來季(2013-14)遊戲區遊戲討論&新遊戲意見收集區 [復制鏈接]

rafar個game幾吸引..但有2點意見。
1.報名費貴左小小...
2.如果怕比賽會因為淘汰關係而變得不斷小人...我認為可以有個類似敗者返生or比輸左好友有個競猜勝方..決賽組合既送錢game...

其實我覺得一D有策略性既game會更吸引度人玩...好友聯賽根本你汁完隊放係度咩都唔洗理...唔會有例如咩出王牌呀...選隊長...win左有錢收...好難令人keep住個個星期用心玩...
簡單講..多花神既game先會吸引到人長時間咁keep住玩...
如果話係世界杯同好友聯賽中只可以留一個...我相信大部分人都會要前者。

魚蛋:我前面都提過只開一個聯賽
主要就係有鑑於宜家五個聯賽少人理希望用稀少性來刺激一下好友聯賽既吸引力
同時每隊至少兩人出賽令到受影響既五大聯賽人數減少同埋令以往單人戰模式加入新鮮感
每隊每週出兩個人
而計分可以係用返以往的10分為1球既方法 唔同既只係分數係同隊兩個人既總 .. (2013-06-17 17:15) 

你呢個建議同光仔個個以組別參賽既提議好似。

wongfanshing:小弟同G版討論過, 下季世界盃會同佢合作舉辦[表情]
以下係下季既草圖, 希望各位好友比下意見..
Week 2-13: 分組賽 - 照舊48人分6組進行
....... (2013-06-17 18:01) 

太好了！咁快有義勇軍出黎支持遊戲版了！

wongfanshing:小弟同G版討論過, 下季世界盃會同佢合作舉辦[表情]
以下係下季既草圖, 希望各位好友比下意見..
Week 2-13: 分組賽 - 照舊48人分6組進行
....... (2013-06-17 18:01) 

會唔會考慮將成個遊戲既時間濃縮到一半？

正如我所講，淘汰賽最大問題係去到最尾得番好少人參予個遊戲，如果呢段時間仲要拖得太長，咁就會出現「冷場」過多。你個草案到，成個遊戲就有差唔多一半既時間其實係得番幾隊波係到玩緊，將呢段時間濃縮，會有更緊湊刺激既效果。正如真正既世界杯，決賽周都係一個月內攪掂。

因為拖得耐左，就無話題性，吸引力會大減了。

怒射角球旗:rafar個game幾吸引..但有2點意見。
1.報名費貴左小小...
2.如果怕比賽會因為淘汰關係而變得不斷小人...我認為可以有個類似敗者返生or比輸左好友有個競猜勝方..決賽組合既送錢game...
其實我覺得一D有策略性既game會更吸引度人玩...好友聯賽根本你汁完隊放係度咩都唔洗理...唔會有 .. (2013-06-17 18:07) 

其實覺唔覺得醫生呢個新遊戲同現存既好友聯賽或世界杯太相似呢？我講性質上。會唔會考慮加入更加多新元素或唔同既玩法呢？

freezefox:你呢個建議同光仔個個以組別參賽既提議好似。 (2013-06-17 18:14) 

你對光醫生既回覆係話太複雜
所以我就提個簡化版希望可行D

魚蛋:你對光醫生既回覆係話太複雜
所以我就提個簡化版希望可行D (2013-06-17 18:33) 

其實應該咁講，我覺得小組玩聯賽呢個構思有得諗的！


不過，似乎唔係太適合用係傳統既好友聯賽身上。

其實可以考慮係佢地個個新遊戲到引入呢個玩法，令個遊戲更賦戰略性，就好似你提議既，三人一個小組，一個代表進攻分，一個分代防守分（一個後備，輪換）。咁個一周出邊個都已經有排討論了。可以大大刺激個投入度。適合用係新遊戲到。

freezefox:
會唔會考慮將成個遊戲既時間濃縮到一半？
正如我所講，淘汰賽最大問題係去到最尾得番好少人參予個遊戲，如果呢段時間仲要拖得太長，咁就會出現「冷場」過多。你個草案到，成個遊戲就有差唔多一半既時間其實係得番幾隊波係到玩緊，將呢段時間濃縮，會有更緊湊刺激既效果。正如真正既世界杯，決賽周都係一個月內攪掂。
.......

