引用第600樓英俊於2012-03-27 10:11發表的“”:
景點果度有無得參考下？
咁當然可以啦。例如第二日，我打算由東京橫濱出發，終點係伊豆既下田。我會係沿途搵景點。第一站係離橫45分鐘車程既鐮倉，但我只會去一個地方，就係鶴崗八神宮。然後就離開，開車去一個小時車程既小田原，睇佢既小田原城址。再開個半鐘車去伊豆半島既伊東巿。係個到食埋午餐。再去伊豆高原，睇一碧湖、小室山、大室山、城崎海岸（但其實係無時間行哂的，到時再揀留邊到多D，放棄邊到唔去），再開一個鐘車去南伊豆下田食伊勢龍蝦。然後就係下田既溫泉酒店過夜。
第二朝由下田出開番番去中伊豆。係個到玩半日再去箱根。係箱根過夜方便第二日去富士五湖。
開車你可以咁PLAN，但搭JR 你就無可能咁去的了。你可能要選擇：
1. 近少少，主力去鎌倉。咁你要係鎌兼搵多幾個景點。例如睇埋鎌倉大佛、長谷寺、去搭江之電，遊湘南海岸線，過埋江之島。呢到最少用你一日行程。咁你就要返東京了。因為我估計你買PACKAGE 既話，四晚酒店都會SET 死哂係東京。你要每日往返東京的。除非你分開訂酒店。咁就可以玩到邊訓到邊。不過，你又會遇到行李既運送問題。
2. 鐘意郊區遊既。直踩箱根。係箱根玩番兩日一夜，先再返東京。
3. JOIN 日本既LOCAL TOUR。係新宿或上野出發。佢會包車包食包行程包導遊（仲要係講中文既添）帶你去一D 你自己一個人好難去既景點。好處係極方便唔駛煩。唔好處係坐車都坐到你PATPAT 痛，但落車遊覽既時間卻仲要比坐車既時間少。
[ 本文被freezefox在2012-03-27 10:37重新編輯 ]
