大黃伯荃灣跪求選民投票 反被途人指駡收錢博同情
在雨傘運動中廣為人熟悉的93歲大黃伯，昨天在粉嶺地鐵站外向市民下跪，懇求香港人一定要投票。他今早7點半開始從石峽尾跪求選民，下午2點多來到屬新界西選區的荃灣，在地鐵站天橋撐著柺杖下跪，懇求香港選民齊心，以選票對抗建制派。黃伯於3點45分離開荃灣，前往銅鑼灣繼續跪求選民。
大黃伯下跪時對市民稱，「我地咁多選民比建制派打殘，我好唔甘心呀」，又指「建制派種票、配票，到處去搞破壞」，但慨歎很多市民仍未醒覺。現場不少途人表示支持黃伯，又送上水及麵包。90後林小姐見到黃伯下跪，因擔心黃伯身體健康而激動流淚，「一個90幾歲係到跪緊我地，其實佢係為左我地未來而跪。」
下午2時45分左右，有一紅衣男子突然對大黃伯破口大駡，指駡他當眾下跪「一定係收咗錢」，大聲鬧「支咩持泛民呀」、「我叫佢唔好跪，支咩持泛民姐？做啲動作博同情？」。他質疑黃伯下跪的動機，「如果唔係收錢，點解會跪喺度支持泛民呀？」，又大聲問黃伯「淋油火燒自己得唔得呀」？
有圍觀的市民看不過眼，紛紛為大黃伯辯護，反問紅衣男子對黃伯的收錢的指控有沒有證據。黃伯以微弱的聲線澄清，「我唔係跪你，我係向全香港市民下跪，請你走！」黃伯指，自己的良心叫他下跪，「佢收慣錢啊嘛，咪以為人收錢囉。我係想黎跪醒香港人，如果唔醒香港今晚就沉，因為張曉明同梁振英都明言要趕泛民出議會。」
林生與太太及女兒路經荃灣天橋，對於男子指控黃伯收錢，林生認為他太主觀，「紅色先生一口咬定伯伯收左錢，但佢又冇證據，都係佢一個人立場去諗，唔好一定覺得人地做咗啲野背後一定有目的。」林太見到黃伯下跪更激動落淚，「我係年輕果代，我都冇呢種勇氣，或者係呢種力量去支持我自已所相信既政治立場」。