都可以啊..
其實d淘汰賽未必真係連玩3週咁長,
縮短至2週已經好好..已經可以比game 1輪左果隊有機會追到分..
決賽甚至可以一場過, 增加刺激性..
如果cut左既話:

Week 2-13: 分組賽 - 照舊48人分6組進行
小組頭2名出戰第1圈淘汰賽, 第3,4名打附加賽. (48人 -> 24人)
Week 14-15: 附加賽 - 12隊爭6個第2圈名額 (24人 -> 18人)
Week 16-17: 第1圈淘汰賽 - 18隊爭9個16強席位 (18人 -> 9人)
Week 18-19: 負方復活戰 - 之前附加賽+第1圈淘汰賽輸左既15支球隊, 玩2週淨鬥高分, 最高分7隊拎埋剩低7個16強席位 (9人 -> 16人)
Week 20-21: 16強
Week 22-23: 8強
Week 24-25: 4強
Week 26: 決賽

wongfanshing:都可以啊..
其實d淘汰賽未必真係連玩3週咁長,
縮短至2週已經好好..已經可以比game 1輪左果隊有機會追到分..
決賽甚至可以一場過, 增加刺激性..
....... (2013-06-17 18:41) 

我覺得由16強開始就可以全面進行一場過既淘汰賽，咁就可以大大增強估刺激性！世界杯本來都係咁架。

同埋，16強到決賽爭冠軍，全部四周內攪掂（假設周周有賽事），話題性同吸引力可以保持到（當然加多少少宣傳更好）。D 人出左局既都仲會八卦下邊個最尾出線八強，邊個入到四強，邊個係冠軍。一耐左就無人理的了。

另外，Week 14-15: 附加賽 - 12隊爭6個第2圈名額 (24人 -> 18人) 同埋Week 18-19: 負方復活戰 - 之前附加賽+第1圈淘汰賽輸左既15支球隊。

附加賽同復活戰都係打一場好了。一場決生死。因為附加賽係要停左個淘汰 賽黎等佢出結果的。停一周抖抖無所謂，停兩周就略嫌太耐了。

freezefox:其實覺唔覺得醫生呢個新遊戲同現存既好友聯賽或世界杯太相似呢？我講性質上。會唔會考慮加入更加多新元素或唔同既玩法呢？ (2013-06-17 18:23) 

性質上的確好相似...但呢種game先吸引到人...
我覺得呢個game同世界杯可以變相係比2種會員玩...
1.現有會員..有返咁上下身家先玩到rafar個game..咁參加得既會員相對都唔會係d玩玩下就潛水既人士(大部份)...
2.世界杯...容易吸引新會員...易上手...唔洗錢...玩唔到rafar個game既都可以玩呢個.....就算有人玩玩下潛水問題都唔會太大....

當然...我既意思唔係話想分開2班會員..or會員只可以玩其中一個game...我覺得多一個類似既game其實係比會員多左一個choice...可以包含更多會員..有d會員可能唔想花太多時間玩game(世界杯)...咁以上2個game可以比會員有個選擇...

但好可能出現既係...rafar個game有好多比較資深既會員自己同自己友玩...而世界杯就變左做潛水新人集中地...
我認為可以再係遊戲玩法上諗諗睇下點解決

freezefox:其實應該咁講，我覺得小組玩聯賽呢個構思有得諗的！
不過，似乎唔係太適合用係傳統既好友聯賽身上。
....... (2013-06-17 18:36) 

其實會唔會將傳統既好友聯賽取消，整個新得黎又有創意既聯賽~

因為而家聯賽工作量太大, 要好玩又長久就真係要整好多野先得~~所以與其就精簡，倒不如破舊立新，整番個全新既聯賽體系出黎。

簡簡單單一個有升降班既聯賽，每周指定一兩場可以俾人買波，估比數。就算唔係果個級數既聯賽，都會去睇下，或者去討論一下，做個氣氛出黎。

隊制係可以增強個討論，同埋增強大家既凝聚力，好友唔單單要多post就算，而係做到一個好強既凝聚咁先可以長線發展。好似一個家咁~

喺好友遊戲區搞左幾年 game，分享少少經驗、結論同個人感受。

今次主要係分析番以下幾個我搞既 game：

1. 旗艦挑戰盃™ http://bbs.hkbff.net/read.php?tid=91298&fpage=3

2. 好友擂台™第一季 http://bbs.hkbff.net/read.php?tid=100905&fpage=2

3. 好友擂台™第二季 http://bbs.hkbff.net/read.php?tid=108544



1. 旗艦挑戰盃™
　- 玩法：以【旗艦】成員為骨幹，與資格賽出線 15 名好友進行 1 VS 1 淘汰賽。
　- 報名費：一次過支付 2000 好友元。
　- 參與總人數：旗艦 17 人 + 挑戰者 15 人 + 資格賽 27 人 = 59 人
　- 流程：11 週
　- 優點：全程以淘汰方式進行，所以討論頻率高。
　- 缺點：限制參加人數。
　- 短評：因為淘汰賽 + 有少少擺擂台形式，形成參加者頗投入討論、吹水。



