇怪係，如果我指出電影中某個犯駁既劇情，指出佢既唔合理之處。然後回應係，漫畫都係咁架！咁即係代表咩呢？咁唔代表電影中犯駁既劇情變得合理化左，只係代表，由漫畫開始，呢段劇情就係犯駁不合理的了。但因為已經有左漫畫，你只可以繼續不合理落去………就係咁簡單囉。

漫畫只係代表出處，但不能將不合理既野變成合理。佢只係話比你聽，呢樣不合理既情節，其實係源自漫畫。



咁無論係漫畫定係電影，不合理就係不合理，指出佢犯駁之處係幾乎係所有睇電影或睇漫畫既讀者或觀眾既必做既事。我又唔認為咁樣會唔尊重套電影或個部漫畫喎。

freezefox:漫畫中有不合理地方其實係好正常吧。因為佢唔係一開始就計劃好哂個故事或情節，好多時都係寫到個到諗到個到。至於美國漫畫呢方面就更加明顯吧。佢地原本都係唔同漫畫既主角，講緊唔同既故事，突然唔知幾時開始，玩CROSSOVER，然後發覺讀者好BUY呢樣野 喎，就愈玩愈多愈玩愈誇張， .. (2015-05-09 11:38)

漫畫有唔合理之處係好正常，因為講緊既係有超能力的人、變種人甚至係神

我明白大家甚至我自己都會講犯駁位，問題係宜家指出的不是劇情上的犯駁，係人物設定上
依個世界根本冇超人，超人只是創作出黎，去質疑超人的設定，同否定左成個故事冇分別，因為本身好多創作就是不合理、超現實的，
唔接受依個本質，基本上無論睇漫畫、動畫/戲都係冇意思，因為自己都唔理解創作背後的原因。
如果要每項細節依足現實、科學理論，這不叫創作，我亦相信美漫不會如此受歡迎，何況創作既人都做足資料搜集，盡量平衡現實和創作，希望減少不合理之處，認真及嚴謹地建構了一個龐大的世界觀，何不欣賞一下別人的努力？

其實狐兄都講出重點，本身漫畫已經係不同於現實的創作，你如何可以強求電影完全符合現實設定？

至於不尊重電影/漫畫，係我諗多左，我道歉。

唔係話美隊3有蜘蛛俠份咩?
點解圖無佢既?

三郎:唔係話美隊3有蜘蛛俠份咩?
點解圖無佢既? (2015-05-09 12:20)

可能要保密邊個做新豬豬俠

羅力亞:漫畫有唔合理之處係好正常，因為講緊既係有超能力的人、變種人甚至係神
我明白大家甚至我自己都會講犯駁位，問題係宜家指出的不是劇情上的犯駁，係人物設定上
依個世界根本冇超人，超人只是創作出黎，去質疑超人的設定，同否定左成個故事冇分別，因為本身好多創作就是不合理、 .. (2015-05-09 12:16) 

又唔駛講到道歉咁大陣仗………其實我只係想講，睇戲又好，睇漫畫又好，都係娛樂者……唔駛太認真既………

三郎:唔係話美隊3有蜘蛛俠份咩?
點解圖無佢既? (2015-05-09 12:20) 

原來講呢樣。

三郎:唔係話美隊3有蜘蛛俠份咩?
點解圖無佢既? (2015-05-09 12:20) 

近日又傳左幾個CAST出黎 仲未FIRM邊個做

另外QS係咪真係死左都冇人知
AV1果陣COULSON都死左之後又TAHITI PROJECT返生
今集當中有題過再生囊呢樣野 要整返QS出黎其實唔難
不過提及到版權問題 MARVEL宜家財大氣粗 又唔比人出公仔 自己CUT左某系列漫畫 又整死埋狼叔
整死佢怕佢紅左又比FOX拎彩都唔出奇

him:另外QS係咪真係死左都冇人知
AV1果陣COULSON都死左之後又TAHITI PROJECT返生
今集當中有題過再生囊呢樣野 要整返QS出黎其實唔難[表情] [表情]
不過提及到版權問題 MARVEL宜家財大氣粗 又唔比人出公仔 自己CUT左某系列漫畫 又整死埋狼叔
整死佢怕佢紅左又比FOX拎彩都唔出奇 (2015-05-09 16:22) 

邊個狼叔？

freezefox:邊個狼叔？ (2015-05-09 18:42) 

Wolverine

羅力亞:Wolverine[表情] (2015-05-09 18:48) 

邊有死到呀？

疑？原來漫畫準備「整死」佢呀？

freezefox:邊有死到呀？ (2015-05-09 19:08)

漫畫好似有

btw

HUGH JACKMAN CONFIRMS THAT WOLVERINE 3 IS HIS FINAL TIME PLAYING THE X-MAN

http://www.ign.com/articles/2015/05/08/hugh-jackman-confirms-that-wolverine-3-is-his-final-time-playing-the-x-man

無所謂啦，反正超人都死過幾次。