工黨勢危？李卓人：撐工人基層公義者一拖一投我哋就掂
當人人以為他必定當選，民調卻顯示他會出局。為基層勞工打拚數十載的工黨李卓人，在新界西選情非常嚴峻，恐失議席。李卓人今午在荃灣千色廣場附近拉票，他坦承，工黨在民調勢危，「隨時有出局危機」，但他相信，若過去的支持群體包括打工仔、弱勢社群及平權人士，繼續支持，「如果佢哋都可以搵多個人出嚟投票，我哋係有信心，我哋係可以贏到議席」。
未來4年有多項重要的勞工議題，包括標準工時立法、取消強積金對沖及劃一勞工和公眾假期。李卓人坦言，今屆選情政治氣氛濃厚，如傳統泛民與激進港獨等，掩蓋了勞工、基層及公義議題。惟工聯會何啟明及陸頌雄自動當選功能組別勞工界議員，李直言，「過去大家睇到，工聯會講話支持工人，但當真正投票時候，或阿爺吹雞時候，就會跪低，就會出賣工人」。
他指若議會只得工聯會代表勞工，工人就會「被代表」，失去其他勞團為工人發聲，「冇咗我哋聲音，冇人箝制工聯會。老實講，工聯會過去唔敢咁囂張出賣，有時要睇我哋出咗聲，去撐啲議題，佢哋都要跟。若果冇咗我哋，佢哋就可以盡情出賣，冇人箝制佢，呢個係工運、工人不幸」。
李卓人坦言，今年是從政以來最艱難一年，未試過多個泛民及非建制團隊競爭，壓力雖大，但也相信支持者會繼續力撐。工黨主席胡穗珊為顧全大局棄選，他表示，雖對工黨有正面形象，但始終要落區靠選民支持，「好奇怪，以我自己為例，唔知點解啲人好似覺得我夠票，但希望大家明白，如果大家唔投票，永遠都唔夠票」。
他又指，今屆選舉也出現世代分野、更替，工黨也逐漸壯大基層實力，去傳承交棒，但他相信，議會需要有經驗、有往績的人，在議會裏跟年輕人有化學作用，「一齊去推先有用」。他強調，勞工議題必須關注，不能讓財團食到盡， 相信中產也是關注弱勢社群，會支持工黨。
雷動計劃新界西建議未作決定的選民，票投郭家麒及黃浩銘。李卓人指，民調顯示是機會均等，不明白為何要篩選候選人，認為其建議忽略選民的立場，「雷動冇咗個空間畀人去揀」。他相信選民有其理性選擇。
今屆立法會選舉泛民能否守住地區直選過半、全體三分一議席成關鍵。李卓人坦言，在非建制碎片化情況下是有危機，但除了守住議會，也要守住公民社會，因議會需與民間組織結合，擔心會削弱工運力量，「我哋唔係剩係諗自己議席，而係整個運動會唔會削弱咗」。
http://hk.apple.nextmedia.com/realtime/news/20160904/55598316