2. 好友擂台™第一季
　- 玩法：開放全壇會員參加，以 100 人為上限，每週鬥高分，最高分者為台主，到下週接受全體參加者挑戰，到季尾贏最多次數可得大獎。
　- 報名費：每週 1000 好友元，每週全數 + Jackpot 派發勝出好友需入組，除台主外每週亦需要再報名 + 入組。
　- 參與總人數：
Week 02：47 人
Week 03：41 人
Week 04：30 人
Week 05：26 人
Week 06：27 人
Week 07：24 人
Week 08：24 人
Week 09：23 人
Week 10：21 人
Week 11：23 人
Week 12：22 人
Week 13：22 人
Week 14：25 人
Week 15：24 人
Week 16：23 人
Week 17：22 人
Week 18：22 人
Week 19：19 人
Week 21：23 人
Week 22：20 人
Week 23：20 人
Week 24：20 人
Week 25：23 人
Week 26：22 人
Week 27：25 人
Week 28：21 人
Week 29：21 人
Week 30：22 人
Week 31：24 人
Week 32：26 人
Week 33：24 人
Week 34：20 人
Week 35：24 人
Week 36：31 人
Week 37：28 人
　- 流程：36 週
　- 優點：因為每週報名關係，免除「棄隊」參加者，亦令參加者有彈性選擇參加週數。
　- 缺點：有部份參加者忘記報名，亦有參加者球隊因為參與太多小組而選擇唔加入擂台小組。
　- 短評：因為屬全季長程賽，由最初 40 幾人，到最後平均保持大約 23 人經常性參與，
　  途中加入 BINGO http://bbs.hkbff.net/read.php?tid=102011&fpage=2 遊戲鞏固人數。



3. 好友擂台™第二季
　- 玩法：開放全壇會員參加，無人數上限，每週鬥高分，最高分者為台主，可以晉級分組賽，繼而晉級淘汰賽之混合形式。
　- 報名費：一次過支付 3000 好友元。
　- 參與總人數：由季初廿多人到最後 60 人。
　- 流程：頭 28 週為資格賽 (其間舉行 6 次台主聯賽)，3 週為擂神賽分組，3 週為淘汰賽，總共 35 週。
　- 優點：免入組，每週除分組參加者外，仍然有鬥高分派米賽。
　- 缺點：報名一次後，到接近季尾已經發現有參加者無轉陣 / 荒廢球隊情況。
　- 短評：全季長程賽，除鬥高分外，其間滲入分組、淘汰賽，集聯賽同 1 VS 1 兩大形式，
　  因為參與討論人數問題，曾經以 好友擂台™ PK 賽 http://bbs.hkbff.net/read.php?tid=109734 增加參與者活躍度。



BINGO http://bbs.hkbff.net/read.php?tid=102011&fpage=2 ：以獎金遊戲鞏固擂台參與人數為目的，效果成功穩定廿多位參加者。

好友擂台™ PK 賽 http://bbs.hkbff.net/read.php?tid=109734 ：以加強參加者討論、吹水為目的，效果成功令 86% 擂台參加者報名挑人。



小總結：
個人認為三個遊戲中以旗艦挑戰盃™迴響最大，原因係短程兼淘汰賽比較刺激。
至於長途賽要取捨報名方法，好友擂台™第一季除令主持人工作量大增外，亦見到一個重點，
就係每次季初都會有一大班聲稱願意長期參加者，到季中只餘廿多人。
而好友擂台™第二季轉回一次性報名，即時反映出活躍參加者 (包括肯討論) 維持廿多人左右。
所以個人認為如果要搞遊戲，最好上限以卅人內，途程少於廿週，對戰 + 淘汰形式最易成功。
至於個人決定下季停辦，係覺得經過幾年反覆試驗，動用超過二百萬好友元，但都達唔到普及效果，係時候停一停，諗一諗。

最後感謝歷年來好友們支持，亦希望大家從中能夠得到遊戲緊張既過程及享受勝負既賽果。

國球旗:喺好友遊戲區搞左幾年 game，分享少少經驗、結論同個人感受。
今次主要係分析番以下幾個我搞既 game：
1. 旗艦挑戰盃™ http://bbs.hkbff.net/read.php?tid=91298&fpage=3
....... (2013-06-17 20:46) 

旗哥